Mir schwätzen haut am Podcast iwwert eng nei Interviewserie, déi dës Woch gestart ass. Si heescht „Was treibt Sie an?“ an ass vum Tessie Jakobs an d‘Liewe geruff ginn. Mir schwätzen haut doriwwer, wat dem Tessie seng Motivatioun war an wisou et wichteg ass, net nëmme Politiker*innen an Aktivist*innen zur Politik ze befroen, mä och Leit, déi hiren Engagement aneschters gestalten. Donieft gi mir gewuer, wéi den éischten Interview war an wat eis an deenen nächste Méint esou erwaart.

Diese Woche ist der Podcast ausnahmsweise auf Deutsch. Wir sprechen heute nämlich mit Sascha Schlüter, der die letzten Wochen ein Praktikum bei der woxx gemacht haben. Wir erfahren nicht nur, wie es ihm dabei ergangen ist, sondern reden auch über den Zusammenhang zwischen Lebensmittelproduktion und Pandemien. Der ist nicht nur bei Covid-19 zu beobachten, sondern bestand auch historisch. Außerdem reden wir über andere Zusammenhänge zwischen Ernährung und Krankheiten.

Mat méi strenge Reegele wëll d'EU de Plastikproblem léisen. Eng Analys vum Europäesche Rechnungshaff huet awer gewisen, datt dat guer net esou einfach ass. Dozou kënnt, datt vum nächste Joer un international méi streng Reegele fir den Export vum Plastiksoffall gëlle wäerten. Wou soll also all de Plastik hin? Mir hunn méiglech Léisungen an Ausweeër diskutéiert.

Dës Woch schwätze mir iwwert sexistesch Kleederuerdnungen an Lëtzebuerger Lycéeë. De Stee vum Ustouss war dee vum Dikrecher Lycée (LCD), géint deen et eng Petitioun gëtt, déi op social media fir vill Opreegung gesuergt huet. Den Direkter, mä och de Präsident vum Schülerkommitee vun dem Lycée verdeedegen den Dresscode, mä dat mat schlechten Argumenter. Mir diskutéieren doriwwer, wisou dat esou ass, wisou vill Dresscode vun „Respekt“ oder „Provokatiounen“ schwätzen an wisou esou Formuléierunge problematesch sinn.

Een aneren Aspekt, iwwert dee mir schwätzen, sinn Aussoe vu Proffen, datt Schülerinnen si duerch hir Kleedung „reizen“ oder oflenke géifen. Dat wéisst een komescht Bild vu Sexualitéit op. Zum Schluss gi mir dann nach der Fro op de Grond, wisou et grad elo esou vill Opreegung zu sexisteschen Dresscode gëtt, obwuel déi Reegelwierker net nei sinn.

Iwwer 70.000 Tonne Liewensmëttel ginn all Joer zu Lëtzebuerg ewech gehäit. De meeschten Dreck kennt vun den private Stéit, mä den Undeel un nach iessbare Liewensmëttel, deen an der Gastronomie an am Commerce verkaaft gëtt, ass enorm grouss. Wat fir Mëttelen an privat Initiative ginn et, fir géint dës Verschwendung virzegoen? Kann d‘Regierung mat hirer Null Offall-Strategie eppes dogéint maachen oder kréie mir do dach erëm just Rezepter fir den Stronk vum Brokkoli?

Mir diskutéieren haut iwwert déi Froen an léieren dobäi och, wéi grouss den Undeel vun der Liewensmëttelverschwendung um Klimawandel ass.

Haut stinn zwee Themen am Mëttelpunkt vun eisem Podcast, amplaz vun engem grousse Plat kritt dir zwee Snacken. Engersäits ënnerhale mir eis iwwert den Transition-Movement an anersäits werfe mir ee Bléck op d'Rechter vun der LGBTIQA-Communautéit an der EU. Ulass ass een Interview mam Rob Hopkins, deen als Grënner vun der Transitiounsbeweegung gëllt. D'woxx huet mat him iwwer Covid-19 an den Normalzoustand geschwat, awer och iwwert d'Fro, op et méiglech ass, sech eng Welt ouni Kapitalismus virzestellen. De Joël schwätzt iwwert seng Andréck a Gedanken dozou. 

D'Isabel huet sech eng Debatt am EU-Parlament ugekuckt, wou et ëm d'Rechter vu LGBTIQA-Mënschen a Polen gaangen ass. An der läscht gouf et do jo vill schrecklech Nouvellen, ënnert anerem déi vill Gemengen, déi sech als LGBT-fräi-Zonen deklaréiert hunn. Mir diskutéieren doriwwer, wouriwwer geschwat ginn ass an wat dann elo op dem Niveau wäert passéieren.

Dem Charlie Kaufmann säi Film "I'm Thinking of Ending Things" feiert op Netflix Première. D'Tessie Jakobs huet sech en ugekuckt - an dat méi wéi eng Kéier. Wisou kann ee net vun engem klassesche Film schwätzen? Wéi vill kann een iwwert dem Kaufmann säi Wierk schreiwen ouni ze vill ze verroden? Iwwert dëst an aneres schwätzt d'Tessie mam Isabel Spigarelli.

D'EU huet mat der Reach-Direktiv déi strengste Chemikaliëpolitik op de Welt. Am Hierscht wëll d'Kommissioun eng nei Strategie virstellen, déi eng Welt ouni toxesch Chemikalië versprécht. Eng rezent Diskussiounsronn dozou huet net nëmme gewisen, datt d'Virstellunge vun der Politik an der Industrie wäit ausernee ginn. D'woxx huet méi ee geneeë Bléck op déi sougenannt Chemiewende geworf.

Zanter dem 13. August ass d'Spill Fortnite net méi an den App-Stores vun Apple a Google ze fannen. Mir schwätzen doriwwer, wisou den Hiersteller Epic Games express géint Bedéngunge vun den zwee Internet-Gigante verstouss huet a wéi se probéieren, d'Notzer*inne vu Fortnite op hir Säit an dem Kampf ze bréngen. Mir diskutéieren ausserdeem doriwwer, wat Spotify mat där Saach ze dinn huet an op de Move vun Epic Games dann elo wierklech ee Kampf fir d'Fräiheet ass oder éischter mam Wonsch, méi Suen ze verdéngen, ze dinn huet.

Mir schwätzen an dëser Episod vum Podcast iwwer zwee verschiddenen Artikelen, eng Kéier geet et ëm de Chaos beim Versuch, een Test fir de neiaartege Coronavirus ze kréien, bei dem zweete geet et ëm eng Expo iwwer queer Geschicht an Däitschland.