Иов анд нөхдөө ирж буйг хараад маш их баярласан боловч тэд түүний зовлонг ойлгоогүй. Бид ойр дотныхон, найз нөхөддөө итгэл найдвараа амархан тавьдаг. Гэвч тэдний хэн нь ч Бурханы үүргийг гүйцэтгэж чадахгүй. Тиймээс бид асуултуудынхаа хариуг юуны түрүүнд Эзэнээс хайх ёстой.

Хэрэв танд өнөөдрийн хичээлтэй холбоотой асуух зүйл гарвал хичээлийн төгсгөлд хэлэх и-мейл хаягаар бидэнтэй холбогдоорой.

Иовыг гал мэт ширүүн зовлон дайрч, тэр бүх талаар соригдож байсан. Энэ бүхэн түүний ямар нэг гэм, буруу үйлдлээс биш, харин Эзэн түүнийг цэвэршүүлж байсан учраас болсон. Үүнийг тэсвэрлэн гарахад бараг боломжгүй мэт санагдавч, Бурхан бүхнийг хяналт дороо байлгаж байсан. Амьдралын хэцүү асуудлууд биднийг өвтгөдөг ч, эдгээр нь Бурханы өгсөн хамгийн үнэ цэнэтэй бэлэг байдаг. Учир нь үүгээр дамжуулан бид алт мөнгөнөөс ч илүү үнэтэй бурханлаг мөн чанарыг олж авдаг.

Хэрэв танд өнөөдрийн хичээлтэй холбоотой асуух зүйл гарвал 80859900 дугаараар бидэнтэй холбогдоорой.

Бид библийн хамгийн сонирхолтой түүхийн нэгийг үзэж байна. Иов өөрийн амьдралд гэнэт бууж ирсэн зовлон, уй гашууг ойлгохгүй байсан учраас үхэхийг хүсдэг. Хүний амьдралд хүнд хэцүү зүйлс тохиолдох үед бид ихэнхдээ Бурханаас яагаад гэж асууж, энэ бүгдийг учрыг олохгүй гайхдаг. Гэвч Бурхан бүхнийг захирдаг бөгөөд бидний туулж байгаа зүйл бүрийн цаана Түүний агуу зорилго байдаг.

Хэрэв танд өнөөдрийн хичээлтэй холбоотой асуух зүйл гарвал 80859900 дугаараар бидэнтэй холбогдоорой.

Иовыг яр шархандаа баригдан шаналж суух үед түүний найз нөхөд ирж, түүнийг өөрсдийнхөөрөө шүүдэг. Бид бас тэдний адил бусдын бурууг олохдоо түргэн байдаг. Эзэн Есүс “Чи ах дүүсийнхээ нүдэн дэх үртсийг хардаг атал яагаад өөрийн нүдэн дэх дүнзийг анзаардаггүй юм бэ?” (Матай 7:3) гэж хэлсэн.  Хэрэв танд өнөөдрийн хичээлтэй холбоотой асуух зүйл гарвал 80859900 бидэнтэй холбогдоорой.

Бид Иовын тухай гайхалтай түүхийг үзэж байна. Тэр эд хөрөнгө, мал, үр хүүхэд гээд бүхнээс алдсан хэрнээ Бурханыг магтсаар байсан. Түүний зүрх сэтгэл Бурхан итгэх итгэл дээрээ үнэхээр баттай байжээ. Өнөөгийн бүх юм амархан өөрчлөгдөж хувирдаг, тогворгүй энэ амьдралд Бурханд итгэх бат итгэл хамгийн их дутагдаж байгаа шиг санагдана.

Хэрэв танд өнөөдрийн хичээлтэй холбоотой асуух зүйл гарвал 80859900 бидэнтэй холбогдоорой.

Бид Иов номыг судалж эхэлж байгаа билээ. Бидний үзэх дараагийн үзэгдэл нь тэнгэрт болдог бөгөөд маш гайхалтай. Энэ зүйл тэнгэрт болсон тухай Иов ч тэр, мөн энэ номонд гардаг бусад хүмүүс юу ч мэдээгүй. Харин энэ үзэгдлийг бид уншсанаар Бурханы хүмүүст тохиолддог зүйлсийг илүү сайн ойлгож чадна.

Өнөөдөр бид Иовын түүхийг үзэх болно. Энэ хүн Бурханд үнэнч байсан хэрнээ бүхнээ алдаж, Бурханаар шалгагддаг. Гэвч уй гашуу, зовлонгийнхоо дунд тэр Бурханаас урваагүй гайхалтай гэрчлэлийг үлдээж чадсан. Түүний түүх бидэнд ч бас урмыг өгч, Эзэнд цаг ямагт үнэнч байхыг уриалдаг.

Өнөөдөр бид Ром номын хамгийн сүүлийн бүлгийг үзнэ. Энэ ном бидэнд итгэгч хүн үйлсээр биш, нигүүлслээр аврагддаг тухай гайхалтай үнэнийг ойлгуулсан. Энэ бол итгэгч хүний амьдралын үндэс суурь мөн. Итгэгч хүн бүр Ром номыг судлахгүйгээр итгэлийн амьдралаар амьдрах боломжгүй. Ром ном бидэнд ганхашгүй итгэлийн суурийг өгсөн. “Тиймээс итгэлээр зөвтгөгдсөн бид бидний Эзэн Есүс Христээр дамжуулан Бурхантай эвлэрсэн билээ.” (Ром 5:1)

Бид агуу элч Паулын итгэгчдэд хандан бичсэн хамгийн чухал захидал болох, итгэлийн үндсэн зарчмуудыг агуулсан Ром номыг судалж байна. Энэ номгүйгээр итгэгч хүний амьдралыг төсөөлөшгүй. Ром номноос бид Паул өөрийнхөө бүхэл амьдралын турш тавьсан итгэлийн үндэс суурийг олж авдаг. Түүний бүхэл амьдрал бид бүхний итгэлийн эхлэл болсон.

“Учир нь надаар дамжин Христийн хийсэн зүйлээс өөр ямар ч юмыг би ярьж зүрхлэхгүй. ... Ариун Сүнсний хүчээр ажилласан тул би ... Христийн сайнмэдээг бүрэн дэлгэрүүлсэн. (Ром 15:18-19)

Бурхан өөрийн сонгосон Израиль ард түмний хамт Харь үндэстэн биднийг аварсан нь гайхалтай. Бид Христ дотор нэгэн бие болж, Бурханыг алдаршуулдаг. Бидний Эзэн доторх амьдрал өдрөөс өдөрт улам гэрэлтэх болно. “Харин бид бүгд бүтээлэггүй нүүрээр Эзэний алдрын тусгалыг хардаг. Бид энэхүү Түүний дүрд алдраас алдарт өөрчлөгддөг. Энэ нь Эзэний Сүнсээр болдог.” (2 Коринт 3:18)