ထိုင်းနိုင်ငံ၊ ဘန်ကောက်မြို့၊ ကုလသမဂ္ဂရုံးရှေ့မှာ အာဏာသိမ်း စစ်ခေါင်းဆောင် မင်းအောင်လှိုင်ရဲ့ BIMSTEC ဘန်ကောက် ခရီးစဉ်ကို ကန့်ကွက် ဆန္ဒပြဖို့ စီစဉ်တဲ့အဖွဲ့ကို ထိုင်းအမျိုးသားရေးအဖွဲ့တွေက ဒီကနေ့ ဧပြီလ ၅ ရက် မနက် ၁၁ နာရီ ဝန်းကျင် လာရောက် နှောင့်ယှက် တိုက်ခိုက်ခံခဲ့ရပါတယ်။

အဲဒီ ဆန္ဒပြပွဲ မစတင်ခင်မှာပဲ ဆန္ဒပြ သပိတ်ခေါင်းဆောင် Bright Future အဖွဲ့ ဦးဆောင်သူ ကိုဆူရတ်ကို ထိုင်းရဲတပ်ဖွဲ့က ဝင်ရောက် ထိန်းသိမ်းကာ ကာကွယ် ခေါ်ဆောင်သွားတယ်လို့ သိရပါတယ်။ အဲဒီ ဖြစ်စဉ်ကနေ ထွက်ပြေး လွတ်မြောက်လာတဲ့ အလုပ်သမားအရေး လှုပ်ရှားသူ ကိုကိုမောင်ကို ဒီဗွီဘီ သတင်းထောက် ဇွဲသစ်က တိုက်ရိုက် ဆက်သွယ် မေးမြန်းထားပါတယ်။