Marion Ní Shúilleabháin.

Róisín Ní Chéilleachair.

Fógraíodh inné go bhfuil 36 post le ligean chun siúil sa mBBC i dTuaisceart Éireann, agus an-mhíshástacht léirithe go bhfuil an tseirbhís a chuireann BBC Radio Foyle le ciorrú.

Tá sé ráite ag Teachta Dála de chuid Fhianna Fáil, Cathal Crowe, go mba cheart srian a chur le teacht na dteifeach ón Úcráin.

Reachtófar dhá sheisiúin den Chomhchoiste Gaeilge, Gaeltachta agus Phobal Labhartha na Gaeilge inniu – ceann dírithe ar logainmneacha na Gaeltachta, agus tuarascáil ón gCoimisinéir Teanga le cur i láthair le linn an dara seisiúin.

D'fhógair TG4 inné go bhfuil Muireann Ní Chíobháin ceaptha ina hEagarthóir Coimisiúnaithe ar an gcainéal nua Cúla4. Is údar agus craoltóir í Muireann agus tá cúig bliana déag caite aici ag obair ar chláracha do dhaoine óga in RTÉ agus TG4.

Tuairiscítear go bhfuil pleananna ag an Aire Airgeadais Paschal Donohue fáil réidh leis an uasteorainn pháigh d’fheidhmeannaigh shinsearacha sna bancanna.

Tá sneachta tite ar chathair Cív agus é tuartha go leanfaidh na teochtaí ísle mar seo ar feadh na míonna atá romhainn. Ach cérbh iad na himpleachtaí ag aimsir an Gheimhridh do na fórsaí atá páirteach sa gcogadh san Úcráin?

Tá an Comhairleoir Mac an Iomaire ainmnithe ag Comhairle Contae na Gaillimhe le hionadaíocht a dhéanamh ar a son ar Bhord Údarás na Gaeltachta.

Ghlac Comhairle Contae Chorcaí le Buiséad na Bliana inné, agus beartaíodh nach gcuirfí ardú ar rátaí i bhfeidhm ach do na gnólachtaí is mó.