Tá céim eile chun cinn tógtha ag forbairt ionad éigeandála nua agus ionad máithreachais nua atá beartaithe ag Ospidéal na hOllscoile i nGaillimh. Tá an Roinn Sláinte tar éis glacadh leis an tuairisc straitéiseach (SAR) ar an bhforbairt atá a bheartú ansin.

Tá buiséad fiúntach de dhíth le gur féidir dul chun cinn suntasach a dhéanamh maidir le forbairt an chosáin siúil ó Ailt an Chorráin go Leitir Ceanainn, a dúirt an Comhairleoir Contae John Shéamuis Ó Fearraigh le hAodh Máirtín Ó Fearraigh.

Tá sé ina ábhar imní go bhfuil Éire lag i dtaobh an dlí de chun daoine cumhachtacha a cheistiú agus a scrúdú go poiblí. Sin de réir an ghrúpa ‘Index on Censorship’ a bhfuil comhdháil eagraithe acu chun ar chásanna SLAPP a phlé i mBaile Átha Cliath Déardaoin.

Tá sé fógraithe ag an DUP go mbeidh siad ag vótáil in aghaidh coscán Stormont i Westminster amárach. Dúirt ceannaire an pháirtí Jeffrey Donaldson inné go raibh go leor fós le plé faoi Chreat Windsor.

Ba inné an dáta a bhí tugtha ag An Bord Pleanála dá cinneadh fé fheirm ghaoithe Ghort Uí Rathaille i gceantar Ghaeltachta Mhúscraí, ach níor tháinig aon chinneadh.

Máirín Ní Ghadhra.

Maidhc Ó Féinneadha.

Agus rún Shinn Féin ar chosc ar dhíshealbhú le plé sa Dáil anocht, beidh daoine ag faire ar an méid a thit amach ag cruinniú páirtí pharlaiminte an Comhaontas Glais aréir, chomh maith leis an méid a socróidh an rialtas inniu agus iad ag súil lena rún féin a chur os comhair na Dála ar an ábhar céanna.

Gearóidín Nic An Iomaire.

Reáchtálfar ócáid anocht in Óstaí na Rí faoina deiseanna fostaíochta atá ar fáil san AE d’aistritheoirí, ateangairí agus dlí-theangeolaithe. Beidh an tAire Ghaeltachta agus pearsain móra aistriúcháin ón Eoraip i láthair.