Հայկական ֆուտբոլի բոլոր ժամանակների լավագույն ֆուտբոլիստներից մեկը` Հենրիխ Մխիթարյանը օրեր առաջ հայտարարեց հավաքականում կարիերան ավարտելու մասին, դրան էլ հաջորդեց Խոակին Կապառոսի կողմից հավաքականի հայտացուցակի հրապարակումը, որով թիմը կնախապատրաստվի առաջիկա ընկերական խաղերին:  «Արմենպրես»-ի Podcast-Sport-ում Առաջին ալիքի սպորտային բաժնի ղեկավար Էդուարդ Քալանթարյանի հետ խոսել ենք վերոնշված թեմաներից:

Քաղաքացիները հնարավորություն ունեն բանկի կամ լիզինգային կազմակերպության միջոցով որոշակի ժամկետով ձեռք բերել օրինակ գյուղտեխնիկա, տրանսպորտային միջոց, արևային էլեկտրակայաններ և այլ գույք, դրա դիմաց կատարել ամսական լիզինգային վճար, վերջում, ըստ պայմանագրի՝ այն կամ վերադարձնել լիզինգատուին, կամ այն կարող է անցնել հաճախորդին՝ որպես սեփականություն: «Արմենպրես»-ի Podcast-FinInForm-ի շրջանակում լիզինգի, դրա ընձեռած հնարավորությունների մասին զրուցել ենք Կենտրոնական բանկի սպառողների շահերի պաշտպանության և ֆինանսական կրթման կենտրոնի ֆինանսական կրթման փորձագետ Սոնա Ինգլիզյանի հետ:

Ամբողջ աշխարհի ուշադրությունն այսօր կենտրոնացած է Ուկրաինայի վրա, որտեղ արդեն ավելի քան մեկ շաբաթ շարունակ ռազմական լայնածավալ գործողություններ են ընթանում ռուսական և ուկրաինական զորամիավորումների միջև։ Բնականաբար, Հայաստանում ևս ուշադրությամբ հետևում են այդ իրադարձություններին՝ ուկրաինական կոնֆլիկտի հնարավոր ուղղակի և անուղղակի բազմաթիվ ազդեցությունների և կողմերի հետ բազում առնչությունների պատճառով:

Այս թեմայի շուրջ «Արմենպրես Փոդքաստ»-ի տաղավարում զրուցել ենք ռազմական փորձագետ, ՀՀ ԶՈՒ պահեստազորի գնդապետ Արծրուն Հովհաննիսյանի հետ՝ փորձելով պարզել ընդհանուր ռազմական իրավիճակը Ուկրաինայում, գործողությունների ընթացքը և հնարավոր ելքերը:

Վերջին շրջանում երկիր մոլորակի վրա գնալով շատանում է պլաստիկ թափոննորի քանակը, ինչը կարող է հանգեցնել աղետալի հետևանքների: Այժմ ամբողջ աշխարհում մի շարք գիտնականներ և մասնագետներ փորձում են գտնել տարբեր լուծումներ պլաստիկը քայքայելու, վերեմշակելու և դրա կիրառությունը նվազեցնելու ուղղությամբ: Հենց այս խնդիրները կանխելու նպատակով է ԵՊՀ-ի կենսաքիմիայի, մանրէաբանության և կենսատեխնոլոգիայի մագիստրոս, մանրէաբան Սոնա Նիկոլյանը ստեղծել նոր ծրագիր, որտեղ պլաստիկ թափոնները կծառայեն որպես հումք՝ էկոլոգիապես մաքուր կենսաբանական նյութեր ստանալու համար: «Արմենպրես-Պոդքաստ»-ում  Սոնա Նիկոլյանի հետ զրուցել ենք նախագծի ստեղծման և դրա կարևորության մասին:

Մայիսին Երևանում կայանալիք բռնցքամարտի Եվրոպայի առաջնությունը պատմական է լինելու: «Արմենպրես»-ի Podcast-Sport-ի հյուրը ՀՀ ԿԳՄՍ նախարարի տեղակալ Կարեն Գիլոյանը: Վերջինս շեշտեց, որ Հայաստանը շատ լավ է կազմակերպելու և անցկացնելու բռնցքամարտի Եվրոպայի առաջնությունը:

«Արմենպրես»-ի Podcast-Sport-ի հյուրը Sputnik-Armenia գործակալության ֆոտոթղթակից Ասատուր Եսայանցն է, ում հետ խոսել ենք Պեկինի, ինչպես նաև Օլիմպիական խաղերը լուսաբանելու առանձնահատկություններից և բարդություններից:

«Արմենպրես»-ի Podcast-FinInform-ի շրջանակում բանկերից քաղաքացիների բաժնետոմս ձեռք բերելու հնարավորությունների մասին զրուցել ենք Կենտրոնական բանկի ֆինանսական համակարգի կարգավորման վարչության արժեթղթերի շուկայի կարգավորման բաժնի պետ Վիգեն Շահնազարյանի հետ:

Պեկինի 24-րդ ձմեռային Օլիմպիական խաղերն արդեն պատմություն են: «Արմենպրես»-ի Podcast-Sport-ի հյուրերը Հայաստանի Հանրային հեռուստաընկերության մարզական մեկնաբաններ Շուշանիկ Հակոբյանը և Արմեն Գարամյանն են: Նրանց հետ իմի ենք բերել Պեկինի 24-րդ ձմեռային Օլիմպիական խաղերի արդյունքները:

Արցախի Հանրապետության նոր էնդեմիկ մանրեների կիրառումը գյուղատնտեսության ոլորտում թույլ կտա լրացնել պատերազմի հետևանքով զգալի նվազած խոտհարքերի առաջացրած խնդիրները՝ տալավ կենդանիներին բնական ճանապարհով ստացած կեր: Նման նոր պրոդուկտի՝ անասնակերի (Սիլոս) փոքրածավալ արտադրության նոր տեխնոլոգիայի մշակման մասին «Արմենպրես-Պոդքաստ»-ում զրուցելու ենք «100 գաղափար Հայաստանի համար» նախագծի հաղթող, Արցախի գիտական կենտրոնի մանրեաբանության և կենսատեխնոլոգիաների լաբորատորիաների ղեկավար Արևիկ Իսրաելյանի հետ:

Հայաստանում այս պահի դրությամբ օր օրի զարգացող մարզաձևերից մեկը կանանց բասկետբոլն է:  «Արմենպրես»-ի Podcast-Sport-ի շրջանակներում նման կարծիք հայտնեց Հայաստանի բասկետբոլի ֆեդերացիայի փոխնախագահ Վահագն Հարությունյանը: