Үйлс номоор дамжуулан та сайн мэдээний утга учрыг улам гүнзгий ойлгож байгаа гэдэгт бид итгэлтэй байна. Өмнөх дугаарт бид Бурханы нэрийн төлөө Түүнд зориулагдсан хүмүүсийг бүх үндэстэн дотроос авах ньэнэ үеийнхэнд зориулсан Бурханы төлөвлөгөө болохыг нарийвчлан үзэж судалсан. Орчлон ертөнцийг бүтээгч бидний Бурхан Эцэг харь үндэстэн дундаас Өөрийн ард түмэн болох хүмүүсийг сонгох хүсэлтэй байдаг. Тиймээс Түүний Үг дэлхий даяар тархах нь маш чухал юм. Бурханы сайнмэдээг харь үндэстнүүдэд тунхагласан үе үеийн итгэгчид маш их эсэргүүцэл хавчлага, доромжлол, зовлон зүдгүүрийг амсаж байсан хэдий ч Түүний Үгийг баяртайгаар тарааж байжээ. Бид энэ түүхийг өнөөдөр үргэлжлүүлэн судлах болно. Харин энэхүү радио хичээлээр дамжуулж бидний хайртай Эзэн Бурханы Үг, олон газарт хүрч, нэгэн зэрэг тунхаглагдаж байгаад би маш их баяртай байна. Бурханы үгийг сонссон хүн бүр тэр дариудаа Түүнд итгэдэггүй. Тэдгээр хүмүүст тодорхой хугацаа шаардагддаг гэдгийг христэд итгэгчид бид сайн мэднэ. Гэхдээ Тэрээр итгэсэн хүн бүрийг өөрийн ард түмэн болгохдоо тааламжтай байх болно. Бурхан Өөрийн нэрийн төлөө дуудагдсан ард түмнийг та биднээр дамжуулан бий болгож байна. Тиймээс Бурханы үгийг дамжуулагчид байцгаая хэмээн уриалаад Жаргал багшийнхаа хичээлд анхаарлаа хандуулъя.

Бурханы аврал зөвхөн итгэлээр дамжуулан өгөгддөг тухай бид өнгөрсөн хичээлээр үзсэн. Түүнчлэн сүмд гарч байгаа анхны асуудлыг шийдвэрлэсэн маш ширүүн маргаан дунд зөв гарц, мэргэн шийдвэрийг гаргаж байгаа Бурханд хайртай итгэгчдийг харсан. Тэдний шулуун зоригтой үг, Бурханы төлөөх гал халуун сэтгэл өнөө цагийн сүм чуулгануудад аливаа асуудлыг шийдэхэд маш сайн хичээл болсон гэдэгт итгэлтэй байна. Ер нь сүмд шийдвэрлэхэд амаргүй асуудлууд олон гардаг. Харин бид Их Эзэн Есүс Христийг амьдралынхаа төв хэсэгт үргэлж байлгаснаар энэ бүхнийг эерэг бөгөөд Түүний доторх өсөлт хөгжлийн тулгуур болгох бүрэн боломжтой юм. Учир нь Түүнийг амьдралдаа урин оруулсанаар Тэрээр таны амьдралын бүх нөхцөл байдал, асуудал бүрт туслан, Өөрөө удирдан жолоодох болно. Өмнөх дугаарт олон харь үндэстэн сайн мэдээнд итгэж аврагдаж байсныг харсан зарим Иудейчууд тэднийг хууль сахих ёстой хэмээн шаардаж, төөрөлдүүлж байсныг та санаж байгаа байх. Өнөөдөр ч гэсэн бидний итгэлийн амьдралд иудейчүүд шиг хүмүүс орж ирэн төөрөлдүүлэх оролдлогыг хийсээр байдаг. Харин ийм үед бид өөрсдийгөө сайн мэдээнээс холдуулах ямар нэг хуурамч хууль дүрмээс хамгаалах ёстой гэдгийг Жаргал багшийн хичээлээс сайтар ойлгож авсандаа баяртай байна. Тиймээ, зөвхөн Есүс Христтэй ойр дотны харилцаатай байж л бид Бурханы үгийн дагуу амьдарч чадна.

За өнөөдөр бид Үйлс номын 15р бүлгийн 1-12р ишлэл хүртэл судлах болно. Эдгээр ишлэлээс бид Паул, Барнаб нарын анхны илгээлтийн аян дуусч, Галат аймагт зөвхөн харь үндэстнээс бүрдсэн сүмүүд бий болж тэдэнд анхны асуудлууд гарч байгааг харах болно. Тэгэхээр Есүст итгэсэн олон еврей итгэгч нар фарисайчууд байсан учраас Мосегийн хуулийг дагах сонирхолтой байсан. Тэд харь үндэстнүүдийг ч бас Мосегийн хуулийг дагах ёстой гэж боддог байжээ. Энэ байдал бүүр даамжирч, тэд харь үндэстнүүдийг хозлуулахаас нааш аврагдахгүй гэж үзэж байлаа. Гэтэл энэ тухай маргаан зөрчилдөөн Иерусалимын сүмийн сонорт хүрдэг. Ингээд элч нар энэ асуудлыг шийдвэрлэх хэрэгтэй болсон

За өнөөдөр бид Үйлс номын арвандөрөвдүгээр бүлэгийн 1-28р ишлэл хүртэл судлах болно. Энэ бүлэгт Паул, Барнаб хоёр илгээлтийн аянаа үргэлжилүүлж, улмаар Галатын хуурамч шүтээнүүдтэй нүүр тулгарч байгаа талаар гардаг. Магадгүй бидэнд Галатын хуурамч шүтээн шүтэх явдал нь сайн мэдээг хүлээж авах ямар ч боломжгүй юм шиг санагдах болно. Миний бодлоор Галат бол Паулын илгээлтийн хамгийн хүнд газар байсан. Учир нь Паулын бичсэн захидлуудаас Галатчуудад бичсэн нь хамгийн хатуу захиа байдаг.

Бидний Бурхан Өөрийн агуу ажлыг хэн нэгнээр дамжуулан хийдэг. Тэр хэн нэгнээр дамжуулан хүн төрөлхтөний түүхэнд сэргэн мандалтыг үеэс үед, цагаас цагт, жилээс жилд авчирсаар байгаад талархая. Ингээд бид Үйлс номын төгсгөл хэсэгт ирж байна. Энд Есүс Эзэн элч нараараа дамжуулан дэлхийн хязгаар хүртэл ажиллаж байгаа тухай гарна.

Бурхантай ойр дотно алхаж байгаа хүмүүс Түүний ер бусын хүч чадлаар дүүрэн байдгийг Үйлс ном бидэнд гэрчилсээр байна. Өмнөх хичээлээр бид Бурхан харь үндэстнүүдэд итгэлийн ажлыг хэрхэн хийж байгаа гайхалтай түүхийг үзсэн. Энэ бол Сайн мэдээ дэлхийгээр дүүрэн болохын эхлэл байсан юм. Тиймээс ч өнөөдөр Монголчууд бид Бурханы тухай үнэнийг дуулж мэдэж, Түүний үгийг сонсох боломжтой болсон. Бас Бурханд итгэж, өөрөө гэмээс аврагдахаас гадна итгэлгүйгээр төөрч будилж яваа бусдад Итгэгч хүний хувиар үлгэр дууриал болох үүргийг Бурхан бидэнд өгсөн. Тиймээс Ариун Сүнсээр өдөр бүр дүүрч, мөнхийн улсын үүд хаалгыг бусдад нээж өгөх боломж бидэнд байна. Өнөөдөр та Ариун Сүнстэй хамтран ажиллаж, хэн нэгнийг Бурхантай ойртуулах үрийг заавал тариарай. Юу тарина, түүнийгээ хураадаг гэдэг. Та Бурханы үр жимсийг, Түүний үгийн дагуу даруугаар амьдарч, түүний сайн мэдээг олон хүнд тарааж чадвал тэр Эзэний үр жимс байх болно. Энэ бол Бурханаас бидэнд өгөгдсөн мөнхийн амь юм.

Энэ удаад бид Үйлс номтой танилцаж, дэлхийн түүхэнд анх Христийн бие болох сүм хэрхэн төрсөн тухай түүхийг үргэлжлүүлэн үзсээр байна. Сүм чуулган үүсэхээс гадна Бурханы Ариун Сүнсний хүчээр олон хүн бусдад Эзэнийг гэрчилж, олон олон итгэгчид төрсөөр байгаа гайхалтай үйл явдлууд болсоор байна. Түрүүчийн дугаарт бид харь үндэстэн Корнел Христэд итгэж, дахин төрөн, Бурханы Ариун Сүнсээр хэрхэн дүүрч байгааг харсан. Энэ бол Бурханы агуу хайрыг гэрчилсэн түүх юм. Түүний хайрын сайн мэдээ бүх дэлхий, бүх хүнд зориулагдсан гэдгийг Үйлс ном бидэнд тунхаглаж байна. Тэр өнөөдөр сонсогч таныг ч Өөр лүүгээ ирэн, аврагдахыг хүсч байгаа. Мэдээж Сайн мэдээг тарааж, олон хүнд хүрэх ажил саад бартаа, хэцүү асуудлуудтай олон удаа тулгарна. Тиймээс одоо үзэх үйл явдалд ч бас энэ бүхнийг танд ойлгуулахыг зорьсон. Анхы сүм чуулган босгон байгуулахад, олон хүнийг Бурхан руу авчрахад маш их тусламж, Бурханы гар сунгалтууд хэрэгтэй байсан. Одоо ч бас тийм л байгаа. Тэгэхээр та одоо өгөх Бурханы үг, Түүний сургаалаас урам зориг, эрч хүчийг авч, Ариун Сүнсээр бусдыг хөтлөн дагуулаасай гэж хүсэж байна.

Бид өмнөх дугаарт Тарсын Саулын Бурханд итгэсэн тухай сонирхолтой түүхийг үзсэн. Тэр Бурханд итгэснээр Есүсийн дайсан байхаа больж, Түүний төлөө хамгийн их зүтгэсэн, мөн хамгийн их хавчлагыг үзсэн элч болсон. Бурхан ямар ч хүнийг өөрчилж чаддгийг Саулын амьдрал бидэнд гэрчилж байна. Мөн Бурхан харь үндэстэн Петрээр дамжуулан ямар олон хүнийг аврал руу дуудсан тухай ч хугасхан ч гэсэн өмнөх хичээлээс сонссон. Тэгвэл өнөөдөр бид Еврей биш харь үндэстэн хүн Петр Бурхан дээр ирж байгаа тухай үзэх гэж байна. Энэ бол дэлхийн бүх үндэстэнд Бурханы сайн мэдээ хүрч эхэлсний эхлэл юм. Тиймээс өнөөдөр бид Христэд итгэгчдийн бас нэгэн сонирхолтой түүхийг үзэх гэж байна.

Бид Үйлс номоор аялж, анхны Христэд итгэгчдийн сайхан түүхийг үзэж байна. Анхны сүмийн итгэгчдийн хамгийн дотны анд Ариун Сүнс байсан. Ариун Сүнсээр итгэгчдийг удирдан, тэднээр дамжуулан олон газарт ажиллаж, олон хүнийг Бурхан дээр авчирсан нь агуу гайхамшигт түүх юм. Үүний нэг жишээ Этиопын хатан хааны сан хөмрөгийг хариуцагч тайган итгэсэн тухай түүх юм. Харин одоо бас нэгэн хүний Бурханд итгэсэн түүхийг үзэх болно. Сүм чуулган бий болсноор Христэд итгэдэггүй гэм нүгэлдээ хөтлөгдөн явж байгаа олон хүн Бурханд итгэж, Түүнийг алдаршуулан амьдарч байна. Бурхан хүмүүс биднээр дамжуулан итгэлийн үр жимсээ хураан авч байгаа нь үнэхээр гайхалтай. Тиймээ, Ариун Сүнсний ажил өнөөдөр ч бидний дунд үргэлжилж байгаа. Тэр өнөөдөр танаар дамжуулан ажиллахыг хүсч байна. Та Түүнийг хамгийн дотны анд нөхрөө болгоорой.

Өнгөрсөн хичээлээр бид Ариун Сүнсээр удирдуулах нь хэр чухал болохыг үзсэн. Хүнийг Христ дээр авчрахын тулд Бурханаас залбирч, тэр хүнтэй уулзахаасаа ч өмнө Ариун Сүнсээр хөтлөгдөх тухай ярьсан. Тэгэхээр яг одоо ч гэсэн Ариун Сүнс таны амьдралын бүх хэсэгт ажиллахыг хүсч байгаа. Гэтэл бид Түүнийг сонсож, Түүгээр удирдуулж сурахгүй бол олон зүйлсийг өөрсдийн санаагаар, үр дүн багатай хийх болно. Харин Бурханы Ариун Сүнсээр удирдуулах үед таны амьдралд үр жимс дүүрэн байхыг та харна. Учир нь Эзэн бидний зүрх сэтгэлийн хэн нэгэн хэзээ ч нөхөж чадахгүй хоосон орон зайг, цангааг тайлдаг. Магадгүй Бурхан таныг гуйгаагүй байхад тэрхүү орон зайг нөхөх ямар нэг зүйлийг танд өгдөг. Бас таныг Өөрийнхөө дуу хоолойг сайн сонсогч байхыг Бурхан хүсдэг. Амьдралдаа тохиолдсон олон асуудлууддаа бүдэрч унаж, эргээд тэмүүлж босож явахдаа л та бид Бурханыг санаж, сэтгэлдээ дуудалгүй үргэлж Түүний үгийн дагуу дуулгавартай амьдрагч байхыг хүсдэг.  Тиймээс та өнөөдөр Бурханы илгээсэн Ариун Сүнсийг анхааран сонс. Тэгээд Түүнийг дагаарай. Учир нь Бурхан бидэнд өнөөдрийн хичээлээр дамжуулан энэ бүгдийг ухаж ойлгуулах болно.