Clár Iomlán.

Bhí titim de 3% ar líon an n-áaon chónaithe a tógadh sa gcéad trí ráithe den bhliain seo, i gcomparáid leis an tréimhse chéanna anuraidh, de réir fhigiúirí on bPríomh-Oifig Staidrimh.

Fógraíodh inné gur ghearr an Coimisiún um Chosaint Sonraí fíneáil de luach 310 milliún euro ar an gcomhlacht LinkedIn toisc go raibh siad ag díriú fógraíochta ar dhaoine a d’úsáid a suíomh bunaithe ar eolas a bhailigh an comhlacht fúthu gan cead.

Tá ceist an líon leapacha in Ospidéal Pobail Chorca Dhuibhne ina chnámh spairne le fada an lá, ach tháinig cor breise ar an scéal le déanaí leis na deacrachtaí a tháinig chun solais san ionad cúraim eile ar an leithinis, Tigh Altranais Oceanview, nó Aperee mar atá anois air, ar an gCam in Oirthear Duibhneach.

Beidh cruinniú ag an Taoiseach, Simon Harris, le Príomh-aire na Liobáine, Najib Mikati i dTithe an Rialtais inniu agus scéalta eile an lae.

Sláine Ní Chathalláin.

Ní mór d'Ospidéal na hOllscoile i nGaillimh an fad a chaitheann’s daoine san Ospidéal a laghdú agus an méid daoine atá ag obair ann a mhéadú. Sin de réir na tuarascála is deireanaí atá foilsithe ag an Údarás um Fhaisnéis agus Cáilíocht Sláinte - HIQA.

Tá na Gardaí ag achainí ar an bpobal aon eolas a d’fhéadfadh a bheith acu faoi chás Kyran Durnin a roinnt leis na húdaráis.

Dáithí de Mórdha.

Tá rialacha nua ón Aontas Eorpach le teorainn a chur ar caiteachas na tíre seo ar nós mótarbhealach a thógáil gan teorainn luas a chur i bhfeidhm. Sin a bhí le rá ag Séamus Coffey, Cathaoirleach IFAC, ag cruinniú den choiste um Fhormhaoirsiú Buiséid i dTithe an Oireachtais tráthnóna aréir.