Reáchtálfar an dara fhóram ar pholasaí slándála na tíre i nGaillimh inniu, ceisteanna le freagairt ag RTÉ faoin eolas nár tugadh go poiblí faoina híocaíochtaí a tugadh don láithreoir Ryan Tubridy agus scéalta eile an lae.

Caoimhe Ní Chonchoille.

Séamus Ó Scanláin.

Marion Ní Shúilleabháin.

Le Séamus Ó Scanláin.

Dáithí de Mórdha.

Seoladh Straitéis Bhord Oideachais agus Oiliúna Chiarraí don 5 bliana amach romhainn ag ócáid a bhí in Ionad Tech Amergin, sa Choireán inné.

Ní mór an cur chuige i dtaobh daoine leochaileacha a chosaint in ionad cónaithe a leasú ó bhonn go barr. Sin a dúirt Príomhfheidhmeannach na heagraíochta SAGE Advocacy, Mervyn Taylor, tar éis an eolais a tháinig chun solais an tseachtain seo faoin othar a éigníodh i dteach altranais i 2020.

Tugadh soiléiriú tráthnóna inné ag ócáid in ionad Cuimhneacháin na n-imirceach i gCarna ar an gciste pobail a bheas ag Feirm Ghaoithe Charraigeacha Sceirde ina mbeidh suas le 70 milliún euro le dáileadh ar an bpobal le linn tréimhse na feirme.

Foilsíodh an chéad phlean straitéiseach do Sheirbhís na bPáirceannaí Náisiúnta agus Fiadhúlra an tseachtain seo. Díreofar ar chúrsaí ceannaireachta sa bplean nua, chomh fada agus a bhaineann sé le gnaithí timpeallachta, sa tréimhse go dtí 2025.