Tá sé mar dhualgas ar an Chomhairle Condae a chinntiú gur an Ghaeilge a bhéas mar ghnáth theanga oibre in Oifigí Seirbhísí Poiblí an Chlocháin Liath.

Tá siad mí-shásta leis an nAire, Dara Calleary, mar nach bhfuil cruinniú socraithe fós le ceist na títhiochta sa nGaeltacht a phlé leis.

Bhí agóidí ar bun aríst inné taobh amuigh do Scoileanna Shailearna, na bhForbacha, an Spidéil agus Bhearna le haird a tharraingt ar chomh contúirteach agus atá sé ag na gasúir a bheith ag dul trasna an bhóthair agus ag siúl chun na scoile ar bhóthar Chois Fharraige an R336.

Cuirfidh Uachtarán Mheiriceá Donald Trump tús lena chuairt ar an Araib Shádach, an Chatar agus ar Aontas na nÉimíríochtaí Arabacha níos deireanaí inniu ach níl aon socrú déanta aige dul go hIosrael.

D’fhoilsigh an Oifig Ghnóthaí Baile sa mBreatain an páipéar bán inné inar leagadh amach polasaithe lena chinntiú go dtiocfaidh titim shuntasach, dar leis an bPríomh-Aire Sir Keir Starmer, sa mhéid inimirceach a thagann go dtí an Bhreatain.

Tá sé tábhachtach acmhainní breise a chuir ar fáil do dhaltaí atá ina gcónaí i dtithe ina bhfuil brící lochtacha, a dúirt Príomh Fheidhmeannach Bhord Oideachais agus Oiliúna Dhún na nGall nuair a chas baill den bhord inné le baill Oireachtais Dhún na nGall.

Tá díomá ar an Teachta Dála Aindrias Ó Muimhneacháin faoin ráiteas a thug Comhairle Contae Chorcaí do Raidió Na Gaeltachta an tseachtain seo caite, ag leagan amach canataobh nach n-úsáideann siad coinníollacha teangan nó aon bheartas eile dá leithéid, ar fhorbairtí tithíochta sa Ghaeltacht.

Tá an Tánaiste agus an tAire Gnóthaí Eachtracha agus Trádála, Simon Harris, le miniú dá chomhleacaithe ag cruinniú an rialtais ar maidin go léiríonn an margadh a rinne na Stáit Aontaithe agus an Ríocht Aontaithe an tseachtain seo caite gur dóigh go mbeidh tairifí mar ghné buan de chursaí trádála feasta.

efef

Gormfhlaith Ní Thuairisg.