Saga íslenska táknmálsins er í senn undursamleg og sorgleg. Hún nær allt frá síðari hluta 19. aldar og fram á okkar daga. Valgerður Stefánsdóttir fyrrverandi forstöðukona Samskiptamiðstöðvar heyrnarlausra og heyrnarskertra gefur innsýn í þá sögu. Umsjón: Anna Sigríður Þráinsdóttir.

Í þættinum er greint frá því hvaða orð íslensk börn völdu sem orð ársins 2018 og fjallað um orð og nýyrði ársins meðal frændþjóða okkar annars staðar á Norðurlöndunum.

Ágústa Þorbergsdóttir segir frá vali Stofnunar Árna Magnússonar á orði ársins 2018. Umsjón: Anna Sigríður Þráinsdóttir.

Þáttur um íslenskt mál. Orð og nýyrði ársins 2018 voru gerð heyrinkunnug síðastliðin föstudag. Hlustendum var boðið að senda inn tillögur að orðum og úr þeim voru valin fimm orð og fimm nýyrði sem kosið var um á rúv.is. Í þættinum er fjallað um þau orð og þau nýyrði sem valið stóð um. Umsjón: Anna Sigríður Þráinsdóttir.

Í þættinum er fjallað um orð ársins 2018 hjá ensku orðabókarisunum Oxford og Cambridge, kynhlutleysi í opinberum tungumálum Sameinuðu þjóðanna og hvað það merkir að sparka eins og stelpa.

Samtalsgreining er ein undirgreina málvísinda, sem fæst við að rannsaka hvernig textar eru saman settir og hvernig talmál virkar. Skoðað er hvernig fólk orðar hlutina, biður um eitthvað eða gerir kröfur um eitthvað svo dæmi sé nefnt. Þórunn Blöndal segir frá samtalsgreiningu í þættinum. Umsjón: Anna Sigríður Þráinsdóttir.

Þáttur um íslenskt mál. Norrænir menn tóku sér bólfestu á Orkneyjum og Hjaltlandseyjum á 8. öld og tungumál þeirra, norræna, varð ráðandi á eyjunum. Af því spratt mál landsmanna sem kallast norn. Rússneski málfræðingurinn Andrei Melnikov segir frá því sem vitað er um þetta mál sem aðeins lifði í um fimm hundruð ár. Umsjón: Anna Sigríður Þráinsdóttir.