Во оваа 16 епизода на Алетеа подкаст разговарам со Илина Пејоска Затуроски, дигитален специјалист, инжинер по информатички системи, визуелизација, мутимедија и анимација. Говориме за дигиталните предизвици во родителството во ера на брз развој на Вештачката интелигенција.

Зошто екраните станаа „дигитална дадилка“? Од која возраст е во ред да му се даде смартфон на детето? Кои опасностите од прерано користење на социјалните мрежи? И многу други гориливи прашања кои си ги поставуваме секојдневно, со една цел, како на правилен начин да ги воведеме децата во светот на технологијата.

🎙Разговарам со Драган Даскаловски, татко на една ќеркичка, специјален едукатор и рехабилитатор. Тој е раководител на „Училница Даскаловски“ центар за рана интервенција, рана стимулација и реедукација на психомоторика. На Инстаграм заедницата познат како @uchilnica.

📌 Во потрага сум по одговори за улогата и значењето на таткото во развојот на детето, денес во нашето современо оопшетство. Дали денес за разлика од минатото, татковците се повеќе вклучени во грижата за децата и зошто е важно тие да бидат активно присутни во процесот на воспитание на децата? Говориме и за периодот на раниот детски развој (до петтата година) како и предизвиците со задоцнетиот говор со кои се соочуваат голем број на семејства кај нас.

Епизодата е снимена во 2021 година, во времето кога бевме погодени од пандемијата со Корона вирусот. Денес, кога повторно поминуваме низ национална трагедија, сакам да се навратам на мислите на Виктор Франкл.

Во оваа подкаст епизода разговарам со Елена Граматикова, мајка на две момчиња, сертифициран семеен и системски советник, сертифициран едукатор за родители според методот на позитивна дисциплина и NLP практичар. На Инстаграм заедницата позната како @pregratka.

Разговаравме на теми поврзани со родителството - дали и како може позитивната дисциплина да ни помогне родителувањето да ни биде неверојатна авантура и зошто е важна приврзаноста на децата до своите родители.

Децата се дел од конзумеристичкото општество во кое живееме. Тие уште од најрана возраст се под влијание на маркетинг стратегиите кои имаат за цел да продаваат производи за деца. Со какви предизвици се соочуваат децата, на кој начин ги формира оваа конзумеристилка култура и дали ние родителите имаме моќ да направиме нешто во врска со овие предизвици?

Слушајте во оваа подкаст епизода.

Во оваа епизода разговарам со Николина Петровска, медиумски едукатор. Со неа размислуваме на многу прашања поврзани со екранизмот - Кои се последиците од прекумерно користење на екрани? Какви содржини се препорачуваат за одредена возраст? Каква е состојбата со екранизмот во Македонија? Од која возраст може да им се претстават видео игрите на децата? И многу други прашања кои не’ засегаат сите...

Со лансирањето и развојот на Chat GPT (алатката која користи вештачка интелигенција) расте и една нова генерација деца кои (ќе) ги користат овие алатки. Се отвора нов хоризонт за размислување, истражување и анализа. Какво влијание ќе има употребата на вештачката интелигенција во животите на децата? Дали вештачката интелигенција ќе ги воспитува децата? Може ли да го формира нивниот светоглед? Дали ќе го обележи нивното детство, тинејџерство, образованието и понатаму можноста за работни места? И она што е најважно, како ќе влијае врз нивниот психички развој? За сите овие прашања разговарам со Филип Чаусидис, програмер и родител.

Оваа подкаст епизода произлезе како […]

Екранизам е термин со кој во психологијата се означува негативното влијание на екраните врз мозокот на детето и зависностите кои може да се јават при неумерено користење на технологиите во детската возраст. Технологија неминовно е дел од животите на денешните деца, таа ги следи уште од првите денови на животот, па затоа ме интересира какво влијание имаат екраните врз раниот детски развој на децата?

„Единствена работа на детето е играта, а целта на неговата игра е создавање на човекот.“

– Марија Монтесори