Өнөөдөр бид Марк номын 10-р бүлгийг судлах болно. Маркийн сайн мэдээний номыг судлаж байх явцад гайхамшигтай ивээл тохиолдсоор байгаа гэдгийг юуны түрүүнд танд хэлмээр байна. Зүрх сэтгэлд минь хургасан айдас жихүүдэс арилж, харин түүний оронд Христийн хайр намайг төөнөн дулаацуулах болсон. Танд ч бас энэ ивээл дүүрэн байгаа гэдэгт итгэлтэй байна. Одоо бидний хамтдаа судлах энэхүү аравдугаар бүлэг танд урам зориг нэмж, зүрхэнд тань хайр энэрлийг дүүргэх болтугай.

Өнөөдөр бид Марк номын 9-р бүлгийг судлах болно. Өмнөх дугаараас бидний сэтгэл зүрхэнд төрөл бүрийн зүйлээс айх айдсууд үргэлж төрдөг. Тэгвэл шаналган зовоож байгаа бүхнээ Бурханд даатган залбирч, сэтгэлээ чөлөөлөх нь хичнээн чухал болохыг суралцсан.Тиймээ бидний хайртай Бурханд үргэлж бүх зүйл боломжтой байдаг. Харин энэ боломжыг бид Түүнд ойртож, Түүний хүү Есүс Христтэй дотно нөхөрлөснөөр авч чадна. Өнөөдөр судлах бүлэг ч мөн ялгаагүй бидэнд олон зүйлээс суралцах боломжоор хангана гэдэгт итгэлтэй байна.

Тэгэхээр наймдугаар бүлэг бол долдугаар бүлэгтэй адил үйлдэл дээр илүү өргөлт хийх Маркийн агуу сэдвийг үргэлжүүлдэг. Энэ бүлэгт Есүс Декаполисын эрэг дээр дөрвөн мянган хүмүүсийг хооллодог. Өмнөх бүлэгт юу болсон талаар товч дурдвал Фарисайчууд Далманутад нэг тэмдгийг гуйдаг. Мөн Бетсайдад сохор хүний найз нар Есүсийг түүний нүдэнд хүрэхийг хүссэн. Петр Каесареа Филиппид итгэлийг өгнө. Тэгэхээр Эзэн Есүсийн хийсэн эдгээр бүх зүйл нь Ромчуудад үнэхээр чухал байсан юм. Энэ бүх зүйл өнөөдөр ч мөн ялгаагүй бидэнд чухал. Тэгэхээр Эзэн Есүс хэнийг ч аврах чадалтай юу? Тэр ажлаа хийж чадах уу? гэсэн асуултыг та өөрөөсөө асууж байгаа байх. Тэгвэл үнэхээр тийм. Тэр бол Ёховагийн Зарц. Бид Түүнийг ажлаа туйлын сайнаар хийж чаддагийг хардаг. Энэхүү наймдугаар бүлэгт Есүс, бидний эргэн тойронд хаа сайгүй явах болно.  Тэр үед хурдны сайн зам гэж байгаагүй. Түүний байсан тэр  газар бол ердөө л нэг жижиг нутаг. Гэхдээ та алхах хурдаар туулвал энэ нь нэлээн том газар юм. Тэгвэл Есүс энэ газраар явган алхаж аялдаг байсан.

Өнөөдөр бид Марк номын 7-р бүлгийг судлах болно. Маркийн сайнмэдээний ном та биднийг үнэхээр гайхамшигтай үйл явдал болоод сонирхол татсан хүмүүстэй уулзуулсаар байгаа билээ. Өмнөх дугаарыг та санаж байгаа бол бид нилээд хэдэн чухал алхамуудаас суралцсан байгаа. Үүнийг нэг нь Есүс Өөрийг нь дагасан үй олонд зааж, сургаж сүнслэг хэрэгцээг нь хангасныхаа дараа таван талх хоёр ширхэг загасыг хэдэн арван сагс болгон үржүүлж хооллодог. Хүмүүс бидний анхдагч хэрэгцээ бол яах аргагүй хоол хүнс. Гэхдээ үүнээс чухал зүйл нь оюун санаа зүрх сэтгэлээ сайн сайхнаар цатгах юм. Энэ бол өнөөдрийн нийгэмд үнэхээр чухал зүйл. Харин хэрхэн сайн сайхныг хүлээж авч, амьдралаа үр жимстэй утга учиртай байлгах вэ гэдгийг энэхүү радио хичээл маань өнөөдрийг хүртэл Есүсийн Үг, үйлчлэлээр сургасаар байгаа билээ.

Тэгэхээр энэхүү зургадугаар бүлэг нь  Маркийн Сайнмэдээний хоёр дахь урт бүлэг юм. Марк Есүсийн үйлчлэл дэх үйл явдлыг хурдтайгаар харуулах өөрийн ердийн хэв загварыг энд дагадаг. Гэхдээ эхний хорин есөн ишлэлд эрчимтэй үйл ажиллагаа нам жим байна. Бүлэгийг ерөнхийд нь товчлоод хэлбэл: Есүс Назар уруу буцаж ирдэг. Тэр Арван хоёрыг номлуулахаар илгээнэ. Тэд илгээлтээсТүүн уруу буцаж ирээд тайлагнадаг. Тэгээд Есүс таван мянган хүнийг хооллодог. Мөн усан дээр явна. Геннесарет нутагт эдгээдэнэ. Тиймээ энэ бүлэг тэр чигтээ Галил нуурын баруун эргийн эргэн тойрондохь Есүсийн үйлчлэлээр дуусдаг. Есүс энэ үед гайхалтай нэрд гарсан байсан. Энэ нь Түүний үйлчлэлийн оргил юм.

Хүний амьдралд гоо үзэсгэлэн гэдэг гадаад төрх байдалд бус дотоод зүрх сэтгэлдээ байдаг юм гэсэн сайхан үгээр таны сонсож суралцах дуртай “Библийн хуудсаар” радио хичээл эхэлж байна. Өнөөдөр бид Марк номын 5 –р бүлгийг судлах болно. Хайр ивээл, гайхамшигаар дүүрэн Марк номын энэ бүлгээс бидэнд суралцах зүйл чамгүй олон бий гэдэгт итгэлтэй байна. Бүлэг бүр эхлээд өндөрлөх хүртэлээ таныг огт очиж үзээгүй ер бусын газарт аваачиж, оюун бодолд тань цоо шинэ мэдлэгийг нэмсээр байгаа гэдэгт бид итгэлтэй байна.

Марк номын энэ бүлэгт бид хэд хэдэн зүйрлэлийг харна. Тэнд шуургыг намжаасан гайхамшиг болдог. Энэ бүгдийн нэгээс бусад нь Матай номын Сайнмэдээнд байдаг. Шуурга намжаасан тэрхүү агшин л үүнийг өөрчилдөг. Эхлээд бид үр таригчийн талаарх сургаалт зүйрлэлийг харна. Энэ нь тунхаг шиг байв. Тэгээд бид үр таригчийн талаарх сургаалт зүйрлэлийн тайлбарыг олж үзнэ.  Үүний дараа бусад сургаал зүйрлэлүүд болон нэгэн гайхамшгийг унших болно.

Марк номын хоёрдугаар бүлгийн сүүлийн хэсэгт бид Амралтын нэг өдөр талбай дээр ирдэг. Харин гуравдугаар бүлэгт энэхүү Амралтын өдөр нь синагогт эхэлдэг. Эдгээр хоёр тохиолдлыг бид Матай, Лук хоёрт мөн харсан. Энэ нь маш чухал хэсэг. Учир нь уг асуудал бол Амралтын өдрийн тухай юм. Есүс шашны удирдагч нартай хагаралддаг. Энэ цагаас эхлээд шашны удирдагчид Түүний үхлийг хайх болсон. Харин Есүс энэ үед Өөрийгөө Амралтын өдрийн Эзэн гэдгийг тунхагладаг.  Синагогт Тэр Амралтын өдөр сайн зүйлийг үйлдсэн юм. Үүнд мэдээж асуулт ирнэ. Тэр Амралтын өдрийг үнэхээр зөрчсөн үү? Хатингар гартай ядуу хүнийг эдгээх үедээ Есүс Амралтын өдрийн хуулийг зөрчсөн үү? Лавшруулж асуусан асуулт гарч ирж байгааг та анзаарсан байх. Тэгэхээр ийм байна. Есүс энэ өдрийн хуулийг огтхон ч зөрчөөгүй. Тэр Хуулийг биелүүлэхээр ирсэн Нэгэн. Харин эндээс бид Түүнийг энэ талаархи  тайлбарыг өгч байгааг хардаг. Тэр Өөрийгөө Амралтын өдрийн Эзэн гэдгийг илчилдэг. Сайныг үйлдэх нь хамгийн чухал зүйл байсан гэдгийг Есүс илчилсэн юм.

Өнөөдөр бид Марк номын 2-р бүлгийн 1-23 р ишлэл хүртэл судлана. Тэгэхээр хоёрдугаар бүлэг бол үйл явдлаар дүүрэн өөр нэг бүлэг юм. Энэ бүлэг нь Маркийн ихэнхдээ хэрэглэдэг “тэгээд” гэх гайхамшигтай холбоос үгээр эхэлдэг. Нэг ёсондоо Сайнмэдээг хамтад нь холбодог бат бэх зуурах бяцхан үг юм. “Тэгээд” гэх энэ үг  урьд өмнө болсон зүйлийг дараагийнхтай нь үргэлж холбодог.  Тэгэхээр бидний хамтдаа үзэх өнөөдрийн хичээлийн эхэнд “Саа өвчтэй хүнийг дээврээр оруулсан” тухай яригдана.

Бид Шинэ Гэрээ номын хамгийн эхэнд бичигдсэн гэж тооцогддог Маркийн сайн мэдээ номыг судалж эхлээд удаагүй байна. Энэхүү номд бичигдсэнээр Есүс, хааны хууль ёсны хувцастай Нэгэн бус үйлчлэлийн алчуураар биеэ ороосон энгийн залуу эр юм. Тэр Матайн Сайнмэдээнд Хаан бол Маркийн Сайнмэдээнд Зарц. Гэхдээ Тэр зүгээр нэг хүний зарц биш. Тэр бол үйлчлэн удирдагч хүн юм гэдгийг эндээс бид мэдэж болно.