Al Son

La producción musical asturiana, depués d'un tiempu de crisis y de parón por cuenta del coronavirus, vuelve a reactivase de manera bien curiosa nes últimes selmanes.

Cola vuelta a la normalidá vienen presentándose una serie de novedaes discográfiques que responden al trabayu continuáu y permamente de los nuestros músicos.

D'estilos bien distintos ente sí, son estes producciones mui bien acoyíes por tolos y toles siguidores de los nuestros soníos y equí n'Al Son tienen siempre un espaciu onde dales a conocer.

La llingua asturiana asocióse históricamente a los soníos provenientes de la tradición, fundamentalmente en cantares populares o na tonada; a principios del sieglu venti incorpórose tamién a la música coral, onde ocupa un espaciu bien importante en munches composiciones d'esi calter. Sicasí, nos últimos años, munchos grupos y solistes del país tienen cantao n'asturianu en contestos sonoros ayenos dafechu a la nuestra tradición musical, faciendo suyos ritmos, melodíes y aires d'otros llugares. Con ello mostraron la versatilidá de la llingua asturiana, que ye quien a adaptase amañosamente a maneres y formes musicales que nada tienen que ver con ella.

Los y les siguidores de la música asturiana contemporánea, o los simplemente aficionaos a ella, conocen mayormente los discos y grabaciones fundamentales d'ésta; pero mui probablemente hai munches otres obres que, polo que seya, pasaron desapercibíes, quedaron tapecíes o nun llograron llegar al públicu. N'Al Son recuperamos delles d'eses obres escaecíes, llamatives o inédites, amás dedalguna qu'otra rareza que tien a la nuestra música como protagonista.

RARECES DE LA MÚSICA ASTURIANA

 Los y les siguidores de la música asturiana contemporánea, o los simplemente aficionaos a ella, conocen mayormente los discos y grabaciones fundamentales d'ésta; pero mui probablemente hai munches otres obres que, polo que seya, pasaron desapercibíes, quedaron tapecíes o nun llograron llegar al públicu. N'Al Son recuperamos delles d'eses obres escaecíes, llamatives o inédites, amás dedalguna qu'otra rareza que tien a la nuestra música como protagonista.

N'Asturies quedó'l recuerdu de bien de seres míticos rellacionaos, na so mayor parte, con delles de les fuercies naturales contemplaes yá polos nuestros ancestros; falamos del agua, la tierra, l'aire o'l fueu. D'esti mou, el panteón míticu asturianu nútrese de xanes, trasgos, nuberos, cuélebres, busgosos, diaños, güesties... y bien d'ellos más. Les hestories y lleendes que tienen como protagonistes a estos personaxes tresmitiéronse de xeneración en xeneración a lo llargo de los sieglos, les más de les veces al calor del llar. Modernamente, estos personaxes siguen presentes en campos como la etnografía, el folclor, la lliteratura o la música. Precisamente a eso, a les rellaciones ente la música y la mitoloxía n'Asturies vamos dedicar esti capítulu d'Al Son.

La práctica paralización de la vida cultural nos dos últimos años, por cuenta del andanciu del coronavirus, afectó tamién al sector musical asturianu. En tou esti tiempu l'actividá musical del nuestru país amenorgó de manera bultable y namás de xemes en cuando apaecieron pequeñes iniciatives, vía internet, que teníen a la música asturiana como protagonista. Ello ye que, cola vuelta a una cierta normalidá, la música asturiana ta esperimentando un repunte reseñable y un movimientu cada vez más grande. El frutu d'esi trabayu compositivu calláu y paciente ta asoleyándose agora cola publicación de munches novedaes discográfiques que devuelven la música asturiana a l'actualidá.

La práctica paralización de la vida cultural nos dos últimos años, por cuenta del andanciu del coronavirus,afectó tamién al sector musical asturianu. En tou esti tiempu l'actividá musical del nuestru país amenorgó de manera bultable y namás de xemes en cuando apaecieron pequeñes iniciatives, vía internet, que teníen a la música asturiana como protagonista. Ello ye que, cola vuelta a una cierta normalidá, la música asturiana ta esperimentando un repunte reseñable y un movimientu cada vez más grande. El frutu d'esi trabayu compositivu calláu y paciente ta asoleyándose agora cola publicación de munches novedaes discográfiques que devuelven la música asturiana a l'actualidá.

Yá dende'l mesmu Reinu d'Asturies les rellaciones esteriores foron una constante, unviando embaxadores a la corte de Carlomagno y faciendo del Atlánticu una vía de comunicación de primer nivel.

La «creación» del Camín de Santiagu pol rei asturianu Alfonsu II nel sieglu IX vieno a afitar y enanchar eses conexones, posibilitando intercambios y influyencies sociales, humanes, culturales y musicales ente esta tierra y el restu del mundu conocíu.

Al traviés d'esi camín llegáronnos instrumentos y melodíes qu'alcontraron abellugu na nuestra tierra, al tiempu que'l nome d'Asturies espardióse per prácticamente tolos requexos del mundu conocíu naquellos sieglos.