Rinneadh mórán plé ag cruinniú poiblí i mBrú na Dromod aréir, ar nithe éagsúla sóisialta agus eacnamaíochta a theastaigh ón bpobal áitiúil a bheadh sa bplean 5 bliana atá á réiteach faoi láthair don Dromod.

Máirín Ní Ghadhra.

Pléadh easpa seirbhísí in Otharlann Leitir Ceanainn ag cruinniú d’Fhóram Sláinte an Iarthair inné agus tugadh eolas faoina pleananna atá ag Grúpa Otharlanna Saolta le déileáil le brú breise san Otharlann an Geimhreadh seo.

Máire de Bhailís.

Bhí agóid arís aréir sa bPort Thoir i gCathair Bhleá Cliath faoi nár cuireadh ar an eolas an pobal áitiúil go raibh 80 fear, atá ag cuardach tearmainn, ina gcónaí i bhfoirgneamh le Bord Soláthar Leictreachais ar Shráid Richmond Thuaidh.

Glacadh le rún ag cruinniú d’fhóram sláinte an Iarthair inné ag iarraidh go mbeadh ar chuile oibrí sláinte a bhaineann amach a gcuid cáilíochta sa tír seo trí bliana a thabhairt ag obair sa gcóras sláinte ina dhiaidh sin. Labhair Tony Canavan le Cóilín Ó Neachtain.

Paddy Ó Gríofa.

Tá comhráiteas eisithe ag 6 cheardchumann múinteoirí ag tacú leis an agóid náisiúnta faoin ngéarchéim tithíochta, Raise the Roof, a bheidh ar bun ar an Satharn.

Gheobhaidh na mílte dalta ar fud na tíre torthaí an Teastas Sóisearaigh inniu. Seo an chéad uair an múnla nua T1 agus T2 bheith dá mheas i gcás na Gaeilge.

Mír na polaitíochta: Go leor plé aréir le linn díospóireacht Dála ar rún Shinn Féin faoin éigeandáil tithíochta agus foilseofar tuarascáil an Dr. Gabriel Scally inniu.