Говориме за Скопје пред 1963 година. Кога ќе го спомнеме старо Скопје се асоцираме на старите архивски фотографии на кои е прикажан плоштадот со добро препознатливиот Офицерски дом. Но нас нѐ интересира каков е животот позади таа фотографија? Какви биле скопјани? Како изгледал еден обичен ден на почетокот на педесетите години – корзото, културниот живот и сето она што му давало карактеристика на градскиот дух. Разговараме со Емилија Џипунова, доајен на македонскиот балет, балетски критичар и педагог. Таа ќе нѐ води низ нејзините сеќавања.