Паулыг хууль бусаар шоронд хоёр жил хорьсон тухай бид өмнөх бүлэгт үзсэн. Феликийн дараа Фест захирагчаар сонгогдож түүнийг залгамжилдаг. Өнгөрсөн хичээлийн эхэнд бид Паулыг Иерусалимын цайзын өмнө байхад Иудейчууд дайрч баривчлан, өөрсдийн шашны зөвлөлийн өмнө авчирч байгаа үйл явдлыг харсан. Тэгээд дараа нь түүнийг Феликийн өмнө аваачиж улмаар шоронд хорьдог. Паултай захирагч Фелик болон түүний эхнэр Друзил нар хувьчлан уулзаж ярилцсныг та сайн санаж байгаа байх. Мэдээж тэрэнтэй уулзах уулзалт үүгээр дуусаагүй нь ойлгомжтой. Одоо Паул шинээр томилогдсон захирагч Фестийн өмнө очих гэж байна. Дараа нь Агрип хааны өмнө очдог. Паулд энэ олон захирагч нартай уулзах нь амаргүй байсан нь лав. Түүнээс асар их тэсвэр тэвчээр гарч байсныг төсөөлөхөд ч бэрх санагдана. Гэхдээ тэр Ромын эрх мэдэлтнүүдэд Христийн тухай гэрчлэх болсондоо баяртай байсан гэдэгт итгэлтэй байна.

Өнөөдрийн үзэх 24-р бүлэгт тэргүүн тахилч Ананиа болон бусад ахлагчид Паулыг Феликийн өмнө буруутгахаар Иерусалимаас Кайсари луу яаран ирсэн байна. Хүмүүсийг хутган үймүүлж, самуун дэгдээж, сүмийг бузарласан хэмээн тэд тэрнийг буруутгадаг.

Өнөөдрийн үзэх бүлгээс эхлэн Паулын шоронд хоригдож байгаа түүх гардаг. Тэр захирагчдын өмнө очиж, өөрийн үйлчлэлийг хамгаалсан олон зүйлсийг тэдэнд ярих болно. Иудейчууд тэрнийг алахаар завдаж байсан тул Кайсарид аваачдаг. Тэр Кайсарид очоод хоёр жил шоронд хоригдон, эцэст нь яллагдахаар Ромд хүргэгддэг. Паулд сэрэмжлүүлэг өгч байхад Иерусалим руу явсан нь буруудсан юм гэж олон хүн маргалддаг тухай бид өмнөх дугаарт ярьж байсан. Паул баривчлагдаж, шоронд хоригдсон ч Бурханы хүсэл дотор байсан юм. Тун удахгүй бид Бурханы гар энэ хүний амьдралд хэрхэн хүрч ажиллаж байгааг харах болно.

Танд ирсэн сайнмэдээ ямар үнэ цэнтэй вэ? Энэ сайнмэдээ зүрхэнд тань нутагшин, таныг өөрчилж, улмаар дэлхийг өөрчилж байгаа. 2000 гаруй жилийн турш сайнмэдээ дэлхийгээр аялахдаа олон удаа ад үзэгдэж байсан. Энд тэндгүй хавчигдан, гадуурхагдан шахагдсан боловч огт зогссонгүй. Ямар ч саад бэрхшээл энэ сайн мэдээг зогсоогоогүй. Олон хүн зогсоох гэж оролдсон.Бидний гарт байгаа энэ библийг шатаасан цөөнгүй тохиолдол бий. Хэцүү адармаатай замыг туулах тусам сайн мэдээ хүн төрөлхтний итгэл найдвар болсоор ирлээ. Тийм учраас энэхүү радио хичээл танд зориулагдан хүрч байна. Элч Паул сайнмэдээг танд авчрахын тулд үхэхэд ч бэлэн байсныг бид харсан. Өнөөдрийн хичээлээр үргэлжлүүлэн бид элч нарын гайхамшигтай түүхийг судлах болно.

За өмнөх хичээлээр бид элч Паул гурван илгээлтийн аян хийсэн талаар үзсэн. Тэгвэл өнөөдрийн судлах бүлэгт тэр ялалтын баяр хөөрөөр дүүрэн Иерусалим руу эргэн ирэх болно. Харин энэ замд Паулд маш их сэрэмжлүүлэг өгөгддөг. Иерусалимд очиход нь маш их гай зовлон хүлээж байгааг тэр өөрөө мэдэж байсан. 20-р бүлгийн төгсгөлд Паул, Ефесийн итгэгч нартай Милетэд нулимс дуслуулан уулзсан тухай гарсан. Тэд тэрний царайг дахин харахгүй байх гэсэн бодлын улмаас зүрх нь эмтэрч, чангаар уйлалдсан юм. Паул болон эдгээр итгэгчидэд бие биеэ гэсэн хайр байсан нь итгэлээр нэгдэн үйлчилдэг бүх хүмүүст байх ёстой чанар гэж би хувьдаа боддог. За ингээд Үйлс номын 21-р бүлгийн 1-2р ишлэлд анхаарлаа хандуулцгаая.

Паул болон түүний хамтрагч нар Ромын эзэнт гүрэн даяар сайн мэдээг тараасан. Тэдэнд янз бүрийн саад бэрхшээл учирч байсан боловч сайн мэдээг бүх газарт, боломж бүрийг ашиглан тараах зорилгоосоо тэд огт буцаагүй юм. Тэгвэл өнөөдөр танд Христийн тухай хуваалцахад ямар саад бэрхшээл гарч байна вэ?

Бид “Үйлс” номоор дамжуулан сайн мэдээг зарим хүмүүс баяртайгаар хүлээн авч, шинэ амьдралтай болж байгаа тухай. Бас зарим хүмүүс, ялангуяа шашны удирдагчид Сайн мэдээнд маш их дургүйцэн эсэргүүцэж байгаа тухай уншиж судалсаар байгаа. Бурхан бүх хүн төрөлхтнийг аврахын тулд Хүүгээ өгсөн боловч Түүнд ямар хариу өгөх нь зөвхөн хувь хүний сонголт байдаг. Бид эцэг эхээ сонгож мэндэлдэггүй хэрнээ, Бурханд итгэх итгэхгүйгээ, Түүнийг хүлээн авч гэмээс аврагдах үгүйгээ өөрөө шийддэг. 

Бид Үйлс номоор аялсаар байгаа. Энэ удаад Паулын илгээлтийн аянаар дамжуулан анх сайн мэдээ дэлхийд хэрхэн тархсан тухай сурч байна. Паул сайн мэдээг тараахад бүх амьдралаа зориулсан хүн болохыг сонсож мэдснээр та ч бас түүн шиг Бурханыг гэрчилж амьдрах урам зоригтой болж байгаа гэдэгт итгэж байна. Түүний амьдралын цорын ганц зорилго нь үнэхээр Сайн мэдээ байсан. Харин өнөөдөр таны амьдралын зорилго юу вэ? Таны ажил, амьдралын зорилгод сайн мэдээ ямар байр суурийг эзэлдэг вэ? гэдгийг эргэцүүлэнгээ Паулын дараагийн илгээлтийн ажил Коринт хотноо хэрхэн үргэлжлэхийг харцгаая.

Бурханыг таньж мэдэх нь дэлхийн бүх мэргэн ухаанаас илүү агуу зүйл юм. Хүмүүс бид өөрсдийгөө мэдлэгтэй гэж бодох боловч Бурханыг таньж мэдээгүй бол таг сохор гэсэн үг. Тиймээс, өнөөдрийн үзэх хичээлээр Бурханыг гэрчилж яваа Паул өмнө нь яг л ийм байсан. Тэрээр бусдаас илүүтэйгээр Христийг үзэн яддаг, Христэд итгэгчидтэй ширүүнээр тэмцэлддэг нөхөр байсан. Гэтэл одоо тэрээр гэм нүгэлтэй хэн ч байсан Христэд итгэж болохыг бодитоор, өөрийн амьдралаар гэрчлэн амьдрагч нэгэн болсон тухай үзэх болно. Тэрээр гэм нүгэлтэй хэн ч байлаа гэсэн үүнийгээ Бурханы өмнө гэмшиж, Түүнд итгэн дуулгавартайгаар амьдарч болдгийг үлгэрлэж чадсан хүн юм. Одоо ч гэсэн итгэгч бидэнд энэхүү сануулгаа өгсөөр байна. Үнэхээр Бурханы өмнө гэм нүглээ хүлээн гэмшиж, Есүс Христийг таньж мэднэ гэдэг мөнхийн амьтай болж байгаа хэрэг юм. Надад итгэсэн хүн хэзээ ч цангахгүй гэж Есүс хэлсэн шүү дээ. Ингээд хиймэл бурхадаар дүүрэн, мэдлэгийг чухал болгосон Афин хотын гүн ухаантнуудад Бурханыг гэрчлэн ярих Паулын гэрчлэлийг сонсъё

Өмнөх хичээлээс бид Паул Филиппойд сайн мэдээ тунхаглаж байгаад шоронд хоригдсон тухай үзсэн. Паул сайн мэдээний төлөө хавчигдаж, гав гинжэнд дөнгөлөгдсөн байхдаа ч Бурханыг магтаж байсан нь үнэхээр гайхамшигтай. Тиймээс тэр үед түүний гав гинж тасардаг. Тэрээр Бурханыг эсэргүүцэгч байснаа Бурханд итгэгч болж өөрчлөгдсөн нь олон хүнд үлгэр дууриал болж, урам зориг өгсөн юм. Бурханыг магтаж, Түүний оршихуйд байхад хүч чадал хэзээд оршдог болохыг бид эндээс харж, түүн шиг үйлдэгчид болох нь зөв юм. Тиймээс та өдөр бүр Бурханыг магтаж, Эзэний оршихуйд байх цагийг гаргаарай. Энэ нь таны хүч чадлын эх булаг байх болно. Тэгээд ч зогсохгүй Таны чин шударга итгэлээр дамжин олон хүн Бурхан руу ирж аврагдах болно. Ингээд хамтдаа Паулын Афин дахь сайн мэдээний сонирхолтой түүхийг уншиж судална