Ամբողջ աշխարհում տարածված սուր շնչառական, սեզոնային վիրուսները և նորարարական տեխնոլոգիաները մեծ ազդեցությունն են թողնում քիթ-կոկորդ-ականջ օրգանների վրա: Չնայած նրան, որ շատ-շատերը ուշադրություն չեն դարձնում շնչառական վիրուսների, էկրանների և ականջակալների վատ հետևանքներին՝ այնուամենայնիվ, դրանք կարող են անդառնալի հետևանքներ թողնել մարդու օրգանիզմի վրա:  «Արմենպրես»-ի «Հարց Բժշկին» նախագծի հերթական թողարկման շրջանակում Էրեբունի բժշկական կենտրոնի քիթ-կոկորդ ականջաբան, ֆոնիատր Էլյա Մուրադյանի հետ անդրադարձել ենք ԼՕՌ խնդիրներն:

Աչքը մեր ամեն ինչ տեսնելու, զգալու և ընկալելու կարևոր օրգանն է, որը նույնպես խնամք, ուշադրություն և ճիշտ մոտեցում է պահանջում: Բժշկության մեջ ամենակարևոր գործոնը խնդիրը շուտ հայտնաբերելն է, իսկ աչքերը կարող են շատ բան պատմել մարդու առողջական վիճակի մասին: Ըստ  մասնագետի՝ հարկավոր է ուշադիր լինել աչքերի նկատմամբ՝ խնդիրները վաղ հայտնաբերելու և բարդությունների զարգացում թույլ չտալու համար: Պետք է պարբերաբար հետազոտվել և կանխել այն:  «Արմենպրես»-ի «Հարց բժշկին» նախագծի հերթական թողարկման շրջանակում «Աստղիկ» բժշկական կենտրոնի ակնաբույժ Ալինա Տերտերյանի հետ անդրադարձել ենք աչքերի հետ կապված մի շարք խնդիրներըի, դրանց լուծումներին, ինչպես նաև ամենակարևորին՝ աչքերի հիգիենային:

Հայաստանում մանկական խնամակալական կազմակերպությունների շրջանավարտներից և առանց ծնողական խնամքի մնացած երեխաների թվին դասված 163 անձանց հետ բնակարանների նվիրաբերության պայմանագրեր կնքելու ժամկետը երկարաձգվել է ևս 12 ամսով՝ մինչև 2023 թվականի սեպտեմբերի 1-ը, մինչև այժմ 46 շահառուի հետ արդեն կնքվել է նվիրաբերության պայմանագիրը: «Արմենպրես»-ի Podcast-ՍոցUp-ի շրջանակում ծրագրի վերաբերյալ մանրամասներ է ներկայացրել ՀՀ աշխատանքի և սոցիալական հարցերի նախարարության ժողովրդագրության և ընտանիքի սոցիալական երաշխիքների վարչության պետ Արտակ Հարությունյանը:

Կառավարությունը հավանություն է տվել զբաղվածության ապահովման պետական աջակցության ևս մեկ ծրագրի, որի շրջանակում գործազուրկ, այդ թվում՝ նպաստառու քաղաքացիներին աշխատանքի ընդունող գործատուները կխրախուսվեն։ Ծրագրի համաձայն՝ գործազուրկ անձանց հետ առնվազն մեկ տարի ժամկետով աշխատանքային պայմանագիր կնքելու դեպքում՝ պետության կողմից գործատուին կտրամադրվի միանվագ փոխհատուցում՝ 250,000 դրամի չափով, իսկ նպաստառու գործազուրկի աշխատանքի ընդունելու դեպքում՝ 350,000 դրամի չափով։  «Արմենպրես»-ը, ծրագրի մանրամասների մասին զրուցեց  ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանի հետ:

Ամբողջ աշխարհում մեծ տարածում գտած կրծքագեղձի քաղցկեղը շարունակում է խլել բազմաթիվ կյանքեր: Ամենամեծ խնդիրն այն է, որ շատ հաճախ կանայք բժշկի դիմում են, երբ հիվանդությունն արդեն զարգացման վերջին փուլում է: Սկզբնական շրջանում կրծքագեղձի քաղցկեղը կարող է ընդհանրապես չդրսևորվել: Հենց այդ պատճառով յուրաքանչյուր կին կանխարգելման նպատակով պետք է պարբերաբար հետազոտվի։ Ոչ բարդ, անցավ, երկար ժամանակ չպահանջող հետազոտությունը կարող է պահպանել առողջությունը, փրկել կյանքեր։ 

Ոտքերում ցավ, ծանրություն, այտուցվածություն, հոգնածություն. հաճախ շատերը այս խնդիրներին լուրջ չեն վերաբերվում՝ մտածելով, որ  աշխատանքային օրվա ընթացքում երկարատև ոտքի վրա գտնվելուց հետո դա նորմալ է, բայց, ցավոք, այս ամենը կարող է բերել լուրջ հետևանքների:

«Արմենպրես»-ի «Հարց Բժշկին» նախագծի հերթական թողարկման շրջանակում այս մասին ասաց Միքայելյան համալսարանական հիվանդանոցի անոթային վիրաբույժ Լիլիթ Գալստյանը՝ անդրադառնալով ոտքերի անոթային խնդիրներին, որոնք,  կարելի է ասել, ամռանն ավելի են գլուխ բարձրացնում:

Ողջույն հարգելի ունկնդիրներ։ Հայ Առաքելական Սուրբ եկեղեցին այս կիրակի օգոստոսի 14-ին մեծ շուքով տոնում է Մարիամ Աստվածածնի Վերափոխման տոնը ՝ Խաղողօրհնեքը: Այն տարվա հինգ տաղավար տոներից չորրորդն է, շարժական է և հանդիպում է օգոստոսի 15-ին մոտ ընկած կիրակի օրը:

Տոնի առիթով  «Արմենպրես» պոդքաստ-ի տաղավարոմ զրուցել ենք Արարատյան Հայրապետական թեմի Նոր Նորքի Սուրբ Աստվածածին եկեղեցու հոգևոր հովիվ Տեր Աշոտ քահանա Սաֆարյանի հետ: 

Հեղինակային երգեր՝ հայերենով և ֆրանսերենով, ինչպես նաև Էլվինա Մակարյանի, Ռոբերտ Ամիրխանյանի և Ֆորշի երգերը՝ յուրօրինակ ոճով. Ֆրանսահայ երգչուհի, երգահան Միլենա Մութաֆյանը այս օրերին Հայաստանում է և հեղինակային համերգներով հանդես կգա Երևանում, Վանաձորում և Սևանում:  «Արմենպրես պոդքաստի»  տաղավարում  երգչուհին ասաց, որ Հայաստանում համերգների մեկնարկը տեղի է ունեցել Սևանում՝ օգոստոսի 8-ին:

Հայ Առաքելական Սուրբ եկեղեցին այս տարի հուլիսի 24-ին տոնում է Քրիստոսի Պայծառակերպության տոնը՝ Վարդավառը: Եվ այդ առիթով   «Արմենպրես» պոդքաստ-ի  տաղավարում զրուցելու ենք Արարատյան Հայրապետական թեմի  Առաջնորդանիստ Սուրբ Սարգիս եկեղեցու   Տեր Պետրոս ավագ քահանա Մալյանի  և Արարատյան Հայրապետական թեմի  երիտասարդաց միությունների փոխատենապետ Անի Թովմասյանի հետ:

Ժողովրդական արհեստները ներկայացնելու, դրանց ճանաչելիությունը բարձրացնելու, այդ ժառանգությունը կրող և այն փոխանցող անհատների ստեղծագործական առաջխաղացմանը նպաստելու նպատակով հուլիսի 16-ին Գյումրիում կանցկացվի «Գյումրի. վարպետաց քաղաք» արհեստների փառատոնը: Հուլիսի 17-ին փառատոնը կշարունակվի Երևանում՝ Հովհաննես Շարամբեյանի անվան ժողովրդական արվեստների թանգարանում:  «Արմենպրես պոդքաստի» շրջանակում ՀՀ կրթության, գիտության, մշակույթի և սպորտի նախարարության մշակութային ժառանգության և ժողովրդական արհեստների վարչության գլխավոր մասնագետ Նաիրա Կիլիչյանը խոսել է փառատոնի կարևոր շեշտադրումների, մասնակիցների, նախաձեռնության շրջանակում սպասվող միջոցառումների մասին: