1511 թվականին Բարձր Վերածննդի իտալացի նկարիչ, գրաֆիկ և ճարտարապետ Ռաֆայել Սանտին Վատիկանի պալատի համար ստեղծեց «Աթենական դպրոց» ֆրեսկոն, որը դարձավ պալատի մասին պատմող ամենատպավորիչ աշխատանքը: 

1941 թվականին մեքսիկացի նկարչուհի Ֆրիդա Կալոն ստեղծեց «Ես և իմ թութակները» կտավը, որտեղ ապրեցրեց այդ շրջանի իր հույզերն ու ապրումները: 

1870 թվականին Նյու Յորքում հիմնադրվեց մի թանգարան, որը հետագայում դարձավ ԱՄՆ-ի ամենահարուստ գեղարվեստական հավաքածուն ունեցող թանգարանն ու կոչվեց Մետրոպոլիտեն:

1984 թվականին Ավստրիայի մայրաքաղաք Վիեննայում 20-րդ դարի նկարիչ, ճարտարապետ Ֆրիդենսրայխ Հունդերտվասերը, ստեղծեց մի շենք, որը դարձավ Վիեննայի ամենանորարար կառույցներից մեկը ու կոչվեց Հունդերտվասերի տուն` ի պատիվ ճարտարապետի: 

Հանրապետության 32 հասցեում գտնվող հուշարձան–շենքում մեկ ամիս է՝ հետաքրքիր աշխուժություն է։ Մարդիկ գալիս են բացահայտելու թե´ շենքը, թե´ ներսում իրականացվող արտասովոր ցուցադրությունները։ Այս ամենը կայացավ հուլիսի 12-ից օգոստոսի 9-ը` Ռամբալկօշէ մշակութային հիմնադրամի և Գրականության արվեստի թանգարանի “musaeum” նախագծի շրջանում։ 

1915 թվականին ռուս նկարիչ Կազիմիր Մալևիչը ստեղծեց «Սև քառակուսի» կտավը, որը փոխեց ժամանակակից արվեստի գույներն ու դարձավ ամենաքննարկվող աշխատանքներից մեկը: 

1595 թվականին բարոկկո շրջանի իտալացի նկարիչ Կարավաջոն ստեղծեց «Երաժիշտներ» կտավը, որը դարձավ 16-րդ դարի կերպարվեստի ու երաժշտության մասին պատմող ամենավառ աշխատանքը: 

1922 թվականին հայ գեղանկարիչ, գրաֆիկայի վարպետ Հակոբ Կոջոյանը ստեղծեց «Սասունցի Դավիթ» կտավը, որը հետագայում դարձավ հայկական կերպարվեստի ամենայուրահատուկ աշխատանքներից մեկը:

1911 թվականին ֆրանսիացի ֆովիստ նկարիչ Անրի Մատիսն իր արվեստանոցը պատկերեց կտավին ու այն անվանեց «Կարմիր արվեստանոց»: 

1888 թվականին հայ նկարիչ Վարդգես Սուրենյանցը ստեղծեց «Սերենադ» կտավը, որը դասվեց նկարչի այն աշխատանքների շարքին, որոնք պատմում են արևելյան երկրներում ապրող մարդկանց կյանքի ու առօրյայի մասին: