BELIEVER

By BelieverEducation Self-Improvement

BELIEVER episodes

April 01, 2020 كورونا!...أفكار...وهدرزة
في زمن الوباء العالمي أو مايسمى بالكورونا!... محتاجين نشوفوا الجانب الإيجابي أكثر منه السلبي...محتاجين نطبقوا أفكار تبعدنا عن السلبيات... ومحتاجين نعبوا وقت فراغنا بما يفيدنا ويخلينا نسخ أفضل نطلعوا بيها بعد إنتهاء الأزمة... لهذا الحلقة هذه حيكون فيها كل هذا وأكثر... استمعوا واستمتعوا.
---
Send in a voice message: https://anchor.fm/bebeliever/message
29 min
February 18, 2020 الشيء الثابت هو التغيير
كلنا نبو نتغيرو، وللأفضل، كلنا بدون مبالغة حاولنا في يوم من الايام ان نتغيرو ونكونو افضل نسخة من أنفسنا، لكن غالبيتنا ماقدرش يكمل، ماقدرش يوصل وماقدرش يحقق التغيير يلي يتمناه يصير في حياته ، الحلقة حتحكيلكم على التغيير، مفهومه، وشن الأفكار الخاطئة يلي نعرفوها عليه، وأكيدة كيف نقدرو نطبقوا خطوات فعلية لتغيير أفضل ودائم .
---
Send in a voice message: https://anchor.fm/bebeliever/message
37 min
February 11, 2020 ســر التحفِيز
التحفيز هو شعور داخلي يخلينا نديرو الشي يلي نطمحو ليه وننجزوه بكل نشاط وطموح
به الشعور هذا يجينا مرات ومرات لا
هل حنقعدو ديمة نستنوا ان الشعور هذا يجي بروحه ؟!
هل حنقعدو مقعمزين وقت يجي الشعور هذا تمام ووقت مايجيش هاه نستنوا ؟! اكيد الجواب لا ، ولهذا حلقة اليوم من البودكاست حتعطيكم الجواب الصح والطرق الصح بإذن الله .
---
Send in a voice message: https://anchor.fm/bebeliever/message
28 min
November 10, 2019 It will pass - سَتَمْضِي
تمر برحلة صعبة، صدمة، خذلان، ..؟ حاس ان الوقت قاعد يمشي بطيييء وان الحياة مش عادلة معاك، حاس ان المرحلة هذه مستحيل حتمر وانت داخلها تشوف انها نهاية كل شي او لو كنت متفائل شوية حتقول مش حنقدر نطلع منها فيسع، وهلبة مشاعر مع افكار تسبب في ان حنا كل يوم نحسو نفسنا للأسوأ، حلقة اليوم حتكون باذن الله المساعد ليكم ولمروركم خلال المرحلة هذه باقل اضرار ممكنة وبمفهوم افضل واعمق 3>
---
Send in a voice message: https://anchor.fm/bebeliever/message
28 min
August 27, 2019 know your purpose - اعرف هدفك : سببك
كلنا نكتبو في اهداف نبو نوصلوها، وعادات نبو نبنوها، واسلوب حياة نبو نتبنوه، لكن اغلبنا مايشوفش للصورة الكبيرة( للسبب الاساسي لهذا كله ) ، لما نبني عادة شن السبب يلي يخليني نبنيها شن الهدف يلي اكبر من العادة هذه نفسها يلي نبي نوصله. كيف نعرف هدفي وسببي في الحياة هذه، كيف نعرف شن نبي ولي وين نبي نوصل ، كيف نعرف مساري وناخد التحفيز ديمة حتى نكمل المسار هذا. استمعو لموضوع اليوم وباذن الله حيكون كله واضح عندكم ^^
---
Send in a voice message: https://anchor.fm/bebeliever/message
35 min
August 20, 2019 Back on track- الرجوع الى المسار
نقررو ناخدو بريك ونقررو نعطو نفسنا فترة نرتاحو فيها وفترة نقاهة حلوة سواء الفترة هذه سفر او مناسبة او فترة قررت انك تاخدها او عيد او اي شي ، المهم انك خديت بريك وقدره وقررنا بعده نرجعو لحياتنا الطبيعية ! ولاهدافنا وعاداتنا وكل شي نبو نوصلوه، لكن نكتشفو ان معاش عندنا تحفيز للشي هذا وكل يوم نأجلو في العودة الى مالا نهاية. حلقة اليوم حتكون كلها على كيف نبنو تحفيز ونخلو نفسيتنا مهيئة ومستعدة انها ترجع للمسار وترجع للروتين المفروض، وفوق من هذا كله كيف نديرو الفعل والخطوة فعليا اتجاه التحفيز هذا .
---
Send in a voice message: https://anchor.fm/bebeliever/message
26 min
August 06, 2019 comfort zone - منطقة الراحة
" لو كنت تبي توصل لشيء ماعمرك وصلته, دير شي ماعمرك درته "
منطقة الراحة مصطلح يطلق عالمكان يلي نكونو مرتاحين فيه يعني مكان مانبذلوش في اي مجهود او نحاولو نوصلو لاي شي, هو صح الراحة والكسل حلو لكن طالما حنا قاعدين داخل المنطقة هذه مستحيل حنوصلو لاهدافنا او اي افكار نبو نفذوها في حياتنا, الراحة داخل المنطقة هذه مؤقتة وبعد يمشي الوقت علينا حتنقلب الراحة الى ندم .
فيعني بش نحسو بالراحة النفسية داخلنا ونحققو كل شي نبوه لازم نطلعو منها وهذا علاش حلقة اليوم حتساعدكم باذن الله على انكم تفتحو المجال لأنفسكم وتكونوا خارج الدائرة هذه.
---
Send in a voice message: https://anchor.fm/bebeliever/message
19 min
August 04, 2019 بداية
مقدمة بسيطة لبودكاست بليفر كتجربة للقناة والحلقات
---
Send in a voice message: https://anchor.fm/bebeliever/message
1 min

About BELIEVER

From the publisher's feed

لأن لنفسك عليك حق, صنعنا بودكاست بليفر لتذكرك اسبوعيا بمواضيع تخص اهتمامك بنفسك,روحك, حياتك وكل مايخصها بحيث انك تكون دائما النسخة الأفضل منك يوم بعد يوم وتصل لاهدافك اسرع واسهل.