Al Son

El 5 d'ochobre de 1934, declárase una Fuelga Xeneral Revolucionaria en tol Estáu español. Ésta tuvo poca repercusión en xeneral, pero n'Asturies la fuercia que tenía'l movimientu obreru fixo que la llama de la rebelión prendiera, convirtiendo l'ochobre asturianu na última revolución obrera d'Europa. L'alcordanza d'estos fechos tuvo muncha presencia na música asturiana, con cantares que llamaron a caltener viva la memoria histórica d'esta tierra.

N'Europa nos años 70 produzse una reacción ante la omnipresencia de la música comercial norteamericana y entámase una reflexón sobre'l papel que tienen que xugar les tradiciones sonores propies de cada país nel mundu actual.

Esta corriente llega a Asturies y los nuestros músicos tamién echen a andar pel camín, non solo de la recuperación de la música tradicional asturiana, sinón pel de la so reellaboración y actualización. Surde asina un movimientu potente de folkasturianu que col tiempu diba dir diversificándose en varies tendencies, una d'elles ye'l llamáu 'folk de cámara'.

Les violencies machistes son ún de los problemes más grandes que tien la sociedá. Maltratu, violación, esplotación sexual, cosificación, acosu,discriminación llaboral, asesinatu… son dalgunes d'estes violencies que milenta muyeres de tol mundu tienen que sufrir a diariu. La música ye un arte apegáu a la realidá social y por eso son munchos los y les artistes asturianos que fixeron cantares denunciando esti problema social.

Anque nos años 70 y 80 surden les primeres esperiencies rockeres na nuestra llingua, nun ye cuasi hasta la década del 2000 na que se pue falar d'una verdadera escena de rock con identidá asturiana. Paralalemante al surdimientu d'esta escena, fuimos viendo como l'asturianu diba ganando terrén ente grupos que, anque tuvieren al castellanu o inglés como llingües de referencia, foron componiendo dalgunos cantares n'asturianu, grabándolos nos sos discos y interpretándolos en directo.

Depués d'un momentu d'esplendor qu'abarcaría dende principios del sieglu XX hasta los años 50, porcuenta de la llegada de les orquestes, entama una época de declive pa les bandines asturianes tradicionales formaes por músicos populares que cásique acaba con elles, pero nos años 90 los intérpretes mozos recuperen aquel espíritu y afiten una escena nueva d'esti tipu de formaciones, recuperando repertoriu vieyu y al empar anovando'l so soníu.

En toa Asturies diose un fenómenu que foi popular abondo: el de les bandes o bandines de músicos populares. Dende los años finales del sieglu XIX, al empar que diben llegando instrumentos como l'acordión o'l clarinete, van formándose estes agrupaciones que percuerren fiestes y romeríes de prácticamente tol país; xeneralmente taben integraes por cinco o seis componentes y la so instrumentación yera variada, pero la más común solía ser la que llevaba dos o tres gaites, caxa, bombu y clarinete.

Desque s'inventaron los reproductores de soníu a finales del sieglu XIX lamúsica asturiana esperimentó un crecimientu esponencial y posibilitó quemunchos de los sos protagonistes grabaren pa bien de compañíes, guardando nossos archivos rareces y pieces úniques mui poco conocíes. Anguaño, colossistemes modernos de rexistru sonoru ye mui fácil autoproducise les grabacionesy munchos artistes y grupos asina lo faen. Pero ello nun quita pa que munches d'eses grabacioneshistóriques o contemporánees queden arrequexaes o directamente escaecíes.

L'Asturies contemporánea ta marcada fondamente pola emigración. Milenta asturianos y asturianes dexaron esta tierra a lo llargo de tres foles d'emigraciones: la de metá del sieglu XIX y primeros del XX con rumbu a América, la de metá del sieglu XX camín de países europeos y la d'esti sieglu XXI hacia otres zones con más oportunidaes llaborales del Estáu español y Europa. Esta realidá tuvo y tien reflexu na música asturiana.

Asturies ye una tierra d'emigrantes. Muncha xente marchó a facer lesamériques nel sieglu XIX, llogrando riqueza los conocíos como indianos ypasando penuries los que más. Anguaño, la permanente crisis económica asturianafai que la emigración forciada seya tristemente una de les nuestres señesd'identidá. La música siempretuvo presente nes maletes de los emigrantes asturianos y son munchos losartistes que compusieron cantares sobre esta temática.

La música ye una de les meyores ferramientes qu'hai pa tresmitir conocimientu a la reciella.La llingua asturiana entró nes escueles en 1984 y mui pronto aquella xeneración de maestros y maestres decatáronse de que facíen falta cantares colos qu'enseñar el nuestru idioma a los escolinos. Entama asina'l camín de la música pa la reciella n'asturianu, a la que dedicamos esti programa