Sign up to save your podcasts
Or
Share ពេលព្រឹក
Share to email
Share to Facebook
Share to X
Share to email
Share to Facebook
Share to X
Or
ពេលព្រឹក
ពេលព្រឹក episodes
- អាជ្ញាធរខណ្ឌទួលគោកទុកពេល៣ថ្ងៃឲ្យពលរដ្ឋរស់នៅបណ្ដោយផ្លូវរថភ្លើងរុះរើរបងនិងផលដំណាំអាជ្ញាធរ នឹងចុះរុះរើរបងនិងផលដំណាំពលរដ្ឋ ក្នុងភូមិ១៤ សង្កាត់បឹងកក់ទី១ បន្ទាប់ពីទុកពេល៣ថ្ងៃ ឲ្យពលរដ្ឋរុះរើដោយខ្លួន។ ប្រជាពលរដ្ឋ អះអាងថា នឹងមិនអនុវត្តតាមការជូនដំណឹងទេ ព្រោះពួកគាត់បានសម្បទានដីជូនរដ្ឋពង្រីកប្រឡាយទឹក និងផ្លូវអមប្រឡាយ អស់ជាច្រើនម៉ែត្ររួចហើយ។ អ្នកភូមិ ស្នើសុំអាជ្ញាធរ ឈប់បំពានយកដីរបស់ពួកគាត់ ដែលនៅសល់ពីការអភិវឌ្ឍន៍នោះ និងស្នើសុំឲ្យ ចេញប័ណ្ណកម្មសិទ្ធិកាប់កាន់ដីធ្លីជូនពលរដ្ឋ។5 min
- ក្រុមជនជាតិដើមភាគតិចព្នង ខេត្តមណ្ឌលគិរី ចោទមេភូមិម្នាក់ថា លក់ដីព្រៃសហគមន៍ជាង ៥រយហិកតារមេភូមិម្នាក់នៅខេត្តមណ្ឌលគិរី រងការចោទប្រកាន់ថា ឃុបឃិតលបលក់ដីព្រៃសហគមន៍ជាង ៥រយហិកតារ (៥០៣) ឱ្យបុគ្គលមានលុយមានអំណាចបំពានច្បាប់។ ប្រជាសហគមន៍ថា ពួកគាត់បានដាក់ពាក្យប្តឹងសុំកិច្ចអន្តរាគមន៍ ទៅអាជ្ញាធរខេត្ត និងស្ថាប័នពាក់ព័ន្ធឱ្យជួយដោះស្រាយករណីនេះ ៣លើក មកហើយ តែគ្មានបានផលទេ។ ចំណែកមេភូមិពូត្រែង បដិសេធការចោទប្រកាន់នេះ។8 min
- ក្រុមសង្គមស៊ីវិលធ្វើយុទ្ធនាការនៅសប្ដាហ៍ទី២ ស្នើសុំដោះលែង លោក រ៉ុង ឈុន និងសកម្មជនសង្គម៧នាក់ក្រុមអង្គការ សមាគម និងបណ្ដាញពលរដ្ឋ បន្តយុទ្ធនាការទាមទារដោះលែងសកម្មជន និងអ្នកការពារសិទ្ធិមនុស្សនៅសប្ដាហ៍ទី២ ដោយស្នើសុំឲ្យតុលាការដោះលែងប្រធានសហភាពការងារកម្ពុជា និងជាតំណាងក្រុមប្រឹក្សាមើលកម្ពុជា លោក រ៉ុង ឈុន និងក្រុមយុវជន៧នាក់ទៀតនៃក្រុមខ្មែរថាវរៈ និងសមាជិកនៃសមាគមសម្ព័ន្ធនិស្សិតបញ្ញវន្តខ្មែរ។ ជាមួយគ្នានេះ មេធាវីការពារក្ដីឲ្យយុវជនការពារបរិស្ថានបីរូបនៃចលនាមាតាធម្មជាតិ សោកស្ដាយដែលតុលាការជាន់ខ្ពស់ នៅថ្ងៃទី១៦ សីហា បដិសេធសំណើសុំនៅក្រៅរបស់ លោក យីម លាងហ៊ី យុវជន លី ចាន់ដារ៉ាវុធ និងកញ្ញា ស៊ុន រដ្ឋា។7 min
- សាច់ញាតិពលករដែលឆ្លងកូវីដស្លាប់នៅថៃស្នើមន្ត្រីស្ថានទូតខ្មែរជួយអន្តរាគមន៍បញ្ជូនធាតុប្អូនត្រឡប់ទៅកម្ពុជាសាច់ញាតិពលករ២នាក់ដែលឆ្លងជំងឺកូវីដ១៩ស្លាប់នៅប្រទេសថៃ ស្នើសុំឱ្យមន្ត្រីស្ថានទូតខ្មែរប្រចាំនៅទីក្រុងបាងកកជួយអន្តរាគមន៍ទៅរដ្ឋាភិបាលថៃ ដើម្បីយកធាតុជនរងគ្រោះត្រឡប់ទៅកម្ពុជាវិញ។ ការស្នើសុំនេះ ដោយសារតែសពពលករខ្មែរទាំងពីរនាក់បានស្លាប់ចំនួន២ថ្ងៃមកហើយ គ្រួសារពុំទាន់ទទួលធាតុយកទៅធ្វើបុណ្យនៅឡើយទេ។6 min
- អ្នកវិភាគថា «ចិនមិនទាន់កែប្រែឥរិយាបថធ្វើឱ្យប្រសើរឡើងវិញនូវគម្រោងនានាពាក់ព័ន្ធនឹងគំនិតផ្តួចផ្តើមខ្សែក្រវ៉ាត់ និងផ្លូវ»អ្នកសិក្សាស្រាវជ្រាវការអភិវឌ្ឍសង្គម និងនយោបាយ មើលឃើញថា ចិននៅមិនទាន់កែប្រែឥរិយាបថរបស់ខ្លួនជុំវិញការធ្វើឱ្យប្រសើរឡើងវិញនូវគម្រោងនានាពាក់ព័ន្ធនឹងគំនិតផ្តួចផ្តើមខ្សែក្រវ៉ាត់ និងផ្លូវ (BRI) ដើម្បីឱ្យមានតម្លាភាព ប្រសិទ្ធភាព និងការទទួលខុសត្រូវនៅកម្ពុជានៅឡើយទេ។ ការលើកឡើងនេះ ស្របពេលដែលថ្មីៗនេះ អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃស៍ វ៉ច្ឆ (Human Rights Watch) រកឃើញថា ការសាងសង់ទំនប់វារីអគ្គិសនីសេសានក្រោម ២ ដែលជាផ្នែកមួយនៃគម្រោងខ្សែក្រវ៉ាត់ និងផ្លូវរបស់ចិននេះ បានរំលោភសិទ្ធិមនុស្ស បំផ្លាញបរិស្ថាន និងបានធ្វើឱ្យពលរដ្ឋមូលដ្ឋានជិត ៥ពាន់នាក់ បាត់បង់ទីជម្រក។11 min
- ពលករខ្មែរ២នាក់បានស្លាប់ដោយសារជំងឺកូវីដ-១៩នៅក្នុងប្រទេសថៃពលករខ្មែរ២នាក់បានស្លាប់ដោយសារជំងឺកូវីដ-១៩ នៅក្នុងខេត្ត ឈុនបូរី (Chunburi) ប្រទេសថៃ ចំណែកពលករជាច្រើនទៀតក៏ត្រូវបញ្ជូនទៅសង្រ្គោះបន្ទាន់ ដោយស្ថានភាពជំងឺធ្ងន់ធ្ងរ។ មន្រ្តីអង្គការសង្គមស៊ីវិលការពារសិទ្ធិពលករចំណាកស្រុកស្នើឱ្យរដ្ឋាភិបាល និងស្ថានទូតខ្មែរប្រចាំនៅទីក្រុងបាងកក(Bangkok)យកចិត្តទុកដាក់ផ្ដល់ជំនួយដល់ពលរដ្ឋភ្លាមៗ ពិសេសជំនួយផ្នែកផ្លូវចិត្ត ដើម្បីបន្ធូរបន្ថយភាពភ័យខ្លាចរបស់ពួកគេ។7 min
- ពលករធ្វើចត្តាឡឺស័កនៅខេត្តបន្ទាយមានជ័យ បារម្ភពីប៉ះពាល់សុខភាព នៅពេលអាជ្ញាធរឱ្យពួកគាត់ស្នាក់នៅក្បែរគំនរសំរាមពលករដែលទើបត្រឡប់មកពីប្រទេសថៃមួយចំនួនត្អូញត្អែរពីទុក្ខលំបាកក្រោយពេលអាជ្ញាធរខេត្តបន្ទាយមានជ័យបានបញ្ជូនពួកគាត់ទៅធ្វើចត្តាឡឺស័កនៅកន្លែងក្បែរគំនរសំរាម ធ្វើឱ្យប៉ះពាល់ដល់សុខភាពរបស់ពួកគាត់។ មន្ត្រីសង្គមស៊ីវិល យល់ថា អាជ្ញាធរពាក់ព័ន្ធគួរតែដោះស្រាយបញ្ហានេះ ដើម្បីសម្រួលដល់ការរស់នៅរបស់ពលករជាបន្ទាន់។6 min
- សាច់ញាតិ ទាមទារឲ្យតុលាការ ពន្លឿនការជម្រះក្ដី និងដោះលែងអ្នកនយោបាយ ក្រោយការជាប់ឃុំជាងមួយឆ្នាំក្រុមគ្រួសារសាច់ញាតិ និងមេធាវី ទាមទារឲ្យតុលាការពន្លឿននីតិវិធីជំនុំជម្រះក្ដី និងដោះលែងអ្នកនយោបាយរបស់គណបក្សសង្គ្រោះជាតិឲ្យបាននៅក្រៅឃុំវិញ ក្រោយពីពួកគេមួយចំនួន បានជាប់ឃុំបណ្តោះអាសន្នក្នុងពន្ធនាគារជិត១ឆ្នាំកន្លះហើយ ដោយមិនទាន់បើកសវនាការរកខុសត្រូវឲ្យចប់សព្វគ្រប់នៅឡើយ។ សង្គមស៊ីវិល យល់ថា តុលាការគួរតែពិចារណាដោះលែងក្រុមអ្នកជាប់ឃុំផ្នែកនយោបាយ ដើម្បីឲ្យពួកគេបានមករស់នៅជួបជុំគ្រួសារវិញ។5 min
- «ការផ្អឹបទុករឿងក្តីមន្ត្រីសង្គ្រោះជាតិ ជាយុទ្ធសាស្ត្រកម្ចាត់កម្លាំងបក្សប្រឆាំង»អ្នកតាមដានស្ថានការណ៍នយោបាយលើកឡើងថា ការផ្អឹបទុកសំណុំរឿងសកម្មជនបក្សសង្គ្រោះជាតិជាង ១០០នាក់នៅតុលាការក្រុងភ្នំពេញនោះ គឺជាយុទ្ធសាស្ត្ររបស់គណបក្សកាន់អំណាច ដើម្បីកម្ចាត់កម្លាំងបក្សប្រឆាំងនៅក្នុងស្រុក។ មន្ត្រីសិទ្ធិមនុស្សវិញឱ្យដឹងថា ការអូសបន្លាយសំណុំរឿងបែបនេះរំលោភលើគោលការណ៍ច្បាប់ និងសិទ្ធិមនុស្ស ជាពិសេសសិទ្ធិទទួលបានការជំនុំជម្រះដោយយុត្តិធម៌ និងឆាប់រហ័សរបស់ជនជាប់ចោទ។ ប៉ុន្តែមន្ត្រីសិទ្ធិមនុស្សរបស់រដ្ឋាភិបាលបកស្រាយថា ភាពយឺតយ៉ាវនៃសំណុំរឿងខ្លះអាចដោយសារតែបញ្ហាការរាតត្បាតជំងឺកូវីដ-១៩។9 min
- សាច់ញាតិបុរសដែលស្លាប់ពេលប៉ូលិសបាត់ដំបងឃុំខ្លួន បន្តស្នើក្រសួងមហាផ្ទៃពន្លឿនផ្តល់យុត្តិធម៌សាច់ញាតិបុរសដែលស្លាប់ពេលប៉ូលិសឃុំខ្លួនសួរចម្លើយនៅនគរបាលស្រុកសង្កែ ខេត្តបាត់ដំបង កាលពីដើមមេសា បន្តទទូចស្នើសុំឲ្យមន្រ្តីពាក់ព័ន្ធពន្លឿនការស៊ើបអង្កេត និងចាត់វិធានការច្បាប់លើជនដៃដល់ ដើម្បីផ្តល់យុត្តិធម៌ដល់ពួកគាត់។ មន្រ្តីសង្គមស៊ីវិលយល់ថាសមត្ថកិច្ចជំនាញក្រសួងមហាផ្ទៃគួរតែស៊ើបអង្កេតករណីនេះឱ្យបានឆាប់ ដើម្បីឱ្យពួកគាត់មានទំនុកចិត្តលើស្ថាប័នអនុវត្តច្បាប់ ។7 min
About ពេលព្រឹក
From the publisher's feed
នេះគឺជាព័ត៌មានទូទៅរបស់អាស៊ីសេរី ដែលផ្ដោតទៅលើនយោបាយ សិទ្ធិមនុស្ស សង្គម បញ្ហាដីធ្លី បរិស្ថាន សុខភាព ប្រវិត្ដិសាស្ដ្រ ច្បាប់ និងព័ត៌មានមួយចំនួនទៀត។