Introduction AriraVavy Saison 2 "Humaine"

Ny fitiavana vehivavy tena mahaleo tena dia tsy moramora — matanjaka izy, mahavita tena, ary matetika misalasala miankin-doha amin'olona. Fa ao ambadiky ny fahaleovan-tenany dia misy tantara, ary ny fianarana mitia azy dia mitaky faharetana, fanajana, ary fikarakarana amim-pahatsorana. Ao anatin'ity fizarana vaovao ity, dia hodinihintsika ny tena dikan'ny hoe manohana nefa tsy mifehy, ny hoe manao sy miteny zavatra nefa tsy mandiso fanantenana, ary ny hoe mankalaza ny herin'izy ireny nefa manaja ny maha-izy azy mangina sy tsy asehony ao anatiny. Miaraka amin'ny torohevitra azo ampiharina sy ohatra avy amin'ny tena fiainana, ity fizarana ity dia torolalana ho an'izay rehetra tia — na izy tenany mihitsy — vehivavy tena mahaleo tena. Mihainoa finaritra o!

Nahoana ny fadimbolana, izay tranga voajanahary sy iainan'ny vehivavy eran-tany, no mbola feno fahanginana, henatra ary fanilikilihana hatramin'izao?

Amin'ity fizarana ity dia horesahana ny fomba fijery momba ny fadimbolana nanomboka tamin'ny vanim-potoana taloha ela be ka hatramin'ny ankehitriny. Hanehoantsika ny fomba nananganana ny fomba fijery sy ny fihetsika ataontsika, izay naterak'ireo fady maro samihafa, ny "fahalotoana", ary ny rafitra mifototra amin'ny lahy sy ny vavy, izay efa an-jatony taona maro.

Hodinihina ihany koa ny antony mahatonga ny vehivavy matetika ampianarina hanao tsinontsinona ny vatany sy "hanery ny tenany" rehefa mahatsiaro fanaintainana mandritra ny fadimbolana. Horesahana ihany koa ny mahatonga azy io mametra ny fahafahana, ary manamafy ny tsy fitovian-jo eo amin'ny lahy sy ny vavy hatramin'izao.

Hanasongadina ihany koa ny "tolona maneran-tany ho an'ny fadimbolana" sy ireo mpikatroka, mpanabe, ary olon-tsotra izay manohitra ny fady, mamotika ny fahanginana, ary mitaky fifanakalozan-kevitra vaovao, misokatra momba ny fadimbolana.

Resaka tsy miolakolaka ny androany , ary mibanjina ny ho avy iahny koa entina hanova ny fomba fijery momba ny fadimbolana, ary hanova ny fomba firesaka momba ny fadimbolana. Mihainoa finaritra o !

Misy tokoa ve izany hoe taona tokony hanambadiana izany? Amin'ity episode ity, dia hifantoka amin'ny lafiny siansa sy ny zava-misy ary ny tantara isika, momba ny iray amin'ireo fanapahan-kevitra goavana indrindra eo amin'ny fiainana dia ny fanambadiana. Hojerena ao anatin'izany ny fanadihadiana momba ny fotoana tsara indrindra tokony hanambadiana, ny fivoaran'ny saina, ny fomba amam-panao, ary ny tahan'ny fisaraham-panambadiana eran'izao tontolo izao. Ho hitantsika fa ny fahalehibiazana ara-tsaina sy ara-pihetseham-po, ny fahatomombanana ara-bola, ary ny fahavononana marina amin'ny fiainam-panambadiana no tena zava-dehibe, fa tsy ny isa eo amin'ny karapanondro. Na mbola tsy manana olon-tiana ianao, na efa manana ianan na te hahafantatra fotsiny, dia ny taona tsara indrindra ho an'ny fanambadiana dia tsy mifandray amin'ny taona fa mifandray amin'ny fahavononana. Mihainoa finaritra o !

Misaotra anareo niverina teto amin'ny lohahevitra mikasika ny fomba entina andrefesana ny fahombiazan’ny zanantsika ankoatry ny vola, izay andinihantsika ny tena dikan'ny hoe mahomby amin'ny fiainana ny zanatsika. Tamin'ny farany, dia niresaka momba ny hoe tsy ampy ho famantarana ny fahombiazana fotsiny ny vola ary nahoana no ilaina ny mitaiza zanaka izay miroborobo amin'ny fomba hafa ankoatry ny fananana vola. 

Amin'ity herinandro ity, dia handinika fototry ny fahombiazana iray isika: ny fahasalamana ara-pihetseham-po sy ara-tsaina.

Mba hanampiana ny zanakao hiatrika ny fiainana ary tsy ho very, dia ilainy ny manao ireto zavatra efatra ireto:

1. Mampivelatra ny fahaizana mahafantatra sy mandrindra ny fihetseham-pony: Tsy tokony hilaza fotsiny hoe "aza mitomany" fa ampianaro izy ireo fomba ahafantarany ny zava-mitranga ao anatiny.

2. Manangana faharetana sy toe-tsaina mihabo: Rehefa solafaka amin'ny fiainana izy ireo dia mila mahalala fa afaka mitraka hatrany.

3. Mampiroborobo ny fahatsiarovan-tena sy ny hasiny: Tokony ho fantatry ny ankizy fa sarobidy izy ireo na dia amin'ny maha izy azy fotsiny aza.

4. Mamboly fanana tanjona sy dikany eo amin’ny fiainana: Rehefa tia biby, ohatra, ny zanakao dia ampifandraiso amin'ny asa an-tsitrapo any amin'ny toeram-pialofana .

Tadidio fa tsy zavatra vita ao anatin'ny herinandro izany. Ny zanakao dia mijery ny fomba hiatrehanao ny fiainanao. Raha hitany fa mahay mandrindra ny fihetseham-ponao amin'ny fahatsiarovan-tena sy fangorahana ianao, dia hianatra hanao toy izany koa izy ireo. Mihainoa finaritra ary e! 

Amin'ity fizarana manokana ity dia horesahantsika ny antony mahatonga ny vehivavy maro—na dia ireo mino ny fitovian-jon'ny lahy sy ny vavy aza—no misalasala ny miantso ny tenany ho feministe. Hiresaka ny antony mahatonga izay fisalasalana manodidina ny feminisma izay isika, manomboka amin'ny tahotra ny ho very ny maha-vehivavy ka hatramin'ny harerahana amin'ny fanaovana "izao rehetra izao" satria vehivavy. Horesahantsika koa ny hoe nahoana ny hetsika feminista indraindray no toa manery ny vehivavy ho "mafy", na hanilika ny kolontsaina netim-paharazana samihafa.

Tsy fanilihana ny feminisma no tanjona eto akory, fa famporisihana antsika hihieritreritra lalindalina kokoa. Na mampiasa ny teny hoe feminista ianao na tsia, ny tena zava-dehibe dia ny soatoavina iainanao sy ny tontolo aorinao ho an'ny taranaka ho avy.

Resaka momba ny feminisma, ny maha-vehivavy, ary ny fitadiavana ny lalanao manokana mankany amin'ny rariny sy hitsiny ity episode ity.

Mazotoa mihaino o!

MG: Amin'ity fizarana voalohany amin'ny lohahevitra vaovao mitondra ny lohateny hoe : “Ankoatry ny vola, inona no hamaritana ny fahombiazan’ny zanantsika?” ity dia horesahana ny famaritan'ny fiarahamonina ny fahombiazana, izay matetika mifototra amin'ny harena ara-materialy sy ny asa. 

Nahoana isika no tokony hijery ankoatr'ireo lafin-javatra ireo rehefa mamaritra raha tena "nahomby" tokoa ny zanantsika eo amin'ny fiainana?

Hiditra lalina amin'ny antony mahatonga ny fifantohana amin'ny vola, ny fahefana, sy ny asa izay  mety hanakana ny zanatsika tsy hahita ny tena fahasambarana sy fahafaham-po eo amin'ny fiainana isika.

Fotoana izao hanitarana ny fomba fijerintsika ary hanombohana hamaritra indray ny tena fahombiazana ho an'ny taranaka mandimby. Mazotoa mihaino o! 

FR : Dans cette première partie de notre nouveau thème intitulé : "Au-delà de l'argent : qu'est-ce qui définit la réussite de nos enfants ?", nous aborderons la définition que donne la société de la réussite, qui est souvent basée sur la richesse matérielle et la carrière professionnelle.

Pourquoi devrions-nous regarder au-delà de ces critères pour évaluer si nos enfants ont véritablement "réussi" leur vie ?

Nous analyserons en profondeur pourquoi se concentrer sur l'argent, le pouvoir et le travail peut empêcher nos enfants de trouver le vrai bonheur et l'épanouissement dans la vie.

Il est temps d'élargir notre vision et de commencer à redéfinir la véritable réussite pour la génération future. Bonne écoute !

(Fizarana farany) Ao amin’ity episode vaovao eto amin’ny Ariravavy ity dia hamarana ny lohahevitre "Vola, Vehivavy ary Fahefana" isika ka hiresaka momba ny fomba ahafahantsika manome fitaovana ho an’ny taranaka mandimby indrindra ny zanatsika vavy mba hananganana harena — tsy harena ara-bola fotsiny, fa harena amin’ny safidy, amin’ny fahefana.

Resahina eto ny antony mahatonga ny vehivavy mbola vitsy no manana harena be, ny fanamby ara-tantara sy ara-tsosialy, ary ny zavatra tokony ampianarintsika ny zanatsika vavy ankehitriny: fahaizana mitantam-bola, fahafahana mijery lavitra, fanatokisan-tena, sy fahaizana mamorona.

Tonga dia henoy raha te hahita fomba hananganana taranaka vehivavy tsy mitady ho tafavoaka fotsiny, fa tena manana ny hery rehetra entina miatrika ny fiainana. Mihainoa finaritra o!

(Tohiny) Ao amin’ity episode vaovao eto amin’ny Ariravavy ity dia hamarana ny lohahevitre "Vola, Vehivavy ary Fahefana" isika ka hiresaka momba ny fomba ahafahantsika manome fitaovana ho an’ny taranaka mandimby indrindra ny zanatsika vavy mba hananganana harena — tsy harena ara-bola fotsiny, fa harena amin’ny safidy, amin’ny fahefana.

Resahina eto ny antony mahatonga ny vehivavy mbola vitsy no manana harena be, ny fanamby ara-tantara sy ara-tsosialy, ary ny zavatra tokony ampianarintsika ny zanatsika vavy ankehitriny: fahaizana mitantam-bola, fahafahana mijery lavitra, fanatokisan-tena, sy fahaizana mamorona.

Tonga dia henoy raha te hahita fomba hananganana taranaka vehivavy tsy mitady ho tafavoaka fotsiny, fa tena manana ny hery rehetra entina miatrika ny fiainana. Mihainoa finaritra o!

Ao amin’ity episode vaovao eto amin’ny Ariravavy ity dia hamarana ny lohahevitre "Vola, Vehivavy ary Fahefana" isika ka hiresaka momba ny fomba ahafahantsika manome fitaovana ho an’ny taranaka mandimby indrindra ny zanatsika vavy mba hananganana harena — tsy harena ara-bola fotsiny, fa harena amin’ny safidy, amin’ny fahefana.

Resahina eto ny antony mahatonga ny vehivavy mbola vitsy no manana harena be, ny fanamby ara-tantara sy ara-tsosialy, ary ny zavatra tokony ampianarintsika ny zanatsika vavy ankehitriny: fahaizana mitantam-bola, fahafahana mijery lavitra, fanatokisan-tena, sy fahaizana mamorona.

Tonga dia henoy raha te hahita fomba hananganana taranaka vehivavy tsy mitady ho tafavoaka fotsiny, fa tena manana ny hery rehetra entina miatrika ny fiainana. Mihainoa finaritra o!