Վերջին տարիներին քաղցկեղը  դարձել է չարիք, որը, ցավոք, չի խնայում նաև երեխաներին: Ու հասկանալի է, որ  մասնագետների համար կրկնակի անգամ բարդ է, երբ  քաղցկեղով հիվանդը երեխա է, քանի որ, բացի երեխայի հետ աշխատելուց, շատ ծանր է նաև ծնողների կարգավիճակը՝ հոգեբանական տեսանկյունից: 

Փետրվարի 15-ը մանկական քաղցկեղի դեմ պայքարի օրն էր, իսկ փետրվարն առհասարակ նշվում է որպես քաղցկեղի իրազեկման ամիս։ Եվ այս շրջանակում մանկական քաղցկեղի մասին «Արմենպրես»-ի «Հարց բժշկին» նախագծի հերթական թողարկման   շրջանակում զրուցել ենք « «Յոլյան» արյունաբանության և ուռուցքաբանության կենտրոն»-ի՝ Հայաստանի մանկական քաղցկեղի և արյան հիվանդությունների կենտրոնի արյունաբան Գրիգոր Վարդանյանի հետ: 

Հայաստանի բասկետբոլի տղամարդկանց ընտրանին աշխարհի առաջնության նախընտրական փուլի շրջանակներում վերջին հանդիպումը կանցկացնի` մրցելով Ալբանիայի հավաքականի հետ:«Արմենպրես»-ի Podcast-Sport-ի  շրջանակներում Հայաստանի բասկետբոլի ֆեդերացիայի գլխավոր քարտուղար Արթուր Նազարյանի հետ խոսել ենք ընտրանու մարզչական շտաբից, առաջիկա մրցակցից, բասկետբոլի ընտրանու կազմից, ֆեդերացիայի արդիական խնդիրներից:

Էկոնոմիկայի նախարարությունը թիրախ է սահմանել 2025 թվականին ապահովել 6 և ավելի տոկոս տնտեսական աճ՝ ավելին, քան բյուջեի մասին օրենքի հիմքում դրված կանխատեսումն է (5.1 տոկոս):  «Արմենպրես»-ի հետ զրույցում այս մասին հայտնեց Էկոնոմիկայի նախարար Գևորգ Պապոյանը՝ անդրադառնալով տնտեսական զարգացումներին, արտահանման տեմպի հնարավոր նվազմանը, ԵՄ-ին Հայաստանի հնարավոր անդամակցության համատեղմանը ԵԱՏՄ-ում անդամակցության հետ, Հայաստան-ԱՄՆ ռազմավարական գործընկերության փաստաթղթի շրջանակում տնտեսական հարաբերություններին ու այլ հարցերի: 

Էպիլեպսիան ուղեղի քրոնիկ ոչ վարակիչ հիվանդություն է, որը չունի տարիքային սահմանափակում: Ամբողջ աշխարհում մոտ 50 միլիոն մարդ տառապում է էպիլեպսիայով, ինչի հետևանքով կարելի է այն համարել ամենատարածված նյարդաբանական հիվանդություններից մեկն ամբողջ աշխարհում: Խնդիրը բավականին տարածված է ամբողջ աշխարհում, և բացառություն չէ նաև Հայաստանը:

Փետրվարի 10-ն էպիլեպսիայի միջազգային օրն է. ամբողջ աշխարհում այդ օրը իրականացվում են մի շարք տարբեր միջոցառումներ, արշավներ, որոնք նպաստում են հանրության շրջանում հիվանդության  մասին իրազեկվածության բարձրացմանը: 

Էպիլեպսիայի առաջացման պատճառների, ախտանշանների, բուժման առաջարկվող մեթոդների և մի շարք այլ կարևոր հարցերի շուրջ «Արմենպրես»-ի «Հարց բժշկին» նախագծի հերթական թողարկման շրջանակում զրուցել ենք «Ուիգմոր կանանց և երեխաների հիվանդանոց»-ի մանկական նյարդաբանության ծառայության պատասխանատու Նունե Կույումջյանի հետ: 

Սիրահարների տոնին ընդառաջ «Բուկինիստ»

Հայաստանի շախմատի կանանց առաջնությունն ավարտված է, և հավաքականում այժմ ավագ սերնդի ու երիտասարդների հավասար բալանս է ձևավորվել: 

«Արմենպրես»-ի Podcast-Sport-ում Հայաստանի շախմատի կանանց հավաքականի գլխավոր մարզիչ Զավեն Անդրիասյանի հետ խոսել ենք կանանց ներքին առաջնության որակից, Հայաստանում կանանց շախմատից, շախմատիստների հեռանկարներից: 

Էնդոսկոպիկ հետազոտական մեթոդներն օգտագործվում են ինչպես ճշգրիտ ախտորոշման, այնպես էլ տարբեր հիվանդությունների թիրախային բուժման համար։ Ժամանակակից էնդոսկոպիան հատուկ դեր է խաղում բազմաթիվ հիվանդությունների վաղ փուլերի ճանաչման գործում: Վերին էնդոսկոպիկ հետազոտությունը իրենից ներկայացնում է էտապային վիզուալիզացիայի հնարավորություն ստեղծող հետազոտություն՝ բերանի խոռոչից մինչև տասներկումատնյա աղիքի հատվածը: 

Երեխաների մոտ իրականացվող էնդոսկոպիկ հետազոտությունների կարևորության և ցուցումների շուրջ «Արմենպրես»-ի «Հարց բժշկին» նախագծի հերթական թողարկման շրջանակում զրուցել ենք ԵՊԲՀ «Մուրացան» համալսարանական հիվանդանոցի Մանկական գաստրոէնտերոլոգիական ծառայության ղեկավար, Մանկաբուժության թիվ 1 ամբիոնի դասախոս Օլգա Ասատրյանի հետ:

Հայաստանի հունահռոմեական ու ազատ ոճի ըմբշամարտի հավաքականները նախորդ օլիմպիական ցիկլն եզրափակեցին Փարիզի Օլիմպիական խաղերով, որտեղ հունահռոմեականները նվաճեցին երկու մեդալ, իսկ ազատ ոճայինները մնացին առանց մեդալների:

ՀՀ աշխատանքի և սոցիալական հարցերի նախարարությունում չեն բացառում, որ սահմանամերձ և առանձին գյուղական բնակավայրերում բնակապահովման պետական աջակցության ծրագիրը կընդլայնի աշխարհագրությունը։

«Արմենպրես»-ի Podcast-ՍոցUp նախագծի շրջանակներում  նախարարության առանձին կառուցվածքային գործառույթներ համակարգող խորհրդական Գայանե Ղարագյոզյանը նշեց, որ ներկայում ծրագիրը վերաբացվել է Տավուշի մարզի Ոսկեպար և Բաղանիս գյուղերում՝ 50-ական քվոտայով, Բերքաբերում և Կիրանցում՝ 40-ական, ինչպես նաև Վայոց Ձորի մարզի Գոմքում՝ 30։

Ժամանակի ընթացքում ողնաշարի ոչ ճիշտ խնամքի և ոչ ճիշտ ֆիզիկական ակտիվության հետևանքով վերջին տարիներին շատացել են ողնաշարի դեգեներատիվ հիվանդությունները (գրիժա). կարելի է ասել գրեթե ամեն երրորդ անձի մոտ  այս խնդիրը հանդիպում է:

Այս մասին «Արմենպրես»-ի «Հարց բժշկին» նախագծի հերթական թողարկման շրջանակում ընդգծեց «Հերացի» համալսարանական հիվանդանոցի Մասնագիտացված անոթային նյարդավիրաբուժական ծառայության նյարդավիրաբույժ Արտակ Բաբայանը: