Cuirfear tús le Comhdháil Slándála München sa nGearmáin inniu. Beidh an Taoiseach Micheál Martin agus an Tánaiste Simon Harris i measc na gceannairí a bheas ag freastal air, le polasaí idirnáisiúnta a phlé.

Láithriú - Máirín Ní Ghadhra.

D'imigh láthair athchúrsála Bhaile Mhuirne is Bhaile Mhic Íre gan tásc gan tuairisc ó charrchlós an tséipéil anuraidh, rud a d'fhág muintir na háite gan aon áit áisiúil lena mbuidéil a athchúrsáil. Labhair an Comhairleoir le Dáithí de Mórdha.

Dúirt an Comhalta ar Bhord an Údaráis John Ó Cuireáin go mbeidh Údarás na Gaeltachta sásta oibriú leis an Chomhairle Condae agus le hUisce Éireann leis na fadhbanna séarachais atá ar an Fhál Carrach a réiteach.

Tá Uachtarán Mheiriceá Donald Trump théis treoir a thabhairt dá fhoireann breathnú ar bhealaí chun taraifí a ghearradh ar thíortha eile a bhíonn ag trádáil leis na Stáit Aontaithe.

Tá súil ag Galf Chumainn Oileáin Chonamara má dhíoltar an galfchúrsa agus an clubtheach atá in Eanach Mheáin i mBéal an Daingin go mbeidh an seasamh céanna ag na baill agus a bhí ariamh. Labhair Manus Ó Conghaile le Máire Áine Ní Chuaig.

Gearóidín Nic an Iomaire.

Reáchtáil Údarás na Gaeltachta an chomhdháil ‘Mná na Mara’ in Óstán Chois Fharraige sna Forbacha inné. Rinneadh plé ag an ócáid ar an obair atá ar bun ag eagraíochtaí Stáit agus comhlachtaí eile le pobail cois cósta.

Máire de Bhailís.

Caoimhe Ní Chonchoille.