De réir an eolais a thug an tAire Talmhaíochta den pháirtí polaitíochta Aontú, easpórtáladh 392,853 tonna móna ón tír seo anuraidh agus easpórtáladh 58,000 tonna sna chéad dhá mhí den bhliain seo.

Cheistigh an Tánaiste agus an tAire Gnóthaí Eachtracha Micheál Martin chomh feiliúnach is atá córas an triple lock sa Dáil inné.

Tá aighneacht á chur le chéile ag Bord Oideachais agus Oiliúna Dhún na nGall le cur chuig na húdaráis ó thuaidh agus ó dheas, faoi fhorbairt a dhéanamh ar bhealach an A5.

Chas an tAire Stáit sa Roinn Lánpháirtíochta, Joe O'Brien le toscaireacht ó mhuintir na háite atá ag agóidíocht gar don Inse i gCo an Chláir aréir faoi iarrthóirí tearmainn bheith ag fanacht sna tithe saoire gar do Theach Mhaigh Ghamhnach.

Baineadh siar as Comhairleoirí Bardasach Chonamara inné nuair a dúradh leo nach mbeadh le tógáil ag an gComhairle ach dhá ionad foscaidh dhaoine a bheadh ag fanacht ar bhusanna I ndeisceart Chonamara.

Tá na toghcháin áitiúla ar bun sna Sé Chontae inniu agus na bothanna vótála oscailte ón seacht ar maidin agus 462 suíochán le líonadh ar aon cheann déag do chomhairlí.

Gearóidín Nic an Iomaire.

Caithfear gach iarracht a dhéanamh lena chinntiú go mbainfear tairbhe as an deontas de €1.2m atá ceadaithe le pontún a thógáil ag céibh an Bhun Bhig, agus go rachfar ar aghaidh leis an togra go luath, a dúirt an Comhairleoir Contae.

Glacadh le run ón gComhairleoir go n-iarrfadh an Chomhairle cead ar an Aire Tithíochta daonra iomlán na dtoghcheantar tuaithe ar nós Chorca Dhuibhne a thógaint san áireamh i gcomhair scéim tithíochta inacmhainne.

Daithí de Mórdha.