ଇଂରାଜୀ ଭାଷା ପ୍ରତି ଦୁର୍ବଳତା କେବଳ ମୋର କାହିଁକି, ଆମ ସମସ୍ତଙ୍କର ରହିଛି । ଏମିତି କିଛି ଶବ୍ଦ ଅଛି, ଓଡ଼ିଆରେ ତାହା ଆମ ପାଇଁ ଦୁର୍ବୋଧ୍ୟ ହେଲେ ବି ତାକୁ ଇଂରାଜୀରେ କହିଲେ, ଆମେ ସମସ୍ତେ ଭଲଭାବେ ବୁଝିଯାଉଁ । ସେଇଥିପାଇଁ, କିଛି ଇଂରାଜୀ ଶବ୍ଦ ଆମ ଦୈନନ୍ଦିନ ଜୀବନରେ ବହୁଳ ଭାବରେ ଶୁଣିବାକୁ ମିଳେ । ସେମିତି ଏକ ଇଂରାଜୀ ଶବ୍ଦକୁ ନେଇ ମୋର ଏଇ ବର୍ତ୍ତମାନର ଗଳ୍ପ "ମିସେସ୍" । ଆଶା କରେଁ, ଆପଣମାନଙ୍କୁ ଭଲ ଲାଗିବ । ଧନ୍ୟବାଦ ।

ଗାଡ଼ମୋଟର ତଳେ ଚାପି ହୋଇ ରାସ୍ତାରେ ମରି ପଡ଼ିଥିବା ବୁଲା କୁକୁରମାନଙ୍କୁ ଦେଖିଲେ ଆପଣଙ୍କ ମନରେ ଦୟା ଆସୁଥିବ ନିଶ୍ଚିତ ଭାବେ । ଦୁର୍ଘଟଣାଗ୍ରସ୍ତ ସେମିତି ଏକ ଛୋଟ ବୁଲା କୁକୁର ଛୁଆର ମର୍ମନ୍ତୁଦ ଛବି ମୋ' ମନରେ ଗଭୀର ରେଖାପାତ କରିଥିଲା କିଛି ଦିନ ଆଗରୁ । ଶେଷରେ, ତାହା ରୂପ ନେଇଥିଲା ମୋ' ଜୀବନର ପ୍ରଥମ ଗଳ୍ପ - "ବୁଲା କୁକୁର" ଆକାରରେ । ଘଟଣାଟିକୁ କାଳ୍ପନିକତାର ରଙ୍ଗରେ ସଜେଇବାକୁ ଚେଷ୍ଟା କରିଛି ମୁଁ । ଆଶାକରେଁ, ଗଳ୍ପଟିକୁ ଶୁଣିଲେ ଭଲ ଲାଗିବ ଆପଣଙ୍କୁ । ଧନ୍ୟବାଦ ।

ଆମ ସମସ୍ତଙ୍କ ଜୀବନରେ ପ୍ରତି ମୁହୂର୍ତ୍ତରେ କିଛି ନା କିଛି ଛୋଟ ବଡ଼ ଘଟଣା ଘଟେ, ଯେଉଁଟା ଅନୁଭୂତି ଭାବରେ ମନରେ ସାଇତା ହୋଇ ରହିଯାଏ । ସେମିତି ଏକ ଅତି ସାଧାରଣ ଅନୁଭୂତିକୁ ନେଇ ମୋର ଏଇ ଛୋଟ ଗଳ୍ପ "ବିରୋଧ" । କରୋନା ସମୟରେ ଗଳ୍ପଟି ରଚିତ ହୋଇଥିବାରୁ, ଏହାକୁ ମୁଁ କରୋନା ସହ ଯୋଡ଼ିବାକୁ ଚେଷ୍ଟା କରିଛି । ଗଳ୍ପଟି କେମିତି ଲାଗିଲା, ଆପଣଙ୍କ ସୁଚିନ୍ତିତ ମତାମତ voice message ମାଧ୍ୟମରେ ଜଣାଇଲେ ମୁଁ ଅନେକ ଖୁସି ହେବି ।

ମୋ' ଜୀବନର ସାଧାରଣ ଅନୁଭୂତି ଗୁଡ଼ିକ ଆଧାରରେ ମୋର ଏ ଗଳ୍ପ "ନାୟକବାବୁଙ୍କ ମାରୁତି କାର୍" । ଗଳ୍ପଟି କାଳ୍ପନିକ ହେଲେ ବି, ଏଥିରେ ବର୍ଣ୍ଣିତ ଚରିତ୍ର ମାନଙ୍କୁ ମୁଁ ମୋର ପୁରୁଣା ଦିନର ଅନ୍ତରଙ୍ଗ ବନ୍ଧୁ ମାନଙ୍କ ନାମରେ ନାମିତ କରିଛି । ବିଶେଷ କରି, ଗଳ୍ପର ନାୟକ ଚରିତ୍ରରେ ମୋର ଅତି ଘନିଷ୍ଟ ବନ୍ଧୁ ନାୟକବାବୁ । ଦୁଃଖର ବିଷୟ, ମୋର ଗଳ୍ପ ପୁସ୍ତକ "ଜୀବନ ଜୁଆ" ପ୍ରକାଶିତ ହେବା ପୂର୍ବରୁ ଗଳ୍ପର ପ୍ରମୁଖ ନାରୀ ଚରିତ୍ରରେ ଥିବା ନାୟକବାବୁଙ୍କ ଧର୍ମପତ୍ନୀ ରତିଲତାଙ୍କ ଦେହାନ୍ତ ହେଲା । ଏଥିରେ ମୁଁ ଅତ୍ଯନ୍ତ ମର୍ମାହତ ହେଲି । ତାଙ୍କ ଅମର ଆତ୍ମାର ସଦ୍ଗତି କାମନା କରୁଛି । ମୋର ଏ ଗଳ୍ପଟିକୁ ମୁଁ ରତିଲତାଙ୍କ ଉଦ୍ଦେଶ୍ୟରେ ଉତ୍ସର୍ଗ କଲି । ଧନ୍ୟବାଦ ।

"ଅପ୍ରତ୍ୟାଶିତ ଅବ୍ୟବସ୍ଥା" ଗଳ୍ପଟି ସମ୍ପୂର୍ଣ୍ଣ କାଳ୍ପନିକ । ୨୦୨୦ ମସିହାରେ କରୋନା ମହାମାରୀ ସମୟରେ ଚିକିତ୍ସା କ୍ଷେତ୍ରରେ ଅନେକ ଅବ୍ୟବସ୍ଥା ପରିଲକ୍ଷିତ ହେଉଥିଲା । ସେମିତି ଏକ କାଳ୍ପନିକ ଘଟଣା କ୍ରମକୁ କାହାଣୀର ରୂପ ଦେବାକୁ ଚେଷ୍ଟା କରିଛି ମୁଁ ମୋର ଏହି ଗଳ୍ପ ମାଧ୍ୟମରେ, ଯେଉଁଥିରେ କରୁଣ ରସ ସହ ଅଳ୍ପ ପରିମାଣର suspense and twist ର ପ୍ରୟୋଗ କରିଛି । ଆଶା କରେଁ ମୋର ଏଇ ଛୋଟ ଗଳ୍ପଟିକୁ ଶୁଣିବେ ଏବଂ ଗଳ୍ପଟି କେମିତି ଲାଗିଲା ସେ ବିଷୟରେ ଆପଣଙ୍କ ମତାମତ voice message ଜରିଆରେ ଦେଲେ ମୁଁ ବହୁତ ଖୁସି ହେବି । ଧନ୍ଯବାଦ ।

"ପ୍ରଥମ ଗଳ୍ପର ଅଭିଜ୍ଞତା" ଏକ କାଳ୍ପନିକ ଗଳ୍ପ । ଚଳଚ୍ଚିତ୍ର ବା ନାଟକ ଭଳି ଏ ଗଳ୍ପଟିରେ ବି ମୁଁ ଏକ court scene କୁ ପରୀକ୍ଷାମୂଳକ ଭାବେ ସଂକ୍ଷେପରେ ବର୍ଣ୍ଣନା କରିଛି । ଆଶା କରେଁ, ଆପଣଙ୍କୁ ଭଲ ଲାଗିବ । ଗଳ୍ପଟିକୁ ତିନିଟି segment ରେ ଶୁଣାଇବି । ଧୈର୍ଯ୍ୟର ସହ ଶୁଣିବାକୁ ଅନୁରୋଧ କଲି । ହଁ, ପଢ଼ି ସାରିଲା ପରେ ଉପରେ ଥିବା message button ରେ ଯାଇ ମତାମତ ମାଧ୍ୟମରେ ଗଳ୍ପଟି କେମିତି ଲାଗିଲା ଜଣାଇଲେ, ମୁଁ ଉତ୍ସାହିତ ହେବି । ଧନ୍ୟବାଦ ।

"ରସଗୋଲା" ଏକ ବ୍ୟଙ୍ଗ ତଥା ହାସ୍ୟ ରସାତ୍ମକ କାଳ୍ପନିକ ଗଳ୍ପ । ଗଳ୍ପଟିକୁ ଦୁଇଟି segment ରେ ଶୁଣାଇବି । ଧୈର୍ଯ୍ୟର ସହ ଶୁଣିବାକୁ ଅନୁରୋଧ ରହିଲା । ଧନ୍ୟବାଦ ।

"ଜୀବନ ଜୁଆ" ଗଳ୍ପଟି ସମ୍ପୂର୍ଣ୍ଣ କାଳ୍ପନିକ । ଗଳ୍ପଟି ଟିକିଏ ଲମ୍ବା ହୋଇଥିବାରୁ, ମୁଁ ଏହାକୁ ଚାରିଟି segment ରେ ଶୁଣାଇବାକୁ ଚେଷ୍ଟା କରିଛି । ଆଶାକରେଁ, ଗଳ୍ପଟିକୁ ଧୈର୍ଯ୍ୟର ସହ ଣୁଣିବେ । ଧନ୍ୟବାଦ ।

"ଅନ୍ତର୍ଦୃଷ୍ଟି" ମୋ ଗାଳ୍ପିକ ଜୀବନର ଦ୍ଵିତୀୟ ଗଳ୍ପ ସଂକଳନ। ବିଭିନ୍ନ ସ୍ୱାଦର କାଳ୍ପନିକ ବିଷୟବସ୍ତୁକୁ ଆଧାର କରି ରଚିତ ଏଗାରଟି ଗଳ୍ପ ଶ୍ରୋତାଙ୍କ ମନୋରଞ୍ଜନ କରିବାରେ ସକ୍ଷମ ହେବ - ଏହା ମୋର ଦୃଢ଼ ବିଶ୍ୱାସ। ଗଳ୍ପ ଶୁଣି ମେସେଜ୍ ମାଧ୍ୟମରେ ମତାମତ ଦେଲେ ମୁଁ ଖୁସି ହେବି। ଧନ୍ୟବାଦ।