De réir Pobalbhreith ‘Sunday Independent/Ireland Thinks’ tá laghdú tacaíochta do Shinn Féin, agus is é an imní is mó ar phobal na tíre ná cúrsaí sláinte.

Tá na grúpaí a bhíonns ag stocaireacht chun ospidéil ar fud na tíre a choinneáil oscailte chun lá agóide náisiúnta a reáchtáil seachtain ó Dé Sathairn.

Séamus Ó Scanláin.

Beidh córas nua cigireachta le cur i bhfeidhm ar na scéimeanna talmhaíochta i mbliana ina mbeidh cheithre cinn do shatailítí ag déanamh monatóireachta ar na feilmeacha uilig sa tír. Labhair Máire Áine Ní Chuaig leis an bhfeilméara Tomás Ó Fatharta.

Dúirt an Poitigéir Tom Ó Muireadhaigh go mbeidh níos mó brú ar Phoitigéirí agus ar Dhochtúirí go ceann míosa eile ar a laghad mar nach bhfuil an buaicphointe den ráig is deireanaí víris agus slaghdáin sroiste go fóill. Labhair sé le Frances Nic Géadaigh.

Tugadh cead pleanála le déanaí don SOCIAL HOUSING COMPANY, 91 Aonad tithíochta a thógaint ar shuíomh 1.87 heictéir talún sa Ghróbh sa Daingean, agus tá 24 coinníoll curtha leis an gcead sin.

Marion Ní Shúilleabháin.

D’fhógair Uachtarán na Rúise inné go gcuirfí sos comhrac i bhfeidhm ó mheán lae inniu go dtí meán oíche amárach chun sos a thabhairt dóibh siúd a bhí ag súil leis an Nollaig a cheiliúradh.

Tháinig an scéal chun solais inné go bhfuil 88 duine de lucht iarrtha tearmainn ag fanacht i gcampaí i gCnoc an Lisín i gContae an Chláir, an láthair chéanna ina raibh 80 fear ag fanacht an mhí seo caite.

Liam Mac an Mhaoir.