በሳይንስ እና ቴክኒክ ላይ ያተኩራል። | Deutsche Welle

ባለፈው ሳምንት የአዲስ አበባ እና የሀዋሳ ዩኒቨርስቲዎች ለ10 ምሁራን የፕሮፌሰርነት ማዕረግ ሰጥተዋል፡፡ በአጠቃላይ በኢትዮጵያ ዩኒቨርስቲዎች ውስጥ ያሉ ፕሮፌሰሮች ግን ጥቂት መሆናቸውን የሚጠቆሙት የዘርፉ ባለሙያዎች በአንድ ከፍተኛ ትምህርት ተቋም ሊኖር ይገባል ከሚባለው ቁጥር ጋር ሲነጻጸር ከፍተኛ ክፍተት እንደሚስተዋል ይጠቁማሉ፡፡

ጉግል ከቅርብ ጊዜ ወዲህ አፍሪካ ተኮር የሆኑ እንቅስቃሴዎች እያደረገ ይገኛል፡፡ የጉግል ዋና ስራ አስፈጻሚ ባለፈው ሳምንት ወደ ናይጄሪያ ብቅ ብለው ኩባንያው ለአፍሪካ ያሰባቸውን እቅዶች እና አገልግሎቶች ይፋ አድርገዋል፡፡ ከአገልግሎቶቹ ውስጥ ለአፍሪካ የኢንተርኔት ፍጥነት እና የተስማማ የዩ ቲዩብ መተግበሪያ (አፕልኬሽን) አንዱ ነው፡፡

የአሜሪካ የጂኦፊዚካል ማህበር የህዋ እና ምድር ሳይንስ ባለሙያዎችን በማሰባሰብ በዓለም ትልቁ እንደሆነ ይነገራል፡፡ ማህበሩ ባለፈው ሳምንት ለሽልማት ከመረጣቸው 29 ሳይንቲስቶች እና ጋዜጠኞች መካከል አንዱ ኢትዮጵያዊ ናቸዉ፡፡ በባህር ዳር ዩኒቨርስቲ የሚያስተምሩት ዶ/ር መልሰው ንጉሴ ይባላሉ፡፡

የአፍሪካ ህብረት የፓን አፍሪካ ዩኒቨርስቲን ለማቋቋም በጎርጎሮሳዊው 2008 ውሳኔ አሳልፎ ነበር፡፡ እቅዱ በአምስቱ የአፍሪካ ቀጠናዎች የተከፋፈሉ ተቋማትን ማቋቋም ነው፡፡ የሳይንስ ዘርፎች ላይ ያተኮሩት እኒህ ተቋማት ተማሪዎችን ተቀብለው ከማስተማር አልፈው ማስመረቅ ሁሉ ጀምረዋል፡፡