Թրոմբոֆիլիա՝ արյան խտություն, թրոմբոզի առաջացման վտանգ, բարձր խտություն հղիության ընթացքում: Այս խնդիրները բավական տարածված են և պահանջում են լուրջ և հետևողական ուշադրություն՝ բժշկի և բուժառուի կողմից:   «Արմենպրես»-ի «Հարց բժշկին» նախագծի հերթական հաղորդման  շրջանակում   Ռ.Հ.Յոլյանի անվան արյունաբանական կենտրոնի Հեմոֆիլիայի և Թրոմբոֆիլիայի կենտրոնի ղեկավար Հեղինե Խաչատրյանը նշեց, որ  թրոմբոֆիլիան արյան բարձր մակարդելիության պաթոլոգիական վիճակ է, որը բնորոշվում է հեմոստատիկ սպիտակուցների՝ պրոկոագուլյանտների և հակակոագուլյանտների ակտիվության խանգարմամբ, թրոմբագոյացման բարձր հակվածությամբ:  Ամբողջ աշխարհում մահացության կազմում առաջին տեղն են գտնվում սիրտ-անոթային համակարգի հիվանդությունները: Հարկ է նշել, որ երակային և զարկերակային թրոմբոզներով, թրոմբոէմբոլիկ բարդություններով ուղեկցվող հիվանդությունների, ինչպես նաև գլխուղեղի կաթվածով ուղեկցվող իշեմիկ դրվագների լիարժեք հետազոտման խորքում հայտնաբերվում է թրոմբոզների հանդեպ բարձր նախախնամությունը:

Հայաստանի ֆուտբոլի ազգային թիմը նոր գլխավոր մարզիչ ունի, որը նախկինում աշխատել է Ուկրաինայի ընտրանու և գրեթե բոլոր տարիքային հավաքականների հետ: «Արմենպրես»-ի Podcast-Sport-ի շրջանակում, Հայաստանի Հանրային հեռուստաընկերության սպորտի բաժնի ղեկավար Էդուարդ Քալանթարյանի հետ զրույցում խոսել ենք ընտրանու նորանշանակ մասնագետի, նրա ֆուտբոլային փիլիսոփայության, Հայաստանի հավաքականում նրա շանսերի մասին:

Ի՞նչ անել սեզոնային վիրուսների ժամանակ։ Ջերմիջեցնողներ, հազի դեղեր , հակաբիոտիկներ ու տնային մեթոդներ՝ կանոններ ու մի շարք «չի-կարելիներ»։ Քանի՞ օր կարող են տևել հարբուխն ու վիրուսը։ Ինչպե՞ս կազմակերպել երեխայի սնունդն ու լողանալը հիվանդ ժամանակ։ Վիտամիններ և հավելումներ. արդյունավե՞տ են արդյոք։

«Արմենպրես»-ի «Հարց բժշկին» նախագծի հերթական թողարկման շրջանակում ՀՀ առողջապահության նախարարության գլխավոր մանկաբույժ Սերգեյ Սարգսյանի հետ զրուցել ենք այս և մի շարք կարևոր հարցերի մասին:

#Armenpres #podcast #bjishk #sound #anchor #spotifi #applepodcast #googlepodcast #virus 

Պոլսահայ երգչուհի Սիբիլը հաճախ է այցելում Հայաստան՝ չկորցնելով կապը հայրենիքի հետ։ Տարբեր առիթներով երգչուհին հանդես է գալիս համերգներով, երկրպագուներին է ներկայացնում իր նոր երգերը, տեսահոլովակները: 2023-ին Սիբիլը կրկին Հայաստանում է: «Արմենպրես Podcast»-ի շրջանակում փորձել ենք մանրամասներ  պարզել նրա այցի, ստեղծագործական կյանքի ու առաջիկա ծրագրերի մասին: Հայաստանում Սիբիլն աշխատում է նոր երգի վրա: Այն ռոք ժանրում է: Կատարելու են չորսով, բայց Սիբիլը նախընտրում է չբացել փակագծերն ու չասել, թե ում հետ է երգելու, և թե ինչի մասին է ստեղծագործությունը: 

Հայ առաքելական եկեղեցին հունվարի 6-ին նշում է  Սուրբ   Ծննդյան  ու Աստվածհայտնության տոնը, որը  Հիսուսի  Ծննդյան և Մկրտության հիշատակումն է: Նույն օրը նշվող մկրտության տոնը խորհրդանշում է Հորդանան գետում Քրիստոսի մկրտությունը։  Քրիստոսի մկրտության ժամանակ Հայր Աստված վկայում է. «Դա է իմ սիրելի Որդին, որն ունի իմ ամբողջ բարեհաճությունը», և Սուրբ Հոգին աղավնակերպ իջնում է Քրիստոսի վրա: Տեղի է ունենում երկրորդ Աստվածահայտնությունը։  «Արմենպրես»-ի «Փոդքաստ»-ի տաղավարում տոնի խորհուրդը, ծիսական կարգը և ժողովրդական ավանդույթները մեկնաբանել է Արարատյան Հայրապետական թեմի Նուբարաշենի Սրբոց Նահատակաց եկեղեցու հոգևոր հովիվ Տեր Բարդուղիմեոս քահանա Հակոբյանը։

#podcast  #SurbCnund  #qahana  #Jrorhneq #taxavarton  #Ekexeci

Եղանակի փոփոխության հետ փոխվում է նաև մեր մաշկը, տարբեր մարդկանց մոտ մաշկի տեսակները տարբեր են, այդ իսկ պատճառով ցանկացած մաշկ պահանջում է առանձնահատուկ խնամք և ուշադրություն:  «Արմենպրես»-ի «Հարց բժշկին» նախագծի հերթական թողարկման  շրջանակում այս մասին շեշտեց  բժիշկ-մաշկաբան, կոսմետոլոգ Կարինե Տեր-Գրիգորյանը՝ ընդգծելով, որ շատ կարևոր է մաշկը խնամել եղանակին համապատասխան: Ըստ նրա՝ յուրաքանչյուր սեզոն և մաշկի տեսակ պահանջում է համապատասխան խնամք:

Ֆուտբոլի աշխարհի առաջնությունն արդեն պատմություն է: Ֆուտբոլային աշխարհը նոր չեմպիոն ունի: «Արմենպրես»-ի Podcast-Sport-ի հյուրը ֆուտբոլային մեկնաբան Արման Աբելյանն էր: Վերջինիսի հետ ամփոփել ենք Մունդիալ-2022-ը, խոսել առաջնության բացահայտումներից ու տապալված հավաքականներից:

Հայաստանում այս պահին   պատվաստումներով կանխարգելվող վարակիչ հիվանդությունների առումով ստեղծվել է շատ բարենպաստ իրավիճակ: Երկար ժամանակ  է՝ Հայաստանում չեն գրանցվում այնպիսի ծանր հիվանդություններ,  ինչպիսիք են՝ պոլիոմելիտը, դիֆտերիան, փայտացումը, կարմրուկը, կարմրախտը, խոզուկը.  և սա  պատվաստումների շնորհիվ է:  «Արմենպրես»-ի «Հարց բժշկին» նախագծի հերթական թողարկման  շրջանակում այս մասին շեշտեց  ՀՀ Առողջապահության նախարարության Հիվանդությունների վերահսկման և կանխարգելման ազգային կենտրոնի Իմունականխարգելման և կառավարելի վարակիչ հիվանդությունների համաճարակաբանության բաժնի պետ Սվետլաննա Գրիգորյանը ՝ ընդգծելով, որ Հայաստանը պատվաստումների առումով ամբողջ աշխարհում ունի բավականին բարձր ցուցանիշ:

Ֆուտբոլի աշխարհի առաջնությունը մոտենում է եզրագծին և հաշված ժամեր անց Մունդիալ-2022-ում հայտնի կդառնա աշխարհի նոր չեմպիոնը կամ հինը կպահպանի գործող տիտղոսը: «Արմենպրես»-ի Podcast-Sport-ի հյուրը Հայաստանի ֆուտբոլի ազգային թիմի նախկին գլխավոր մարզիչ, հայկական ֆուտբոլի բոլոր ժամանակների լավագույն մասնագետներից Վարդան Մինասյանն է:

Մեր օրերում քնի խանգարումը դարձել է տարածված ու լուրջ խնդիր: Միջազգային տվյալներով աշխարհում քնի լուրջ խնդիրներ ունեցողների թիվը հասնում է մոտ 20 տոկոսի: Խնդիրը բավականին տարածված է նաև Հայաստանում, ինչը մեծ մասամբ առաջանում է քնի հիգիենային քիչ հետևելու հետևանքով:  «Արմենպրես»-ի «Հարց բժշկին» նախագծի հերթական թողարկման  շրջանակում այս մասին շեշտեց ՀՀ Առողջապահության նախարարության նյարդաբանության գծով խորհրդատու Սամսոն Խաչատրյանը՝ ընդգծելով, որ քնի հիգիենան, շատ կարևոր կետ է, որին պետք է հետևեն բոլորը. քունը իրականում շատ կարևոր բնական, «անվճար» ռեսուրս է, որը պետք է օգտագործել: