Սեզոնային զբաղվածության խթանման միջոցով գյուղացիական տնտեսություններն այսուհետ աջակցություն կստանան պետության կողմից: Ծրագրի շահառու կարող են դառնալ մինչև 3 հեկտար գյուղատնտեսական նշանակության հողի սեփականատեր կամ վարձակալ կամ անհատույց օգտագործող հանդիսացող աշխատաշուկայում անմրցունակ անձինք։  Podcast-ՍոցUp նախագծի շրջանակներում «Արմենպրես»-ի հետ զրույցում ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանն ասաց, որ ծրագրից օգտվելու առաջնահերթությունը տրված է գյուղական համայնքներին,որոնք սահմանամերձ են: «Ծրագրի շահառու կարող է դառնալ այն քաղաքացին, որը դիմում է մեր տարածքային գրասենյակ և ստանում է գործազուրկի կարգավիճակ և ունի արդեն սոցիալական աջակցության որևէ կարգավիճակ,կամ ընտանիքի անդամներից մեկը հաշմանդամություն ունեցող անձ է: Հաջորդիվ տարածքային գրասենյակն արդեն սկսում է գործընթացը»,-ասաց նա:

Երեխաների մոտ յուրաքանչյուր խնդրի դեպքում ՝ առավել ևս տարբեր տեսակի ճողվածքների դեպքում ամենակարևոր մոտեցումը այն է որ, ծնողը հնարավորինս ուշադիր լինի, ժամանակին զբաղվի խնդրով և ամենակարևորը դա անի բժշկի հետ համատեղ: «Արմենպրես»-ի «Հարց բժշկին» նախագծի հերթական թողարկման շրջանակում ԵՊԲՀ մանկական վիրաբուժության ամբիոնի դասախոս, «Մուրացան» համալսարանական հիվանդանոցի Մանկական վիրաբուժության կլինիկայի բժիշկ Արման Հարությունյանի հետ  անդրադարձել ենք վիրաբուժական խնդիրներ ունեցող երեխաների վիրահատական  վարման ընթացքին, ինչպես նաև վիրաբույժների ու ծնողների կապին, հսկողությանը և մի քանի վիրաբուժական խնդիրների:

Երևանում կայացած բռնցքամարտի Եվրոպայի առաջնությունն արդեն պատմություն է: «Արմենպրես»-ի Podcast-Sport-ի հյուրը News.Sport-ի թղթակից Լուսինե Շահբազյանն է, ում հետ խոսել ենք օրեր առաջ Երևանում ավարտված բռնցքամարտի Եվրոպայի առաջնությունից:

Հայաստանի ֆուտբոլի ազգային թիմը սկսում է պայքարը Ազգերի լիգայի: «Արմենպրես»-ի Podcast-Sport-ի հյուրը ֆուտբոլային մեկնաբան Արման Աբելյանն է:

Շատերը ցանկացած մաշկային փոփոխություն վերագրում են ալերգիայի, բայց դրանք միշտ չէ, որ ալերգիայի դրսևորում են, շատ ավելի հաճախ դրանք կարող են ինֆեկցիաների հետևանք  լինել: Իսկ ալերգիան դա օրգանիզմի սխալ պատասխանն է արտաքին ազդակներին, որոնց դեմ մեր օրգանիզմը փորձում է պայքարել այդ ձևով և վնասում է սեփական հյուսվածքները:  «Արմենպրես»-ի «Հարց բժշկին» նախագծի հերթական թողարկման շրջանակում, ալերգոլոգ Աստղիկ Բաղդասարյանի հետ զրույցում, անդրադարձել ենք ալերգիայի դրսևորումներին, առաջարկվող լուծումներին և մի քանի կարևոր հարցերի:

Վիտամին Դ-ի պակասը լուրջ խնդիր է, այն արտահայտվում է սննդից ստացված ֆոսֆորի և կալցիումի՝ օրգանիզմի կողմից յուրացման խախտմամբ: Այս տարրերն անհրաժեշտ են առողջ ոսկրային համակարգի ձևավորման, հորմոնալ կարգավորման, իմունային և նյարդային համակարգերի օպտիմալ աշխատանքի, ինչպես նաև բորբոքային տարբեր պրոցեսներից պաշտպանվելու համար: «Արմենպրես»-ի «Հարց Բժշկին» նախագծի հերթական թողարկման շրջանակում էնդոկրինոլոգ Հայկանուշ Համբարձումյանի հետ զրուցել ենք Դ-վիտամինի կարևորության, ճիշտ օգտագործման և մի շարք այլ կարևոր հարցերի շուրջ:

Երևանում մեկնարկել է բռնցքամարտի Եվրոպայի տղամարդկանց մեծահասակների առաջնությունը: «Արմենպրես»-ի Podcast-Sport-ում Mediamax-ի սպորտային թղթակից Հասմիկ Բաբայանի հետ խոսել ենք այս օրերին Երևանում ընթացող բռնցքամարտի Եվրոպայի առաջնության մասին:

Աշխարհում տարեկան 6 մլն մարդ մահանում է ծխելու հետևանքով առաջացող հիվանդություններից. ևս 600.000 մարդ մահանում է «պասիվ ծխելու» հետևանքով առաջացող հիվանդություններից: Ծխախոտի գործածումը հիպերտենզիայից հետո մահացության երկրորդ պատճառն է գլոբալ մակարդակով, և ներկայումս ամբողջ աշխարհում ծխախոտից մահանում է մեծահասակ 10 մարդուց մեկը: Թոքերի ուռուցքից մահացության դեպքերի 90%-ը պայմանավորված է ծխելով: Առողջապահության համաշխարհային կազմակերպության տվյալներով՝ Հայաստանը ծխախոտ օգտագործողների թվով տասնմեկերորդ տեղն է զբաղեցնում աշխարհում:  Մայիսի 31-ին  Ծխախոտի դեմ պայքարի համաշխարհային օրն է: Առողջապահության համաշխարհային ասամբլեան Առանց ծխախոտի միջազգային օրը հիմնել է 1988 թվականին համաշխարհային հանրության ուշադրությունը ծխախոտի օգտագործման մահացու հետևանքներին սևեռելու համար:   Առանց ծխախոտի միջազգային օրվան ընդառաջ «Արմենպրես»-ի «Հարց Բժշկին» նախագծի հերթական թողարկման շրջանակում այս անգամ անդրադարձել ենք մարդու օրգանիզմի վրա ծխախոտի թողած հետևանքներին, ծխելու հետևանքով առաջացող բարդություններին և հնարավոր լուծումներին:  Թոքաբանության ազգային կենտրոնի տնօրենի գիտական գծով խորհրդական, բժիշկ-ֆթիզիատր Լյուբով Նիկոլայանը նշեց, որ ծխախոտը, մարդու օրգանիզմում անցնելով ջերմային մշակում, նիկոտինից զատ արտազատում է ծխախոտի զանազան արտազատուկներ, որոնք շատ ավելի վնասակար են,  որոնց մասին ծխողներն ընդհանրապես չգիտեն, քիչ գիտեն կամ պարզապես չեն ուզում իմանալ:

2022 թվականի առաջին եռամսյակում ընտանիքում բռնության ենթարկված 20 անձ օգտվել է պետության կողմից տրամադրվող ֆինանսական աջակցության ծրագրից: 2022 թվականի առաջին եռամսյակի ընթացքում ընտանիքում բռնության ենթարկված անձանց աջակցության կենտրոններում ծառայություններ է տրամադրվել 400 անձի: Ապաստարանի ծառայություններից 2022 թվականի առաջին եռամսյակում օգտվել է 40 բռնության ենթարկված անձ, այդ թվում նաև նրանց  խնամքի տակ գտնվող երեխաները: 2021 թվականի  ընթացքում աջակցության կենտրոնների ծառայություններից օգտվել է 1515 ընտանիքում բռնության ենթարկված անձ: 160 բռնության ենթարկված անձ էլ օգտվել է ապաստարանների ծառայություններից: Ֆինանսական աջակցություն է տրամադրվել 77 հոգու:  ՍոցUp թողարկման շրջանակում ընտանիքում բռնության ենթարկված անձանց ֆինանսական աջակցության տրամադրման ծրագրին վերաբերվող մանրամասների շուրջ «Արմենպրես»-ը զրուցել է Աշխատանքի և սոցիալական հարցերի նախարարության Հավասար հնարավորությունների ապահովման վարչության պետ Քրիստինա Հովհաննիսյանի հետ:

Շաքարային դիաբետը իր տարածվածությամբ համարվում է դարի հիվանդություն և ունի տարբեր ենթատեսակներ: Կա վիճակագրություն, որ աշխարհում դիաբետ ունեցողների 90%-ը հիվանդ են երկրորդ տիպի դիաբետով, այն ոչ ինսուլինակախյալ դիաբետն է: «Արմենպրես»-ի «Հարց Բժշկին» նախագծի հերթական թողարկման շրջանակում ամենատարածված երկրորդ տիպի շաքարային դիաբետի առաջացման պատճառների, բարդությունների, բուժման ընթացքի, և մի շարք այլ կարևոր հարցերի շուրջ զրուցել ենք  Էնդոկրինոլոգ Հայկանուշ Համբարձումյանի հետ: