Марк номыг ромчууд болон харь үндэстнүүдэд зориулж бичсэн гэдгийг бид сайн мэднэ. Энд Есүсийн угийн бичиг болон Уулан дээрхи сургаалын алийг ч оруулаагүй. Түүнчлэн шашны удирдагч нарын буруутгалд ч нэг их ач холбогдол өгөөгүй байдаг. Учир нь ийм буруутгалууд нь иудей уншигчдын соёл заншилтай илүү холбоотой тул харь үндэстнүүдэд сонин биш байх байлаа. Марк Есүсийг Ажилчин, Зарц гэдэг талаас нь харуулдаг уг ном Христийн үйл хэргийг онцолж, Түүнийг ажил үйлчлэлээ үр нөлөөтэй хийж яваа үнэнч Зарц хэмээн үзүүлдэг.

“Библийн Хуудсаар” нэвтрүүлэг өнөөдрөөс эхлэн Библийн Шинэ Гэрээний Марк сайн мэдээний номыг цувралаар хүргэх гэж байна. Бид агуу хүмүүсийг л ном бичдэг гэж боддог. Гэтэл Есүсийн дагалдагчдын дотроос залууд тооцогдох Марк нь Библийн Шинэ Гэрээний 27 номын хамгийн эхнийхийг бичсэн байдаг. Марк бол Есүсийн анхны шавь нарын нэг биш ч тэрээр Петрийн хамаатан, Барнабын үеэл, Иерусалимдаа хөрөнгө чинээ, эрх мэдэлтэй хүмүүсийн тоонд ордог нэгэн байжээ.Түүний амьдарч байсан тухайн нийгмийн үед хүмүүс ам дамжсан номлолыг л сонсдог байлаа. Харин Маркийн сайн мэдээний ном бичигдсэнээр 1-р зууны итгэгчидэд, үргэлж хэн нэгнээс номлол сонсох биш харин өөрсдөө дахин дахин уншиж, Бурханы үгийг сайтар ойлгож тунгаахад нь том боломжыг олгосон юм. Тэгэхээр Бурхан бидэнд Маркийн сайн мэдээний номоор дамжуулан хичнээн чухал зүйлсийг зүрх сэтгэлд минь суулгаж өгөхийг үнэндээ таашгүй. Эрдэнийн чулуу шиг гайхамшигтай үгээ Бурхан бидэнд хэлнэ гэдэгт итгэлтэй байна.

Иошуагийн 23-р бүлэгт Иошуа Израйлын удирдагчдыг эр зоригтой, үнэнч байхыг уриалдаг. Харин 24-р бүлэгт тэр Израйлын овгуудыг өөрсдийгөө ариусгаж, Ертөнцийн Эзэнтэй гэрээ хийхийг уриалан дууддаг. Тэгээд энэ бүлэг Иошуагийн үхлээр дуусдаг. Ер нь үхлийнхээ өмнө захиас үг хэлсэн тухай олон түүх Библи дээр гардаг. Та бүхэн санаж байгаа бол Иаков нас барахынхаа өмнө 12 хүүгээ дуудаж, хүү бүрийнхээ амьдралын талаар эш үзүүлдэг. Дараа нь Мосе арван хоёр хүүгийн удам болсон арван хоёр овгийг дуудаж , тэднийг ерөөдөг. Харин одоо амласан газар Израйлчуудыг дөчин жил удирдсан Иошуа нас барахаасаа өмнө тэдэнд эцсийн үгээ хэлж байна.

Түрүүчийн дугаарт бид Бурхан хэрхэн өөрийн ард түмэнд хоргодох хотыг байгуулах тухай заавар өгсөн тухай маш сонирхолтой хичээл үзсэн. Бурхан санаандгүйгээр бусдын амийг хөнөөсөн хүнд хоргодох газрыг хангаж өгч байсан нь үнэхээр мэргэн зохицуулалт байсан. Бас Христ бидний гэм нүглийн шийтгэлээс аврагдах хоргодох байр болдог. Өнөөдрийн хичээлээр бид Бурханд үйлчилдэг байсан тахилч нарын Леви овгийнхны тухай үзнэ.

Бид Иошуа номоор аялж байгаа бөгөөд өнгөрсөн дугаарт Израйлын долоон овгийнхон өөрт оногдсон газраа эзлэн авахад залхуу хойрго хандсан тухай ярьсан. Харин Иошуа тэднийг явж, өөрсдөд нь өгөгдсөн газар нутгийг эзэлж ав гэж хэлдэг. Бурхан бидэнд ч бас Христ дотор бүх сүнслэг ивээл ерөөлийг өгсөн. Харин бидэнд дайсан байгаа. Тэр дайсан бол Сатан юм. Гэвч итгэгч нар бид итгэлээрээ алхаж, тэр ивээлүүдийг өөрсдийн амьдралдаа оруулах боломжтой. Ингээд өнөөдрийнхөө хичээлээр Израилчуудын амласан газрыг хэрхэн авсан тухай түүхээ үргэлжлүүлэн үзэцгээе.

Түрүүчийн дугаарт бид итгэлээр амьдардаг ба амьдардаггүй хүмүүсийн хоорондох маш том ялгааг олж харсан. Итгэлээр амьдарч байсан Калеб Хеброн гэгч хүсэн мөрөөдөж байсан газар нутгаа шагнал болгон авсан. Тэр дөчин жил цөлд явж байхдаа хүртэл амласан газрыг дотроо харж, улам их залуужиж байсан. Харин итгэл алдарч, эргээд Египетийн боолчлол руугаа буцахыг хүсч байсан олон хүмүүс цөлд нас барсан тухай ярьсан. Тиймээс Калеб шиг бүх зүрхээрээ Бурханд итгэж найдан, Түүнийг дагах нь чухал юм. Өнөөдрийн хичээлээр бид Израилын овог аймгууд өөрт оногдсон нутгуудаа хэрхэн эзлэн авч байгаа тухай үзэх болно. Ингэхдээ тэдний хандлагаас болж ямар үр дүн гарч байгааг харнаа.

Өмнөх хичээлээр бид Иошуа амласан газрын хойд хэсэг рүү довтолж, таван хаадын нутгийг эзэлсэн тухай ярьсан. Эдгээр улсуудад Бурхан 420 жилийн турш гэмших боломжийг өгч байсан. Харин тэд Бурхан луу эргээгүйгээс болж тэдэн дээр шүүлт ирсэн. Мөн тэр хаадыг модон дээр дүүжилсний адилаар Христ бидний гэм нүглийг загалмай дээр үүрсэн гэж бид үзсэн. Тийм учраас Бурхан өнөөдөр ч бас хүн бүрт гэмшиж, Түүн рүү эргэх боломжийг өгч байгаа юм. Тэр бидэнд өөрийн авралыг өгсөн бөгөөд биднийг Түүнд хариу өгөхийг хүлээсээр байна. Тиймээс та өнөөдөр Бурхан руу хандаарай.

Иошуагийн тулалдсан дайсан бүр өнөөдрийн итгэгч бидэнд тулгардаг дайснуудыг ч бас төлөөлдөг байсныг та санаж байгаа байх. Иерихо хот энэ дэлхийг, Аи бидний махан биеийг ба Гибеончууд Сатаныг төлөөлж байсан. Тэгээд маш сонирхолтой нь диаволыг төлөөлж байгаа Гибеончууд их зальтай ажилласан байгаа. Харин тэдний заль мэхэнд Иошуа итгэж, Бурханаас ч асуулгүй тэдэнтэй энхийн гэрээ байгуулсан. Тийм учраас бид муу ёрын сүнсний заль мэхнээс болгоомжлох хэрэгтэй. Харин үүнийг хийхдээ Бурхантай ойр дотно байж, адгийн муу ёрын сүнсийг эсэргүүцэх ёстой гэж ярьсан. Өнөөдрийн хичээлээрээ бид үргэлжлүүлэн Иошуатай хамт Бурханы хүмүүс хэрхэн ивээгдэн урагшилж байгаа тухай харах болно.

Өнгөрсөн дугаараар бид Иошуа болон Израйлчууд Аи хэмээх жижигхэн хот руу дайрахдаа өөрсдийн хүч чадалд найдаж авч чадалгүй ялагдсан тухай үзсэн. Үүнийгээ ухаарсан Израйлчууд дараагийн удаа Бурханы үгийг сонсож, дайралт хийх үед энэ хотыг эзэлж авдаг. Тиймээс энэ хот нь бидний махан биеийг төлөөлдөг гэж ярьсан. Бидний махан бие бол бидний хамгийн том дайсан юм. Ингээд өнөөдрийн хичээлээр цаашаа үргэлжлүүлэн Израйлчууд Бурханы амласан газрыг хэрхэн эзэлж авч байгааг харцгаая.

Бид Иошуа номоор аялж байгаа бөгөөд бүх ялалт Бурханаас ирдэг тухай сурч байгаа. Иерихо хотын ханыг Израйлчууд Бурханы хэлсэн үгийг даган долоо тойрч, эвэр бүрээ үлээн, чангаар хашхирч нураасан тухай үзсэн. Энэ үнэхээр итгэмээргүй зүйл байсан. Израйлчууд Бурханы үгийг дагаж үйлдэхэд итгэл шаардлагатай байсан. Харин тэднийг итгэлээрээ дуулгавартай үйлдэхэд Бурхан Өөрөө ялалтыг өгсөн. Үүн шиг өнөөдөр бид Бурханы үгийг дагаж амьдрах юм бол Тэр бидэнд ялалтыг өгөхөд бэлэн байна. Харин бид итгэлээрээ үйлдэх үү үгүй юу гэдэгт асуудал байна. Өнөөдрийн дугаарт Бурханы үгийг дагаагүйсээ болж ямар хор хөнөөл амсаж байгаа тухай үзэх болно.