Tá sé séanta ag an Aire Cumarsáide, Patrick O'Donovan gurb eisean a sceith eolas do na meáin go bhfuil deacrachtaí airgid ag An Post. Léiríonn pobalbhreith san Irish Times go bhfuil tacaíocht pháirtíthe an rialtais buan, ach go bhfuil titim 4% ar thacaíocht SF.

Príomhscéalta Náisiúnta agus Idirnáisiúnta: Tristan Rosenstock. Príomhscéalta an Deiscirt: Róisín Ní Chéilleachair. Príomhscéalta an Tuaiscirt: Mairghréad Uí Annluain. Príomhscéalta an Iarthair: Maidhc Ó Féinneadha.

Tá cáineadh géar déanta ag urlabhraithe thar ceann na bhfeirmeoirí ar an dréacht bhuiséad atá foilsithe ag Coimisiún na hEorpa ina bhfuil sé molta go ndéanfaí ciorrú 20% ar an gComhbheartas Talmhaíochta. Deir feirmeoirí go ndéanfadh a leithid scrios ar an earnáil.

Cuirfear tús anocht le Scoil Samhraidh Phádraig Mhic a’ Ghoill sna Gleanntaí. Beidh an Scoil a reáchtáil i gcomhair le hOllscoil Notre Dame.

Deir an Teachta Connolly, go bhfuil sé dóchasach go mbeidh laghdú ar na táillí tríú leibhéal ó mhí Mheán Fómhair na bliana seo, ach nach bhfuil a fhios aige fós cé mhéad de laghdú a bheas i gceist.

Tá an Coiste Forbartha thar a bheith mí-shásta leis an gcaoi a bhfuil Iontaobhaithe Choláiste na Mumhan ag caitheamh lena n’éileamh go n-éireodh siad as oifig.

Clár cúrsaí reatha agus nuachta.

Antoine Ó Conghaile.

Tá an Teachta Dála Ó Murchú thar a bheith mí-shásta leis an rialtas faoi nach mbeidh gasúir Palaistíneach in ann freastal ar Champa Samhraidh Lú Chleas Gael, a bhí eagraithe dóibh in Éirinn.

Sa Fhrainc, tá an Príomh Aire François Bayrou ag tabhairt faoi chiorraithe conspóideacha le réiteach a fháil ar an easnamh ollmhór atá sa stát chiste, ina measc tá sé ag iarraidh deireadh a chur le dhá lá saoire náisiúnta, beart a deir sé a shábháilfeadh €4.2bn don stát chiste.