Sláine Ní Chathalláin.

Micheál Ó Tuathail.

Liam Mac a Mhaoir.

Tá plean Gaeilge Chathair na Gaillimhe mar bhaile seirbhís Gaeltachta curtha faoi bhráid Fhoras na Gaeilge ón tseachtain seo caite, a dúradh le cruinniú do chomhairle Cathrach na Gaillimhe aréir - agus freagra John Connolly ar a bhfuil curtha i leith Declan McDonnell.

Cruinniú Rialtais inniu, áit a bpléifear cúrsaí Breatimeachta.

Tá comhlacht busanna Feda Ó Dónaill i mbun seirbhíse Local Link ó Ailt an Chorráin go Leitir Ceanainn ó mhaidin inné.

An Cumann Tráchtála sa Daingean le suirbhé gnó agus maireachtála a dhéanamh ar bhaile an Daingin i gcaitheamh na míosa seo chugainn.

Tá smachtbhannaí airgid curtha ag Uachtarán Mheiriceá, Donald Trump ar an Tuirc de bharr na n-ionsuithe atá á ndéanamh ar fhórsaí na gCoirdíneach i dtuaisceart na Siria.

Tharla léirsithe i mBarcelona inne nuair a tháinig an fógra faoi théarmaí fada príosúin a bheith gearrtha ar naonúr de cheannairí ón ngluaiseacht neamhspleáchais a d'eagraigh reifreann dhá bhliain ó shin.

Tá chuile chosúlacht ar na cainteanna Breatimeachta nach mbeidh aon socrú déanta roimh dheireadh na seachtaine ach cá bhfágfaidh sé sin Acht Benn?