Al Son

Falamos con Xicu Ariza, director del Semando Fest, alcuentru de músiques moces n'Asturies, que llega a la so tercer edición, y sentimos a los participantes d'ella.

Escomenzamos coles últimes novedaes nel mundu de la gaita, conocemos cómo sonaría la flauta paleolítica alcontrada na cueva de Tito Bustillo (Ribeseya) y entrevistamos a Héctor Braga pol so llibru tituláu 'Nel cantu la memoria. Ensayu sobre l'asturianada tradicional'.

Ufiertamos una visión global sobre la llamada folktrónica n'Asturies y na segunda parte del programa entrevistamos a Paula Cristóbal, componente del grupu Herbamora, por cuenta del so discu nuevu.

Presentación de la temporada nueva del programa, muncho más apegáu a l'actualidá de la música asturiana, na que se fai un percorríu pola diversidá de la mesma, con representantes d'estilos estremaos.

La ONG Movimiento por la Paz y el Ayuntamiento de San Martín del Rey Aurelio han organizado el encuentro “Migración y construcción de paz”. Es un encuentro orientado a dar información de las migraciones desde diferentes dimensiones y enfoques de intervención tanto de la sociedad civil como del ámbito institucional. Hablamos hoy con varios participantes: David Menéndez Álvarez-Hevia (Profesor del Departamento de Ciencias de la Educación de Uniovi) Aquilina Fueyo Gutiérrez (Profesora titular en la Facultad de Ciencias de la Educación Uniovi) y Vicente Baeza Martínez (Coordinador Departamento Movilización Social y Comunicación de Movimiento por la Paz).

En la segunda parte del programa hoy conversamos con Nuria Rodríguez, directora general de Participación Ciudadana, Transparencia, Diversidad Sexual y LGTBI.

Nes últimes cuatro décades son munchos los grupos y intérpretes asturianos que tienen musicao creaciones lliteraries de los y les más variaos escritores, bien con testos yá publicaos anteriormente o compuestos a costa fecha pa la ocasión.

Y ello, como frutu de la estrecha rellación qu'existe ente la música n'asturianu y gallego-asturianu y la lliteratura nestes dos llingües.

N'Asturies les primeres bandes de rock surden nos años sesenta con formaciones que siguen los patrones orixinales que lleguen de los Estaos Xuníos o Inglaterra, cantando n'inglés o en castellanu. Ye na segunda metá de la década de los setenta cuando surden les primeres formaciones qu'amiesten el rock cola llingua y la música asturiana, dando orixe a un soníu propiu y entamando una escena que llega hasta anguaño.

La música que se fai anguaño n'Asturies presenta unes formes y unes maneres de lo más variao, dende les propuestes mui apegaes a la tradición a les que la reellaboren o les que partiendo d'ella lleguen a sonoridaes contemporánees dafechu. La bayura de soníos de la que disfrutamos nel nuestru panorama musical ye de lo más amplia y orixinal, con munches propuestes distintes y orixinales.

Nes últimes selmanes tán produciéndose bien de llanzamientos de novedaes na escena musical asturiana; ello ye que, depués d'un tiempu de parón, la nuestra música vuelve con fuercia y puxu abondu. Los intérpretes y grupos del país tán presentando les sos composiciones tanto en formatu físicu como dixital, mostrando'l dinamismu y la creatividá de la que gociamos n'Asturies nel terrén sonoru.