Өнгөрсөн дугаарт Бурханд итгэх итгэлээсээ болж, олон хүнд чулуугаар шидүүлж амиа алдсан Стефан гэгч залуугийн сайн мэдээний хүчирхэг тунхаглалыг харсан. Тэр бол элч биш, эгэл жирийн итгэгч, чуулганы туслагч хүн байсан нь миний хувьд үнэхээр их гүн сэтгэгдлийг төрүүлж чадсан. Бид энэ залуугийн амиа өргөж байгаа тэрхүү гайхамшигтай итгэл хэрхэн бүрэлдэн тогтсоныг эрж хайх хэрэгтэй юм. Улангассан олон хүнд чулуугаар шидүүлж байхдаа Стефаны царай тэнгэр элч шиг болж, энэ хорвоог орхихдоо зүгээр л нойрсдог. Тэр бол өөрийнхөө амийг сайн мэдээний төлөө зориулсан анхны итгэгч хүн. Тиймээс би таниас асууя! Таны сайн мэдээнд итгэсний эцсийн зорилго юу вэ? Яг одоо би энэ асуултыг зөвхөн таниас биш өөрөөсөө ч бас асууж байна. Стефан өөрийнхөө итгэлийн амьдралыг хэний төлөө, юуны төлөө, ямар зорилгын төлөө зориулж байгаагаа мэдэж байсан хүн. Бид ч бас түүн шиг зорилгоо мэдэж, Бурхантай ойр байх нь чухал юм. Учир нь Бурхантай ойр байх нь юунаас ч илүү агуу гайхамшиг болохыг бид энэхүү бүлгээс харж чадсан билээ. Тиймээ, Бурхан таны амьдралын бүх хэсэгт ажиллаж, танаар дамжуулан энэ дэлхийд Өөрийн гайхамшигт хайрыг харуулахыг хүсдэг Нэгэн юм

Өнгөрсөн хичээлээр бид анхны сүмийнхний дунд гомдол хагарал үүсч, энэ асуудлыг шийдэхийн тулд элч нар Ариун Сүнс болон мэргэн ухаанаар дүүрэн долоон ахлагчийг томилсон тухай үзсэн. Үг болон залбиралд өөрсдийгөө зориулж эхэлсэн элч нар тэдгээр долоон туслагчдыг Эзэний нэр дээр гар тавин томилж, хүлээн авсан юм. Бид эндээс анхны чуулганы өсөлтийн гол зангилааг харсан. Дараа нь чуулган өсөж, дагадагчдын тоо үлэмж ихээр нэмэгдсэн. Бурханы үг маш хүчтэйгээр түгэн тархаж байгаа үйл явдлууд ар араасаа өрнөж эхэлсэн нь миний хувьд үнэхээр гайхамшигтай байлаа. Тэгэхээр анхны чуулган сул дорой хүмүүсийг хайрласан учраас, зохион байгуулалтыг зөв хийсэн учраас тэсрэлт болж улмаар өссөн явдал нь өнөөгийн сүм чуулган, Христэд итгэгчидэд агуу хичээл болсон гэдэгт би итгэлтэй байна. Бурхантай ойр хүнээс Түүний хүч чадал бас гардаг. Энэ үг танд хэр ойр байж, урам зориг хүч чадлыг өгч чаддаг вэ? Хэрвээ эргэлзээ тээнгэлзэл дунд байгаа бол та өнөөдрийн хичээлээр элч нарын гар тавин томилсон долоон ахлагчдын нэг, итгэлээр дүүрэн Стефантай уулзах хэрэгтэй. Тэр бол Бурхантай үнэхээр ойр дотно төдийгүй итгэлээр дүүрэн нэгэн. Тэрээр агуу гайхамшгуудыг үйлдэж байсан нь Бурхантай ойр байсан учраас юм. Бурханыг таньж, Түүний зүрх сэтгэлийг мэднэ гэдэг гайхамшиг үйлдэхээс ч илүү агуу зүйл байдаг. Тиймээс сонсогч та өөрийн амьдралдаа юунаас ч илүү Бурхан луу ойртохыг хүсэн тэмүүлээрэй.

За өнгөрсөн хичээл дээр бид сүмд асуудал гарч эхэлсэн талаар нилээд нухацтай ярилцсан. Тэгвэл энэ бүлэгт асуудал мөн үргэлжилж байгааг харах болно. Ананиа, Сапфир хоёр аврагдсан итгэгчид байсан боловч Ариун Сүнсэнд худлаа ярьснаар итгэгчдийн дунд байх боломжгүй болж, маш эмгэнэлтэйгээр амьдрал нь дууссан. Харин энэ бүлэгт өөр асуудлаас болж сүмд ахлагчдыг томилж байгаа тухай гарна. Тэдгээр ахлагчдын нэг нь Стефан гэгч хүн байсан. Одоо энэ хүнийг баривчилж, шүүхэд өгч байгааг бид харах гэж байна.

Өнөөдөр бид Үйлс номын 5-р бүлгийг судлах болно. За харин өнгөрсөн дугаараас би таныг Есүсийн дагалдагчдийн эр зориг болоод гайхамшигтай гэрчлэлүүдийг сонсож, урам авсан гэдэгт итгэлтэй байна. Ер нь анхны итгэгчдийн амьдралаас суралцаж байгаа бүхэн бидэнд маш их ивээл, мөн шинээр суралцах зүйлсийг ойлгуулан өгөх болно гэдгийг танд хэлье. Миний сэтгэлийг тун их хөдөлгөсөн нэг зүйл бол  “Үйлс” номын 4-р бүлгийн 32-37 ишлэлд бичигдсэн ер бусын гэмээр зүйлс байлаа.  Эзэн Есүст итгэсэн тэдгээр хүмүүс нэг зүрх, нэг сэтгэлтэй цугларч байсан төдийгүй тэдний хэн нь ч өөртөө байсан эд хөрөнгө, эзэмшиж байсан зүйлээ минийх хэмээн өмчлөлгүй, бүх зүйлээ хамтдаа хуваалцан хэрэглэж байсан тухай гарсан. Энэ бол Бурханы хүүхдүүд болсон итгэгчид бидэнд үнэхээр том хичээл болсон гэж бодож байна. Эзэний үйлчлэлд бид Барнаб шиг харамын сэтгэлгүйгээр, зүрхний жинхэнэ талархалтайгаар өргөж суръя. Энэ бол чуулганы маш чухал үйлчлэл гэдгийг та өмнөх хичээлээс илүүтэй ухаарч суралцсан бизээ.

Энэ бүлэгт Петрийн заасан хоёрдах сургаалын үр дүнд юу болсон тухай гардаг. Хоёрдугаар бүлэгт тэдний тоо 3120-д хүрсэн бол энд дөрөвдүгээр бүлэгт итгэгчдийн тоо 5000 д хүрэх болно. Энэ бол жинхэнэ тэсрэлт, сайн мэдээний хүч чадал, гайхамшиг юм. Түүнчлэн сайн мэдээ хүний амьдралд орсноор жинхэнэ гайхамшиг биелэлээ олж байгааг харуулсан гэрчлэл болж байна. Энэ гайхамшигтай үйл явдлын дараа элч нарыг баривчилж, шоронд хийдэг. Мэдээж энэ нь Садукайчуудын өдөөн хатгалга байсан юм. Учир нь тэд Есүс Христийг дахин амилсан тухай ярьж байлаа.

Бид Есүс итгэгчдийн сүм анх хэрхэн үүссэн тухай гайхалтай түүхийг үзэж байгаа. Бурхан Пентекостын өдөр Ариун Сүнсийг асган, итгэгч хүн бүрийн дотор Ариун Сүнс орших болсон. Ариун Сүнс итгэгчдэд үйлчлэлийн төлөөх авьяас билиг, гайхамшгийг үйлдэх хүчийг өгч байсан. Сүм анх Иерусалимд, Бурханд итгэсэн Израйлчуудаас эхэлсэн гэж бид үзсэн. Ингээд түүх цаашид хэрхэн үргэлжлэхийг харцгаая.

Өнгөрсөн дугаарт бид Ариун Сүнс хүчит хуй салхи мэт газарт бууж ирсэн тухай үзсэн. Та Есүс Христэд итгэсэн бол Ариун Сүнсний бэлгийг авсан ба Эзэн та биднийг өдөр бүр Ариун Сүнсээр дүүрэхийг тушаасан. Есүс хэлэхдээ “надад итгэсэн хүнээс амийн гол урсах болно” гэсэн. Энэ бол Ариун Сүнс танаар дамжуулан бусдад эдгэрэл, найдвар, мөнхийн амийг авчрах тухай юм. 

Бид Үйлс номыг үзэж эхлээд, Ариун Сүнсний амлалт, гайхамшигтай ажлын тухай сурч байна. Ариун Сүнс бол Бурханы агуу хүч, Түүний бидэнд өгсөн агуу бэлэг мөн. Тэр биднийг хэзээ ч орхихгүй, үргэлж дэргэд минь байх болно. Тэр та бидний зүрхний нууцуудыг мэдэгч дотны анд, Туслах юм. Ингээд Түүний тухай үргэлжлүүлэн сурцгаая. 

Бид өнгөрсөн хичээлээс эхлэн Бурханы хаанчлалын гайхалтай адал явдлуудыг өгүүлэх Үйлс номыг судалж эхэлсэн. Энэ ном төгсгөлгүй бөгөөд өнөөдөр та бидний үйлчлэлээр үргэлжилж байгаа юм. Тиймээс Бурханы төлөө амьдарч байгаа сонсогч та ч бас Үйлс номын нэг хэсэг мөн!

Үйлс номыг тавдах сайн мэдээний ном гэдэг ба энэ ном нь Лукийн сайн мэдээний үргэлжлэл юм. Үйлс ном маш олон талын ач холбогдолтой. Энэ ном сайн мэдээ болон элч нарын бичсэн захидлуудыг холбогч гүүр болдог. Шинэ гэрээ Үйлс номгүй байсан бол маш том зүйл дутагдах байсан. Энэ ном бол Шинэ гэрээний хувьд орлуулашгүй чухал юм.