Al Son

Nel programa tamos dedicando untiempu a conocer la obra y la vida d'una de les figures fundamentales de lahistoria de la música asturiana: Eduardo Martínez Torner. La so abondosa obra, les sos investigaciones sobre la músicaculta y popular, los sos métodos de clasificación y análisis de la músicatradicional y la so xera divulgativa y pedagóxica faen d'él una figuraimprescindible de la musicoloxía a nivel internacional. Nesti capítulu siguimos escuchando pieces recoyíes nel 'Cancionero' deTorner reellaboraes y arreglaes por grupos y solistes asturianos.

Primeru de los dos capítulos quededicamos a la vida y la obra del musicólogu uviedín Eduardo Martínez Torner.Nellos fáise un percorríu fondu pela vida de Torner y pel tiempu azarientu que-y tocó vivir. Un pelegrinaxe vital nel qu'ocupóbien de cargos institucionales rellacionaos cola música y la educación y que lullevó a un campu de refuxaos en Francia, d'au saldría pa exiliase en Londres.Nestos dos capítulos van poder sentise delles de les pieces que recoyó nel so'Cancionero Musical de la Lírica Popular Asturiana' reellaboraes porsolistes y grupos asturianos de les últimes décades, prueba de la vixenciad'esta obra y de la importancia que tien pa la cultura asturiana.

La muyer na música asturiana tuvo históricamente un papel bien relevante; yá hai constancia d'ello dende tiempos remotos y na Edá Media apaeció representada en munchos capiteles d'ilesies romániques asturianes.

Andando'l tiempu y cola llegada de los aparatos de grabación y reproducción del soníu y más tarde de la radio, hai muyeres qu'empiecen a sobresalir nel panorama musical del país.

Modernamente les muyeres foron incorporándose, pasína pasu, como instrumentistes o cantantes en bandes de folk o de rock y vienen protagonizando la renovación de la tonada y la revolución de la pandereta, conxungando al empar un prestixamientu del instrumentu y l'empoderamientu femenín.

Asturies tien un frente costerude más de trescientos kilómetros de llargu y, dende hai milenios, la mar foi palos habitantes d'Asturies una fonte de vida importante y un ámbitu decomunicación que-yos permitió ponese en contactu colos llugares más alloñaos.Esta relevancia de la mar tamién tuvo y tien el so reflexu na música asturiana,tanto na tradicional como na d'autor, creando pieces que falen de la nuestra querenciay rellación pa con ella. Nesti sen, a lo llargo de la historia bien d'artistesasturianos y asturianes echaron mano de la temática marinera pa inspirase ycrear les sos composiciones.

La música asturiana espardióse fuera de les sos fronteres, dándosea conocer a un públicu diversu y heteroxéneu y tamién ente artistes nonasturianos que, prendaos d'ella, llegaron a incluir dalguna pieza asturiana nelso repertoriu. A lo llargo del sieglu venti y no que llevamos del ventiún lanuestra música y el nome d'Asturies foi internacionalizándose, apaeciendo nosdiscos y nes canciones de bien d'artistes foranos.

L'actividá discográfica nel campu de la música asturiana nel 2022 va ser bien granible y con abondes novedaes. Otra manera, dende hai yá años, los grupos y solistes prefieren asoleyar temes sueltos o individuales en cuenta de trabayos discográficos completos, qu'incluyan un conxuntu de pieces. Seya física o dixitalmente, los creadores musicales asturianos, van tener n'Al Son un espaciu onde dar a conocer les sos composiciones. Esti capítulu dedicámoslu a les últimes novedaes na música asturiana o a les que van venir nos próximos meses.

L'Anuariu de la Música Asturiana llega un añu más fiel a la so cita per estes feches y failo con un repasu fondu a lo que dio de sí'l recién pasáu 2021.

Como de costume les temátiques céntrense n'estilos como la música tradicional, el folk, el rock o la canción d'autor, con secciones qu'inclúin reportaxes, informes, entrevistes, crítiques, opinión, recoyida de material o anuncies.

Siguimos percorriendo la historia de la música asturiana al traviés del ensayu ganador del XXVI Premiu Fuertes Acevedo,tituláu 'Hai una llinia trazada' (Xune Elipe). Nesti programa abarcamos dende los años 30 del sieglu XX hasta l'actualidá, aparándonos nes consecuencies de la Guerra Civil, elresurdimientu de los años 80 y la situación actual.

El cantar «Hai una llinia trazada» ye ún de los más conocíos y estimaos por tolos y toles cantadores de canción asturiana. Esti iconu de la nuestra música ye tamién el títulu del ensayu ganador del Premiu Fuertes Acevedo na so última edición que convoca la Conseyería de Cultura del Gobiernu Asturianu. Nél ufiértase una visión xeneral y de conxuntu sobre la historia de la Música Asturiana.