Zanter Méint gëtt doriwwer diskutéiert, datt zu Lëtzebuerg keng Jugendlecher méi solle mat Erwuessener a de Prisong kommen. D‘Unisec soll eng Struktur sinn, mat där dëse Problem geléist ka ginn, mä et ass net déi eenzeg Léisung. Dës Woch schwätze mir doriwwer, wourunner et läit, datt nach ëmmer Jugendlecher an de Prisong op Schraasseg kënne kommen a beschäftegen eis mat der Kritik un der Unisec, déi trotz villem Luef awer nach ze héieren ass. Um Enn stellt sech nämlech net nëmmen d‘Fro, ob et iwwerhaapt eng gutt Iddi ass, Jugendlecher anzespären, mä och déi, wat duerno mat hinne geschitt.

Zanter Méint gëtt doriwwer diskutéiert, datt zu Lëtzebuerg keng Jugendlecher méi solle mat Erwuessener a de Prisong kommen. D‘Unisec soll eng Struktur sinn, mat där dëse Problem geléist ka ginn, mä et ass net déi eenzeg Léisung. Dës Woch schwätze mir doriwwer, wourunner et läit, datt nach ëmmer Jugendlecher an de Prisong op Schraasseg kënne kommen a beschäftegen eis mat der Kritik un der Unisec, déi trotz villem Luef awer nach ze héieren ass. Um Enn stellt sech nämlech net nëmmen d‘Fro, ob et iwwerhaapt eng gutt Iddi ass, Jugendlecher anzespären, mä och déi, wat duerno mat hinne geschitt.

Op ee Bléck erkennen, op ee Liewensmëttel gesond ass oder net – dat versprécht de Nutri-Score. Mat enger einfacher Bewäertung op enger Skala vun A bis E solle Konsument*innen direkt gesinn, wéi gesond eng Iesswuer ass. Mä esou einfach ass et natierlech net. D‘ULC an d‘Patientevertriedung hunn sech an deene leschte Woche fir de Nutri-Score ausgeschwat, och d‘Konsumenteschutzministerin Paulette Lenert huet sech grondsätzlech fir de System ausgeschwat.

 Mir kucken eis haut méi genee un, wat sech hannert dësem Bewäertungssystem verstoppt, wou seng Vir- a seng Nodeeler sinn. Nieft de Kritiken, déi um Nutri-Score geäussert ginn an de Méiglechkeeten, ze trickse fir Firmen, déi Liewensmëttel produzéiere werfe mir awer och e Bléck op aner Mesuren, déi d‘Regierung kéint ergräifen, fir besser iwwert eng gesond Ernierung opzeklären.

Op ee Bléck erkennen, op ee Liewensmëttel gesond ass oder net – dat versprécht de Nutri-Score. Mat enger einfacher Bewäertung op enger Skala vun A bis E solle Konsument*innen direkt gesinn, wéi gesond eng Iesswuer ass. Mä esou einfach ass et natierlech net. D‘ULC an d‘Patientevertriedung hunn sech an deene leschte Woche fir de Nutri-Score ausgeschwat, och d‘Konsumenteschutzministerin Paulette Lenert huet sech grondsätzlech fir de System ausgeschwat.

 Mir kucken eis haut méi genee un, wat sech hannert dësem Bewäertungssystem verstoppt, wou seng Vir- a seng Nodeeler sinn. Nieft de Kritiken, déi um Nutri-Score geäussert ginn an de Méiglechkeeten, ze trickse fir Firmen, déi Liewensmëttel produzéiere werfe mir awer och e Bléck op aner Mesuren, déi d‘Regierung kéint ergräifen, fir besser iwwert eng gesond Ernierung opzeklären.

An engem décke Joer soll den Tram op der Gare an der Stad ukommen. Iert et awer esouwäit ass, muss sech de Quartier – an all d'Leit, déi do wunnen a schaffe – mat engem grousse Chantier ploen. Mir schwätzen dës Woch doriwwer, op den Tram nach ëmmer op der Schinn ass, fir d'nächst Joer do unzekommen, wou en soll a wisou nach net vill Geschäftsleit Kompensatioune bei Luxtram ugefrot hunn. Donieft diskutéiere mir, wat et bedeit, datt ab nächster Woch keng Busser méi op der Paräisser Plaz wäerten halen. An mir dreemen doriwwer, wéi een de Chantier hätt kéinten sou gestalten, datt net d'Foussgänger an den ëffentlechen Transport an eng marginal Roll gedréckt gi – an deem s een dem Auto net déi absolut Prioritéit ginn hätt.

An engem décke Joer soll den Tram op der Gare an der Stad ukommen. Iert et awer esouwäit ass, muss sech de Quartier – an all d'Leit, déi do wunnen a schaffe – mat engem grousse Chantier ploen. Mir schwätzen dës Woch doriwwer, op den Tram nach ëmmer op der Schinn ass, fir d'nächst Joer do unzekommen, wou en soll a wisou nach net vill Geschäftsleit Kompensatioune bei Luxtram ugefrot hunn. Donieft diskutéiere mir, wat et bedeit, datt ab nächster Woch keng Busser méi op der Paräisser Plaz wäerten halen. An mir dreemen doriwwer, wéi een de Chantier hätt kéinten sou gestalten, datt net d'Foussgänger an den ëffentlechen Transport an eng marginal Roll gedréckt gi – an deem s een dem Auto net déi absolut Prioritéit ginn hätt.

De rietsextremen Attentäter vun Halle huet sech a sengem Manifest op Videospiller bezunn. Ass dat elo den endgültege Beweis dofir, datt déi sougenannt „Killerspiele“ een schlechten Afloss sinn? D‘Saach ass net esou einfach, an doriwwer schwätzen mir dës Woch an eisem Podcast. Vill méi wichteg wéi d‘Spiller selwer sinn nämlech d‘Zeen do rondrëm an de Fait, datt vill jonk Männer sech mam Label „Gamer“ ganz staark identifizéieren. Zesummen mat engem graffen Ëmgangstoun an zyneschen Witzer, déi sech dacks ironesch op rassistesch oder sexistesch Aussoen bezéien, ass et domadder relativ einfach, an dësem Ëmfeld radikaliséiert ze ginn.

De rietsextremen Attentäter vun Halle huet sech a sengem Manifest op Videospiller bezunn. Ass dat elo den endgültege Beweis dofir, datt déi sougenannt „Killerspiele“ een schlechten Afloss sinn? D‘Saach ass net esou einfach, an doriwwer schwätzen mir dës Woch an eisem Podcast. Vill méi wichteg wéi d‘Spiller selwer sinn nämlech d‘Zeen do rondrëm an de Fait, datt vill jonk Männer sech mam Label „Gamer“ ganz staark identifizéieren. Zesummen mat engem graffen Ëmgangstoun an zyneschen Witzer, déi sech dacks ironesch op rassistesch oder sexistesch Aussoen bezéien, ass et domadder relativ einfach, an dësem Ëmfeld radikaliséiert ze ginn.

Mat enger néier Campagne wëll Bee Secure Jonke Leit léieren, Fake News ze erkennen. Mä ginn esou vereenzelt Aktiounen duer oder wier et net méi wichteg, eng holistesch Approche zur Mediebildung an de Schoulsystem ze integréieren? Wéi d'Schoul mat neien, digitale Medien ëmgeet, ass dëst Woch eist Thema. Mir schwätzen doriwwer, datt et net duergeet, de Cours um iPad amplaz an engem Buch ze liesen an iwwert d'Gefill vu Konkurrenz, dat vill Proffe vis-à-vis vu digitale Medien hunn. An mir diskutéieren doriwwer, wat Léisunge kéinte sinn.

Mat enger néier Campagne wëll Bee Secure Jonke Leit léieren, Fake News ze erkennen. Mä ginn esou vereenzelt Aktiounen duer oder wier et net méi wichteg, eng holistesch Approche zur Mediebildung an de Schoulsystem ze integréieren? Wéi d'Schoul mat neien, digitale Medien ëmgeet, ass dëst Woch eist Thema. Mir schwätzen doriwwer, datt et net duergeet, de Cours um iPad amplaz an engem Buch ze liesen an iwwert d'Gefill vu Konkurrenz, dat vill Proffe vis-à-vis vu digitale Medien hunn. An mir diskutéieren doriwwer, wat Léisunge kéinte sinn.