““Энэ хүн хэр их эд хөрөнгөтэй хүн бэ?” гэж энэ дэлхий асуудаг. Харин “Энэ хүн эд хөрөнгөө юунд зориулсан бэ?” гэж Христ асуудаг” хэмээн нэгэн алдартай пастор хэлсэн байдаг. Олон итгэгч хүмүүсийн хувьд эд баялаг гэдэг маш онцгой чуахл сэдэв байсаар ирсэн. Зарим итгэгчид эд хөрөнгө гэдэг биднийг бүдрүүлэх чулуу хэмээн үздэг бол зарим итгэгчид эд хөрөнгө гэдэг Бурханыг алдаршуулах хэрэгсэл гэж үздэг. Гэхдээ аман дээрээ хүн юу ч гэж хэлж байлаа гэсэн тэр хүний зүрх сэтгэлд эд хөрөнгө нь ямар байр суурь эзэлж байна вэ гэдэг хамгийн чухал юм. ЧикФилА сүлжээ рестораны үүсгэн байгуулагч Трует Кати хэлэхдээ “Мөнгөтэй байж болноо. Гэхдээ мөнгөө зүрхэндээ биш түрийвчиндээ байлгаарай” гэж хэлсэн байдаг. Өнөөдөр бид Лук номын 16-р бүлгээс эд баялагт хандах энэ дэлхийн хандлага болон эд баялагт хандах Есүс Христийн хандлага хоёрыг харьцуулан авч үзэх болно. Үүнийг бидэнд ойлгуулахын тулд Есүс нэгэн сонирхолтой сургаалт үлгэрийг ярьсан байдаг. Ингээд хамтдаа тэрхүү сонирхолтой сургаалт үлгэрийг тайлбарлаж өгөх багшийн хичээлд анхаарлаа хандуулцгаая.

Өөрөөс нь төөрөөд одчихсон, гэм нүгэлтэй хутгалдаад яваад өгсөн тэр хүүгээ Бурхан Эцэг хэрхэн хүлээдэг юм болоо? Өөрийнх зүрхийг шархлуулж явж явж ирсэн тэр хүүгээ ороод ирэхэд нь хэрхэн хүлээж авдаг юм болоо? Бурхан тэр хүүгээ шийтгэдэг юм болов уу? Савааддаг юм болов уу? Эсвэл хайрлан тэвэрдэг юм болов уу? Итгэгч бидний хувьд Бурхан Эцэгээсээ холдчихсон юм шиг, гэм нүглээсээ болоод Бурхантай дахиад эвлэрэх нүүргүй болчихсон юм шиг санагдах үе цөөнгүй байдаг. Хэрэв танд яг одоо тийм мэдрэмж төрж байгаа бол та өнөөдрийн хичээлийг заавал сонсоорой. Бурхан Эцэг таныг хэрхэн хүлээж авахыг өнөөдрийн энэ хичээл яруу тодоор харуулах болно.

Өнөөдөр бид эрх мэдлийн төлөө, бусдын дээр гарахын төлөө улайран зүтгэдэг тэр нийгэмд амьдарч байна. Хүмүүс үүний төлөө юугаа ч өгөхөөс буцахгүй болсон мэт заримдаа бидэнд санагддаг. Харин Эзэн Есүс бидэнд амьдралын нэгэн гайхалтай зарчимыг зааж үлдээсэн. Чухамдаа энэ л зарчимыг бид энэ өдрийн хичээлээрээ үзэх болно. Эзэн Есүс айлдахдаа “өөрийгөө өргөмжилдөг бүгд номхруулагдаж, харин өөрийгөө даруу байлгагсад өргөмжлөгдөнө” гэсэн байдаг билээ.

Хүний амьдралд аливаа асуудал, гай зовлон нүүрлэх үед Христэд итгэгч хүмүүс түүнийг гэм нүглийн шийтгэл гэж харах нь элбэг. Үл итгэгч хүмүүс ч бас хийсэн үйлийн үр хэмээн хүлээж авдаг. Бусдын амьдралд тохиолдсон зүйлсийг хараад хөндлөнгөөс нь дүгнэх амархан.

Гэхдээ тэр бүхэн үнэхээр тухайн хүний амьдралд байгаа гэм нүглийн шийтгэл үү? эсвэл тэр зовлонгийн цаана Бурханд өөр илүү агуу зорилго байна уу гэдгийг бид тэр бүр олж харж чаддаггүй. Өнөөдрийн бидний үзэх Лук 13-р бүлгийн эхэнд Есүс чухамдаа энэ л сэдвийг хөндсөн юм. Та ч бас энэхүү асуултын хариултыг олж мэдэхийг хүсвэл Лук номын 13-р бүлгээр бэлтгэсэн өнөөдрийн хичээлд анхаарлаа хандуулаарай.

Эзэн биднийг Фарисайчууд шиг 2 нүүртэй байгаасай гэж хүсдэггүй. Эзэн дахин ирэх хүртэл бид итгэмжтэйгээр хүлээх ёстой. Энэ дэлхий дээр бид Есүсийн нэрээс болж хавчигдан гадуурхагдаж болох ч Есүс удахгүй ирнэ гэсэн тэр л итгэлээр бид тэвчээртэй, урам зоригтой амьдрах ёстой.

Олон итгэгчид итгэлийн амьдралд залбирал ямар чухал болохыг сайн мэддэг ч тэр бүр хэрхэн залбирахаа мэддэггүй. Нөгөөтэйгүүр бидний залбирлыг сонсож байгаа тэр Бурхан бидний залбиралд хэрхэн ханддаг вэ гэдгийг мэддэггүй итгэгчид түүнээс ч олон байдаг юм шиг санагддаг. Тэгвэл өнөөдрийн энэ цагт Лук номын 11-р бүлгээр дамжуулан Эзэн Есүс бидэнд хэрхэн залбирах ёстой вэ гэдгийг заах болно. Мөн хамгийн чухал нь бидний залбирлыг сонсож хариулдаг тэр Бурхан бидний залбиралд хэрхэн ханддаг вэ гэдгийг бид энэ хичээлээс сурч авах болно.

Хүн төрөлхтөнд Эзэн Есүсийн тусламж хэрэгтэй. Энэ дэлхийн шашин шүтлэг, үзэл бодол, зан үйл өөр ямар ч үзэл баримтлалд Эзэн Есүс шиг аврах хүч чадал байхгүй. Эцэж туйлдсан бол, ядарсан бол, түүртсэн бол Есүс дээр ирж, Түүний хөлд суугаарай.

Энэ өдөр бид хамтдаа Лук номын 9-р бүлгээс үзэцгээх болно. Ингээд Лук 9:1-г гаргаагаая.

Есүс арван хоёроо цугт нь дуудаад, өвчнийг эдгээх болон бүх чөтгөрөөс дээгүүрх хүч, эрх мэдлийг тэдэнд өгчээ. (Лук 9:1)

Эзэн Есүс энэ дэлхийн дээр байх хугацаандаа элч нартаа эдгээх бэлэг авъяасыг өгсөн байна. Гэхдээ энэ бэлэг авъяас нь “тэмдэг” болох ёстой бэлэг авъяас байсан юм. Ингэснээрээ элч нар өөрсдийнхөө тунхаглаж байгаа бүхэн нь үнэн болохыг, тэд өөрсдөө үнэхээр Бурханаас илгээгдсэн элч нар мөн болохыг батлах ёстой байсан юм.

Өөр дээр нь даруугаар, гэм нүглээ гэмшин ирсэн хэнийг ч Бурхан уучлахад бэлэн байдаг. Есүст итгэсэн итгэгч бидний хувьд Бурхантай мах цуснаас ч илүү гүн бат барилдлагаар холбогддог. Есүс бол чөтгөрүүдийг болон өвчин зовлон тэр бүү хэл үхлийг захирах эрх мэдэлтэй Агуу Бурхан билээ.

Өнөөдөр шинжлэх ухаан хэдий өндөр хөгжиж, эрүүл мэндийн салбар урьд хожид байгаагүйгээрээ урагшилсан боловч эдгэрэшгүй өвчнүүд, онош нь тогтоогдохгүй шинж тэмдэгүүд байсаар л байна. Үнэхээр хэлж ирдэггүй хийсч ирдэг өвчин зовлон, үхэл хагацлын өмнө хүн төрөлхтөн хүчин мөхөсдсөөр л байна. Гэхдээ бидний Эзэн Есүс бол төгс Эмч, төгс Аврагч юм шүү.