Séamus Mac Donnchadha.

Clár Iomlán.

Scrúdóidh saineolaithe timpellachta agus innealtóirí an bád an MV Alta a tháinig isteach ar an gcladach gar do Bhaile Choitín i gCorcaigh arú inné go bhfeicfidh siad an bhfuil aon chontúirt inti don timpeallacht ar maidin inniu.

Cuireadh in iúil ag cruinniú do Chomhairle Contae Chiarraí inné go bhfuil beagán le cois 800 bóthar nach bóithre poiblí iad le deasú i gcontae Chiararí faoi scéim fheabhasúcháin na mbóithre áitiúla an LIS.

Tá sé beartaithe ag Comhairle Contae Dhún na nGall i gcomhair le hÚdarás na Gaeltachta 4 Chomhartha mór "Fáilte go dtí an Ghaeltacht" a chur in airde i cheithre áit sa gContae.

Dhearbhaigh an Roinn Gnóthaí Eachtracha, go bhfuil roinnt Éireannach i gcoirantín ar an mbád mór paisinéirí, an Diamond Princess amach ón tSeapáin, áit a bhfuil an víreas corónach tolgtha ag os cionn 450 duine anois.

Rinne príomh-eadrascánaí breatimeachta na Breataine David Frost cur síos aréir ar an gcineál margadh trádála atá uathu leis an Eoraip in óráid a thug sé aréir. Comhairleoir an Phríomh Aire Boris Johnson Andrew Sabiski tar éis éirí as.

Cuirfear tús leis an éisteacht faoi chuarbhóthar na Gaillimhe inniu agus leanfaidh an t-éisteacht ar aghaidh go dtí mí Aibreán. Dúirt an Seanadóir Pádraig Ó Céidigh go bhfuil botún mór déanta ag an gComhairle Cathrach i dtaobh an bhealaigh atá roghnaithe acu do chuarbhóthar na Gaillimhe.

Leanfar leis na h-iarrachtaí inniu ag féachaint le Rialtas nua a bhunú. Beidh cruinnithe ag Sinn Féin leis na neamhspleáigh agus beidh an Comhaontas Glas i mbun cainteanna freisin faoi bhunú Rialtais.

Antaine Ó Conghaile.