Երևանի «Նոա» ֆուտբոլային ակումբը կհամագործակցի իսպանական «Սելտա»-ի հետ:  «Արմենպրես»-ի Podcast-Sport-ի հյուրը «Նոա» ֆուտբոլային ակումբի գործադիր տնօրեն Արթուր Սահակյանն է:

Հայաստանի ֆուտբոլի առաջնության առաջին հատվածից հետո ԲԿՄԱ-ն, որն առաջին տարին է, ինչ մասնակցում է Պրեմիեր լիգային, մրցաշարային աղյուսակի վերջնամասում է: ԲԿՄԱ-ի կորիզը կազմում են Հայաստանի ֆուտբոլի երիտասարդական թիմի անդամները:  «Արմենպրես»-ի Podcast-Sport-ի հյուրը Հայաստանի ֆուտբոլի երիտասարդական ընտրանու և Երևանի ԲԿՄԱ- գլխավոր մարզիչ Ռաֆայել Նազարյանն է:

Վարկ վերցնելիս բախվե՞լ եք խնդիրների, ավանդ ներդնելիս տատանվել եք տոկոսադրույքի՞, դրամի՞ կամ արտարժույթի՞ հարցում.«Արմենպրես»-ի փոդքաստային նոր շարքը կդառնա ձեր ֆինանսական խորհրդատուն, լրատվական գործակալությունը տալիս է ֆինանսական գրագիտության բարձրացմանն ուղղված «ՖինԻնՖորմ» խորագրով փոդքաստային շարքի մեկնարկը:  «ՖինԻնՖորմ» -ի շրջանակում ավանդների մասին զրուցել ենք ՀՀ կենտրոնական բանկի սպառողների շահերի պաշտպանության և ֆինանսական կրթման կենտրոնի ֆինանսական կրթման փորձագետ Արաքս Մանուչարյանի հետ:

Հայաստանում լեռնագնացությունն ու լեռնային տուրիզմը սկսել է նոր թափ հավաքել:  «Արմենպրես»-ի Podcast-Sport-ի հյուրը 1981 թվականին հիմնադրված «Հատիս» արշավական ակումբի տնօրեն Արթուր Մարտիրոսյանն է: «Լեռնագնացության մեջ դժվարը հենց առաջին արշավն է, երբ սկսում ենք արշավել փոխվում են մոտեցումները»,-ասաց Մարտիրոսյանը:

Հայկական բասկետբոլը, հատկապես ներքին առաջնությունը` կանոնավոր Ա լիգան, վեջին տուրում այլ մակարդակի է հասել:  «5-րդ տարին է, որ Հայաստանի առաջնությունը դարձել է պրոֆեսիոնալ լիգա: Մենք աշխատանք ենք տանում առաջնության դիտարժանությունը բարձրացնելու համար: Շեշտը դնում ենք նաև մասսայականության վրա»,-«Արմենպրես»-ի Podcast-Sport-ի տաղավարում ասաց Հայաստանի բասկետբոլի կանոնավոր առաջնության նախագահ, Հայաստանի ազգային թիմի մենեջեր Արա Պողոսյանը:

Հայաստանի ֆուտբոլի ազգային թիմի նախկին պաշտպան, Երևանի «Ուրարտու»-ի գլխավոր մարզիչ Ռոբերտ Արզումանյանը «Արմենպրես»-ի Podcast-Sport-ում անդրադարձել է Հայաստանի առաջնությունում իր գլխավորած թիմի գրանցած արդյունքներին, Պրեմիեր լիգայի ապագային և խոսել է ազգային թիմի ներուժից:

Հունվարի 6-ին Հայ Առաքելական եկեղեցին տոնում է տարվա հինգ տաղավար տոներից առաջինը՝  Հիսուս Քրիստոսի Սուրբ Ծննդյան ու Աստվածահայտնության տոնը: Որը Հիսուսի Ծննդյան և մկրտության հիշատակումն է: Նույն օրը նշվող Մկրտության տոնը խորհրդանշում է  Հորդանան գետում Քրիստոսի մկրտությունը։ Քրիստոսի մկրտության ժամանակ Հայր Աստված վկայում է. «Դա է իմ սիրելի Որդին, որն ունի իմ ամբողջ բարեհաճությունը» և Սուրբ Հոգին աղավնակերպ իջնում է Քրիստոսի վրա: Տեղի է ունենում երկրորդ աստվածահայտնությունը: Այսպիսով, Քրիստոսի Ծննդյան և Մկրտության միջոցով հաստատված երկու աստվածահայտնությունները հայ առաքելկան եկեղեցում տոնում են միասին` հունվարի 6-ին:

«Արմենպրես»-ի փոդքաստ տաղավարում տոնի խորհրդի և նշանակության մասին զրուցել ենք առաջնորդանիստ Սուրբ Սարգիս եկեղեցու խորհրդակատար Տեր Շահե Քահանա Հայրապետյանի հետ:

Հայաստանի սպորտային կյանքը 2021 թվականին լի էր նոր անուններով, ձեռքբերումներով, հիասթափություններով ու բացահայտումներով:  «Արմենպրես»-ի Podcast-Sport-ում անցնող մարզական տարին ամփոփել ենք Առաջին ալիքի սպորտային մեկնաբան Գևորգ Ղազարյանի, Մեդիամաքս սպորտի թղթակից Հասմիկ Բաբայանի և Vivaro news-ի թղթակից Լիանա Մկրտչյանի հետ: Ինչպես «Արմենպրես»-ի սպորտային թղթակից Վարվառա Հայրապետյանը, նրանք նույնպես եղել են Տոկիոյում և տեղից լուսաբանել են 32-րդ ամառային Օլիմպիական խաղերը:

Ի՞նչ հեռանկարներ ունի հայ-թուրքական հարաբերությունների կարգավորման նոր գործընթացը հայտնի «ֆուտբոլային դիվանագիտության» ձախողումից հետո, անկե՞ղծ են արդյոք Հայաստանի հետ հաշտվելու Թուրքիայի ձգտումները, ի՞նչ ռիսկեր և օգուտներ կարող է ստանալ Հայաստանը՝ մտնելով այդ պրոցեսի մեջ: «ԱՐՄԵՆՊՐԵՍ ՊՈԴՔԱՍՏ»-ի տաղավարում այդ թեմայի շուրջ զրուցել ենք Հայաստանի գիտությունների ազգային ակադեմիայի ակադեմիկոս, թուրքագետ Ռուբեն Սաֆրաստյանի հետ:

Հայաստանի ֆուտբոլի ազգային թիմի մրցակիցներն Ազգերի լիգայի խմբային փուլում հայտնի են:  «Արմենպրես»-ի Podcast-Sport-ում հյուրը ֆուտբոլային մեկնաբան Արման Աբելյանն է: