Ala xa kiiti xumoo niŋ fiina xumoo lasii Nunfuŋ ma tumoo meŋ, Nunfuŋ maŋ woo mara a faŋ yeŋ.  A xa a jenseŋ nee. Ite duŋ? I xa meŋ mee Ala to, Tawureta xono la, i be muŋ ke la woo la?

Folo foloo to, haadamadiŋolu bee be xuma xaŋ kiliŋ nee fo la.  Woo to, muŋ xa a ke, xuma xaŋolu be siyayaaliŋ bii?  Ala be woo lee yita la nn na Tawureta xono la, Anabi Musaa bulu la.

Sanjiy siyamaŋ siyamaŋ Anabi Nunfuŋ saayaa xoo la, Anabi Iburayima naata wuluu. Xa taraa, Iburayima mu woo, a faa mu woo, a la moxoolu bee hayidaa, ii bee kiliŋ kiliŋ mu jalankelaalu ti.  Awa.  Ala xumata Iburayima yeŋ, xa a fo, xo a xa bo jalankelaalu teemoo, baawoo a be kuwo doo ke la a yeŋ.  Ilaŋ nn xa a mee, Ala xa meŋ fo a yeŋ.

Kori, i xa a loŋ ba, xo Ala xa laafidoo taa Iburayima yeŋ?  A xa laafidoo meŋ taa, i xa woo loŋ ba?

Ala xa a fo xo Iburayima niŋ Saraŋ yeŋ, xo ii wulubaloo keebayaatoo leelu be diŋo soto la, xa a fo fanaŋ, xo a be duniyaa moxoo bee kuŋ nadiiyaa la Iburayima, niŋ a diŋ kee woo bulu la.  Ala xa meŋ fo, Iburayima laata woo lee la.  Woo laanayaa xaŋ, Ala xa a yaate moxoo tilindiŋo ti.

Iburayima wulu faa xa a toxoo meŋ laa a la, Ala xa woo yelema. Silaŋ, i xa Iburayima toxo xoto loŋ ba? A niŋ a musu foloo toxo, na a lee mu Saraŋ nee ti? Ilaŋ nn xa a mee, meŋ xa a ke Ala xa Iburayima niŋ a musu toxoolu yelema.

Ala xa Sodomongoolu kiiti, xi ii bee siilasaa.  Xa tara, Iburayima doxo diŋ ke be jee woo tumoo, bari ate maŋ faxa. Karaŋo niŋ to, nn ba a je la, meŋ xa a ke, Ala xa Sodomongoolu kiiti, a niŋ meŋ xa a ke, Luti xi i soto woo kiitoo la. Bari, jaŋ niŋ nn be sii la woo kuwo to, nn ba a je la, xo Ala xa kawa kuwo ke Iburiyma yeŋ. Luŋ doo keta, Iburayima xa luntaŋ saaba soto. Xa tara, ii tuŋ te luntaŋ gansaŋolu ti.

Ala xa laafidoo meŋ taa, kabiriŋ nn maamaa Haadama xa a soosoo luŋ meŋ, xo a be haadamadiŋolu labo la kiitoo xoto, a xa woo laafidoo woo mawuura ñaa siyamaŋ nee ma.  Karaŋo niŋ nee to, nn be mawuuraliŋ doolu je la, xa ii tofo.

Ala xa laafidoo taa Iburayima yeŋ, xo a musu xoto wuluubaloo, na a lee mu Saraŋ nee ti, xo ate lee bi i faŋ soto la. Awa. A meeta diŋ maŋ soto. Woo to, Iburayima filita. A tuŋ ba a yeŋ nee, xo ate se Ala deemaa woo kuwo to. Karaŋo niŋ to, i ba a je la Iburayima filita ñaa meŋna la, a niŋ Ala xa a la laafidoo daafaa ñaa meŋ.

Moxoolu be meŋ fo xaŋ laafiyaŋ kuwo to, a mee baŋ, xa tara woo xumoo woolu, ii sii te kiliŋ ti.  Bari, Ala sa a faŋ soosoo ba?  Woo mee ke noo. Awa.  Karaŋo niŋ nee to, nn ba a je la, Ala xa meŋ fo nn yeŋ laafiyaŋ kuwo lee to, Anabi Musaa bulu la.