Dës Woch schwätze mir iwwert d‘Monarchie, an dat natierlech am Kontext vum Waringo-Rapport. Den ass leschte Freide public gemaach ginn, an de Luc Carregari huet en natierlech direkt gelies an analyséiert. Mir schwätzen iwwert déi Saachen, déi am meeschten opfalen, an iwwert d‘Reaktioun vum Xavier Bettel, dee mol erëm eng Kéier als „Macher“ optrëtt. Et geet awer och ëm Rumeure ronderëm eng eventuell Ofdankung vum Grand-Duc, déi schonn zanter längerer Zäit ze héiere sinn. Ausserdeem schwätze mir iwwert eng Kierch zu Paräis, wou d‘Fra vum Grand-Duc ëfters unzetreffen ass an do wuel och Gebieder bestallt huet, fir géint de Waringo-Rapport virzegoen.

Et geet net duer, de Kapitalismus gréng ze maachen, wann een nohalteg wirtschafte wëll – dat war d‘Haaptthese vun engem Virtrag vum Timo Daum, deen dës Woch vum Mouvement écologique organiséiert ginn ass. Mir schwätzen doriwwer, wat et mam Rebound-Effekt op sech huet, wisou Kapitalismus a Nohaltegkeet sech widderspriechen a wat fir Spillraim an Alternativen et och ënnerhalb vum kapitalistesche Wirtschaftssystem kéint ginn.

Am zweeten Deel vun dëser Episod schwätze mir iwwert queer Protagonist*innen a Serien. Zanter den 1990er Joren huet sech an dem Beräich zimmlech vill gedoen. Mä wat ass dann iwwerhaapt eng gutt Representatioun vu Queerness, a wisou ginn et esou vill Serien, déi op de sougenannte Queerbaiting setzen?

Et geet net duer, de Kapitalismus gréng ze maachen, wann een nohalteg wirtschafte wëll – dat war d‘Haaptthese vun engem Virtrag vum Timo Daum, deen dës Woch vum Mouvement écologique organiséiert ginn ass. Mir schwätzen doriwwer, wat et mam Rebound-Effekt op sech huet, wisou Kapitalismus a Nohaltegkeet sech widderspriechen a wat fir Spillraim an Alternativen et och ënnerhalb vum kapitalistesche Wirtschaftssystem kéint ginn.

Am zweeten Deel vun dëser Episod schwätze mir iwwert queer Protagonist*innen a Serien. Zanter den 1990er Joren huet sech an dem Beräich zimmlech vill gedoen. Mä wat ass dann iwwerhaapt eng gutt Representatioun vu Queerness, a wisou ginn et esou vill Serien, déi op de sougenannte Queerbaiting setzen?

Dës Woch schwätze mir doriwwer, wéi de Luc Carregari vun der woxx bei senger Recherche zu de Luanda Leaks virgaangen ass a wat fir Verbindungen d'Isabel Dos Santos zu Lëtzebuerg huet.  Dobäi sinn eis zwou Firme besonnesch opgefall. Mir froen eis ausserdeem, wat déi Entdeckunge fir déi Lëtzebuerger Finanzplaz bedeiten.

Dës Woch schwätze mir doriwwer, wéi de Luc Carregari vun der woxx bei senger Recherche zu de Luanda Leaks virgaangen ass a wat fir Verbindungen d'Isabel Dos Santos zu Lëtzebuerg huet.  Dobäi sinn eis zwou Firme besonnesch opgefall. Mir froen eis ausserdeem, wat déi Entdeckunge fir déi Lëtzebuerger Finanzplaz bedeiten.

Der Ëmwelt an Europa geet et schlecht an et bléift net méi vill Zäit, fir eppes dovunner ze retten. Dat ass, graff gesot, de Constant vum Rapport „The European Environment – State and Outlook 2020“ vun der europäescher Ëmweltagence EEA. Wäert sech dat mam European Green Deal, deen eng Billioun Euro an de Klima- an Ëmweltschutz wëll stiechen, änneren? Wat sinn déi grouss Baustelle vum Natur- an Ëmweltschutz an Europa a bei wat fir Punkte krut Lëtzebuerg an dem genannte Rapport eng Datz?

Dat si Froen, déi d‘Isabel Spigarelli mam Joël Adami diskutéiert, deen dës Woch fir d‘woxx iwwert de Rapport vun der EEA geschriwwen huet. Donieft geet awer och riets doriwwer, wéi déi politesch Reaktioun op Ëmweltproblemer misst ausgesinn.

Der Ëmwelt an Europa geet et schlecht an et bléift net méi vill Zäit, fir eppes dovunner ze retten. Dat ass, graff gesot, de Constant vum Rapport „The European Environment – State and Outlook 2020“ vun der europäescher Ëmweltagence EEA. Wäert sech dat mam European Green Deal, deen eng Billioun Euro an de Klima- an Ëmweltschutz wëll stiechen, änneren? Wat sinn déi grouss Baustelle vum Natur- an Ëmweltschutz an Europa a bei wat fir Punkte krut Lëtzebuerg an dem genannte Rapport eng Datz?

Dat si Froen, déi d‘Isabel Spigarelli mam Joël Adami diskutéiert, deen dës Woch fir d‘woxx iwwert de Rapport vun der EEA geschriwwen huet. Donieft geet awer och riets doriwwer, wéi déi politesch Reaktioun op Ëmweltproblemer misst ausgesinn.

Leschte Mëttwoch huet d‘Asti déi gefillten 100. Diskussiounsronn zum Thema Erneierung vum Wahlrecht zu Lëtzebuerg organiséiert. Mir schwätzen haut am Podcast doriwwer, wisou sech sou Diskussiounen dacks e bëssen ufillen, wéi wann een*t am Film „Groundhog Day“ gelant wier. An awer schéngt et, wéi wann sech d‘Meenunge lues a lues kéinten änneren, och bei der CSV. Mir diskutéieren doriwwer, wisou den Ausgang vum Referendum een Totschlagargument war a wat sech muss änneren, fir datt sech eppes ännere kann.

Leschte Mëttwoch huet d‘Asti déi gefillten 100. Diskussiounsronn zum Thema Erneierung vum Wahlrecht zu Lëtzebuerg organiséiert. Mir schwätzen haut am Podcast doriwwer, wisou sech sou Diskussiounen dacks e bëssen ufillen, wéi wann een*t am Film „Groundhog Day“ gelant wier. An awer schéngt et, wéi wann sech d‘Meenunge lues a lues kéinten änneren, och bei der CSV. Mir diskutéieren doriwwer, wisou den Ausgang vum Referendum een Totschlagargument war a wat sech muss änneren, fir datt sech eppes ännere kann.

Nieft dem Cannabis ginn et nach eng ganz Rëtsch aner liicht Drogen, bei deenen et sech loune géif, iwwert eng Liberaliséierung nozedenken. Mir schwätzen dës Woch doriwwer, wéi eng dat sinn a wat d‘Argumenter fir eng Liberaliséierung sinn. Nieft den Auswierkungen op de Kierper an dem Suchtpotenzial sinn déi psychologesch Auswierkungen natierlech och net ze vernoléissegen. Dowéinst diskutéiere mir och doriwwer, wat fir Moossnamen eng Regierung kéint setzen, fir ee méiglechst séchere Konsum ze garantéieren. Eng aner Fro, déi mir diskutéieren, ass déi, wéi wäit Lëtzebuerg elo schonn ee gudden Ëmgang mat Drogen huet.