Beidh cáipéis le cur fé bhráid Bhord Chomharchumann Chiarraí amáireach atá sínithe ag tuairim is 1600 scarshealbhóir ag iarraidh ar an mBord cruinniú speisialta a ghairm maidir le fuascailt scaranna sa Chomharchumann. Labhair an feirmeoir Micheál Ó Céilleachair le Dara Ó Cinnéide.

Fógraíodh aréir gur tugadh ordú do fhorsaí na Rúise cúlú siar ó chathair Kherson i ndeisceart na hÚcráine. Níl sé ach cúig seachtaine ó d’fhógair Vladimir Putin ionghabháil buan ar an gcathair.

Caithfear dlús mór a chur ar bhonn práinne le clár tógála do thithíocht shóisialta i gceantar bardais na nGleanntach, a dúirt an Comhairleoir Contae John Shéamuis Ó Fearraigh le Aodh Máirtín Ó Fearraigh.

Le Máirín Ní Ghadhra

Léirigh an Charthanacht Trócaire míshástacht faoin €10m a d’fhógair an Taoiseach Micheál Martin inné ag Comhdháil Aeráide COP 27.

Dúirt Príomhfheidhmeannach Chomhar na nOileán, go gcaithfear aitheantas ar leith a thabhairt d’oileáin na hÉireann mar áit atá go mór faoi mhíbhuntáiste ó thaobh maoinithe agus riartha faoin gClár Leader. Labhair Máire Uí Mhaoláin le Cóilín Ó Neachtain.

Tá suas le €170m dhá chaitheamh ar leapacha ospidéil d’othair atá scaoilte amach go cliniciúil as an Ospidéal de réir taighde atá déanta ag an bpáirtí Aontú.

Beagán le cois bliana ó d’fhógair an cumann sacair Fánaithe Bhá an Daingin go rabhadar chun páirc uile-aimsire a fhorbairt ar a dtailte i nGallaras, osclaíodh an áis nua Dé Sathairn seo caite. Labhair Séamas Mac Gearailt le Conn Ó Muíneacháin

Marion Ní Shúilleabháin

Róisín Ní Chéilleachair