Iarrfar ar baill de Comhthionól Thuaisceart Éireann filleadh ar ais ar Stormont inniu. Bhí cruinnithe ag StátRúnaí an Tuaiscirt Christopher Heaton-Harris le hionadaithe ó na páirtithe polaitiúla tráthnóna áréir.

Tá pobal Inse in Oirthear Duibhneach i mbun agóide le hos cionn 300 lá anois, fé chrann cumarsáide a chur an comhlacht Towercom ina sheasamh in aice le tigh mhuintir Fhoghlú i lár an tsráidbhaile. Labhair Máire Ní Riain le Dáithí de Mórdha.

Dúirt Róise Nic Laifeartaigh go mbeadh Grúpa Gníomhaíochta MICA breá sásta leis an mholadh tithe modúlach a sholáthar do theaghlaigh fhad agus atá a dtithe a gcóiriú, ach iad a bheith ar chaighdeán atá sábháilte. Labhair sí le Aodh Máirtín Ó Fearraigh.

Tá ionaid pobal i gceantar Gaeltachta ag snámh in aghaidh easa ó thaobh cúrsaí maoinithe agus costais. Labhair Barraí Ó Fátharta le Cóilín Ó Neachtain.

Tiocfaidh an t-iarsheanadóir Mheiriceá George Mitchell os comhair Comhchoiste um Fhorfheidhmiú Chomhaontú Aoine an Chéasta inniu. Is cuid de shraith d’imeachtaí ina ndéanann baill den Oireachtas plé le húdair an Chomhaontú ar an méid atá tite amach ó síneadh é cúig bliana fichid ó shin.

Maighréad Uí Annluain

Séamus Ó Scanláin

Paddy Ó Gríofa?

Sláine Ní Chathalláin

Cáit de Bhailís