Estiveron con nós De Vacas e o seu particular humor feito canción. Paula contounos como naceu este incrible grupo, e outros segrediños.

Blues do País, mais versións  dos grandes hits "a la gallega": This boots are made for walking & os zocos son pra andar.... chega a diva do rural acompañada do bluesmanciño.

Compartimos un anaco con Manuel Martínez, director da Orquesta Clásica de Vigo e o seu ciclo: En femenino, polo que buscan dar visibilidade a compositoras esquecidas e ocultas.

Mulleres invisibles. Amas de casa, prostitutas e redeiras.

Entrevistamos a Vitusa, secretaria da asociación de amas de casa Agarimo, que recibiron o premio de vigueses distinguidos da man do alcalde este ano. Totalmente merecido polo seu labor ao longo de máis de vinte anos.

Tamén falamos con Noemi Chantada, nominada pola súa obra La mujer invisible nos Mestre Mateo, un retrato veraz e real da prostitución e as mulleres que se ven na obriga de practicala.

Achegamos ata o porto de Vigo para felicitar a Henry Robusto polo seu corto "Puntada Invisible", sobre as mulleres redeiras. É o primeiro corto español que gaña o Certame Internacional da Asociación Internacional de las Mujeres en el Sector de la Pesca.

Imos falar de rugby en Vigo. Se vos achegades ata o CUVI descubriredes que son moitos os equipos que alí entrenan, mulleres e cativos incluídos.

E tamén de tenis de mesa. Vincios ten uns equipazos! E as mulleres están a xogar na división de honra.

Incrible falar cunha atleta tan agradable como Cristín Martínez, gañadora da Galiexpo Bike and Running na súa modalidade, e que chegada de Venezuela hai un ano, cóntanos a súa traxectoria.

Tivemos no estudo a campiona de Valladares Tita, unha lenda vivinte de xogadora e adestradora de fútbol e balonmán en Vigo.

De contos vai a cousa. A quen non lle gusta que lle conten un conto, eh?

Imos coñecer a bonita historia de María José Martínez, e a súa relación coa literatura oral e a transmisión da cultura aos máis peques.

Nace kalandraka tv. O mundo infantil está de noraboa!! Nesta canle imos coñecer todo o que rodea a estes contiños tan feitiños: as persoas que fan as ilustracións, as bibliotecas onde os pedimos prestados, as librerías...

Moita imaxinación era Julio Verne. O museo do marco acolleu unha exposición del incríble!!!

E a escritora xuvenil Ledicia Costas, tanto se inspirou nel que acabou por escribir “Jules Verne e a vida das mulleres planta". E non so compartiu con nós como foi o proceso creativo, senón tamén coa xente da rúa nun roteiro literario polas rúas do casco vello de vigo que tamén visitou julio verne nunha das súas visitas pola ría de Vigo.

Cruzamos ó outro lado da ría para achegarnos ata Moaña.

Falamos con Leticia Santos , alcaldesa de Moaña e unha das mais novas de Galicia. Recordamos que so un 10% das alcaldías do País están presididas por mulleres.

Imos de ruta literaria con Xosé Daniel Costa Currás. Guíanos por Moaña cos ollos da muller mariscadora e coas verbas da súa poesía mariñeira.

Coñecemos a historia de Maricarme, unha muller atlántica.

Rosalía tanto se apunta a ser estampada nunha camiseta coma a ser versionada dende o rock ata o rap.

Imos falar con Xosé María Queizán, que ven de publicar un ensaio "Rosalía de Castro e o poder sexual".

E na parte musical: Rosalía en versión jazz "Miña almiña" de Son Trío. E versión rap "Rapoemas" de Aid.

Conversamos con Anaír Rodríguez, editora en Xerais, e agora tamén escritora, trala publicación dun fermoso libro ilustrado chamado Pioneiras, onde recolle a todas esas mulleres galegas que foron as primeiras en dar un paso adiante nalgunha disciplina.

Tamén falamos vía telefónica con Susana Pedreira, xornalista ubicada en Pontevedra, e unha das impulsoras das xornadas "As mulleres que opinan son perigosas". Unha cita recomendable na Boa Vila.

E rematamos tertulia con Cris, do colectivo Galegas 8M.

Imos ata a eurourocidade Tui- Valença do Minho para desfrutar do IKFEM, International Keyboard Festival & Masterclass. Women Sound é o lema desta 6ª edición.

Falamos coa directora artística do festival, Andrea González.

Tamén conversamos coa pianista Isabel Pérez Dobarro sobre o papel das mulleres ó longo da historia na música clásica.

E coñecemos a figura da compositora galega Eugenia Osterberger da man da pianista e investigadora Beatriz López-Suevos.

Hoxe traemos ás fillas do café a testemuña dun adolescente do ano 2000. Este ano faise maior de idade. Conversaremos sobre o salto xeracional de como cambiou o mundo dende os anos 50 ata hoxe en día.