Also

Brøvini, ið verða viðgjørd í sendingini, snúgva seg øll um mammur.

Í fyrsta brævinum spyr ein mamma, um hon veruliga er ein vánalig mamma, tí hon arbeiðir í skiftisvaktum.

Í øðrum brævi spyr ein ungur drongur um hjálp, tí mamma hansara er so ljót við hansara unnustu.

Eisini skrivar ein triðja mamma, at tað als ikki er javnstøða í føroysku heimunum í dag, og tað líkist ongum.

Tey trý fólkini í panelinum svara eisini tveimum sms-spurningum.

Spurningarnir snúgva seg um, hvussu man kann hava eitt familjujólaborðhald, har gamlar damur og sjeikar eru íblandað, um bróstageving altíð er loyvd, og um man skal taka sær av jarðarferð hjá familju, sum man ikki hevur samband við.

- Hvussu forklári eg mínum barni, at mær ikki dámar at tað svevur hjá einum vini, tí foreldrini drekka for illa?

- Hvat heldur panelið um hendan kundaóskikk, tá kundar snúgva sær inn í handil ein minutt áðrenn lukkitíð, ella enn verri aftaná lukkitíð?

- Mín verfamilja dámar meg ikki, men tað er nokk skilligt, aftaná tað eg havi gjørt!?

Soleiðis ljóða brot úr dagsins brøvum.

Panelið skal í dag taka støðu til, hvørt eitt par skal fara at ganga til dans ella ikki, um ein kvinna skal taka pápa sín við inn á føðistovuna, og um til ber hjá einum soni at steðga mammu síni, sum hann heldur vera á vandakós.

Hesir tríggir spurningarnir verða viðgjørdir í dagsins sending:

"Dótturin vil ikki hava okkara nýggju makar við til konfirmatións døgurðan. Hvat skal eg gera?"

"Er tað í lagi, at skriva arbeiðsboð á Facebook?"

"Hvussu kann eg siga við tey, at tey ikki kundu vænta, at eg standi á hondunum fyri at hjálpa teimum, tá tey ikki vóru har fyri meg, tá eg hevði brúk fyri teimum?"

Sveinur Tróndarson, Barbara Holm og Nina Brockie svara spurningunum.

Spurningarnir í dag eru allir frá konufólkum, og snúgva seg um, hvussu man fær motivatión til at reisa seg úr sofuni, og til at fara út at íðka, hvørt maðurin skal samla pensjón til bæði foreldur, tá tey hava valt, at konan skal vera heima hjá barninum, og um tað, at velja sær vinfólk eftir status og pengapungi.

Vit viðgera hesi evni: "Hví er tað so ókul at halda hámarksferðina á landsvegnum?" Ein kvinna vil hava vaskikonu, men maðurin, sum er sjómaður, heldur ikki, hetta er eitt gott hugskot, og ein maður spyr: Eri eg ein nóg góður kristin, tá eg ikki gangi ofta í kirkju?

Spurningarnir í dag snúgva seg um, hvat mann skal gera, tá íbúðin mann hevur leigað, er full av skrambli, tá maðurin bannar ov illa eftir børnunum, og um hvørt mann skal halda við øllum børnunum í eini kapping.

Spurningarnir hesa ferð snúgva seg um, hvørjum Kringvarpið eigur at borðreiða við, um ein mann, ið er keddur av at verforeldrini halda, at hann hevur broytt dóttir teirra, og um tað at vera á møti, meðan mann er til handils.