D'EU huet mat der Reach-Direktiv déi strengste Chemikaliëpolitik op de Welt. Am Hierscht wëll d'Kommissioun eng nei Strategie virstellen, déi eng Welt ouni toxesch Chemikalië versprécht. Eng rezent Diskussiounsronn dozou huet net nëmme gewisen, datt d'Virstellunge vun der Politik an der Industrie wäit ausernee ginn. D'woxx huet méi ee geneeë Bléck op déi sougenannt Chemiewende geworf.

Zanter dem 13. August ass d'Spill Fortnite net méi an den App-Stores vun Apple a Google ze fannen. Mir schwätzen doriwwer, wisou den Hiersteller Epic Games express géint Bedéngunge vun den zwee Internet-Gigante verstouss huet a wéi se probéieren, d'Notzer*inne vu Fortnite op hir Säit an dem Kampf ze bréngen. Mir diskutéieren ausserdeem doriwwer, wat Spotify mat där Saach ze dinn huet an op de Move vun Epic Games dann elo wierklech ee Kampf fir d'Fräiheet ass oder éischter mam Wonsch, méi Suen ze verdéngen, ze dinn huet.

Mir schwätzen an dëser Episod vum Podcast iwwer zwee verschiddenen Artikelen, eng Kéier geet et ëm de Chaos beim Versuch, een Test fir de neiaartege Coronavirus ze kréien, bei dem zweete geet et ëm eng Expo iwwer queer Geschicht an Däitschland.

D'Tessie Jakobs an d'Isabel Spigarelli vun der woxx schwätzen des Woch iwwert den neien Aktiounsplang vum Ministère fir d'Gläichstellung vu Fra a Mann. Dem Tessie fält dozou virun allem een Adjektiv an: enttäuschend.

Déi lëtzebuergesch Regierung schreift eng Consultatioun zur Raumplanung aus, kommunizéiert doriwwer awer net mat der Bevëlkerung. Mir schwätzen haut doriwwer, wat mir bei eiser Recherche zu  „Luxembourg in Transition“ erausfonnt hunn a wat eng schwäizeresch Architekturstëftung an ee Label, dee soss keen huet, domadder ze dinn hunn.

Wéi huet sech de Kulturdeel vun der woxx zanter dem Ausbroch vun der Covid-19-Pandemie verännert? Si Streaming-Events Konscht? Wéi kann een*t Kultur esou gestalten, datt se digital Sënn ergëtt an de Public sech net déi ganzen Zäit wënscht, awer am Sall ze sinn? Wat fir eng Zort Interaktivitéit ass bei digitaler Konscht wënschenswäert?

Dëse Froe gi mir dës Woch am Podcast no.

En éischten Abléck an dat nei Pressehëllef-Gesetz geheit Froen op: Wiem gëtt tatsächlech gehollef a wien kënnt ze kuerz? Wéi gesäit et mat Community-Medien wéi dem Radio Ara aus? D’Tessie Jakobs schwätzt mam Richard Graf iwwert dat geplangte Gesetz an d’Chambersdebatt, an däer des Woch iwwer de Service Publique an de Medien diskutéiert gouf.

Dës Woch schwätze mir am Podcast doriwwer, wéi Homosexualitéit sech an der Sprooch nidderschléit an iwwert Fro, ob Männer net och Benodeelegungen an eiser Gesellschaft hunn.

Dës Woch schwätze mir am Podcast vun der woxx iwwert de Blackfacing-Virfall am Staater Athénée. Mir ginn dobäi dorobber an, wat rassistesch dorunner ass a schwätzen iwwert Reaktioune vun enger Schülerin, der Schoul, verschiddenen Organisatiounen a Ministèren.

Och 51 Joer no Stonewall gëtt et ëmmer nach vill Diskriminéierung géint Membere vun der LGBTIQA-Communautéit. Dat läit net nëmmen, mä awer och, un der Representatioun an de Medien. Déi huet sech vir Schwuler a Lesben an deene leschten Dekade gebessert, mä bei trans Persoune gëtt et nach vill ze maachen. Mir ënnerhalen eis dës Woch am Podcast iwwert dat Thema a kucken eis unhand vun der Netflix-Dokumentatioun „Disclosure“ un, wéi sech d‘Art a Wéis, wéi trans Persounen a Film a Serien duergestallt huet, am Laf vun de Jore geännert huet. Schlussendlech gi mir dann och nach e puer Tipps fir Serien, déi an dësem Aspekt besonnesch kuckenswäert sinn.