Jeaicí Mac Gearailt.

Cáit De Bhailís.

Séamus Mac Donnacha.

Tá an- éileamh ar an tSeirbhís bus áitiúil LOCAL LINK i gceantar Gaeltachta na nDéise, agus an-rath ar an tSeirbhís an Samhradh seo. Deir Christy Breathnach, ó Bhóthar na Sop sa Rinn, nach bhfuil sárú na seirbhíse le fáil.

Tá plean teanga Thuaisceart Dhún na nGall ceadaithe anois ag Príomh Aoire an Rialtais, an tAire Stáit don Ghaeilge, don Ghaeltacht agus do na hOileáin, Seán Kyne. Dúirt Caoimhín Mac a Bhaird go bhfuil lúcháir orthu go bhfuil an plean ceadaithe ach gur anois a thosóidh an obair mar is ceart.

Dúirt cheithre cinn de na chúig pháirtí ó thuaidh le Príomh-Aire na Breataine, Boris Johnson nuair a chas siad air i Stormont inné go bhfuil siad in aghaidh Breatimeacht gan margadh.

Tá mná ag teacht chun cinn fós a bhfuil imní orthu faoin mhoill atá le torthaí tástála ceirbheacs agus mearbhall orthu faoina torthaí sin de bharr easpa cumarsáide.

Thug Príomhfheidhmeannach Ryanair, Michael O'Leary le fios don fhoireann i dteachtaireacht fístéipe inné go bhfuil os cionn 500 píolóta agus os cionn 400 oibrí cábáin le cois an méid a theastaíonn ag obair san aerlíne agus dhá réir go gcaithfear scaoileadh le oibrithe agus roinnt de na bunáiteacha atá acu a dhúnadh.

Faigheann i bhfad níos mó mná ná fir bás le fadhbanna anála nó le ARDS, mar gheall ar dhamáiste atá déanta dá gcuid scamhóg ag niúmóine, nimhiú fola nó droch ghortú.

Dúirt Brian Lee, Stiúrthóir Caighdeáin agus Riaracháin Túsla, dá mbeadh an chumhacht acu, go mbeadh naíolanna Hyde agus Seek a ‘spáineadh sa gclár, RTÉ Investigates an tseachtain seo caite, dúnta acu ar an bpointe.