Бурхан хүнд хэцүү цаг үед Өөрийнхөө хүмүүсийг хэзээ ч орхидоггүй. Харин харж хандаж, урамшуулан зоригжуулж байдаг. Улс үндэстнүүдийн хувь тавиланг ганцхан Бурхан атгаж байдаг.

Бурхан биднийг Өөрийнх нь үгийг дуулгавартай дагаасай гэж хүсдэг. Бурхан бидэнд ямагт сайныг хүсдэг учраас бид Бурханы хүслээс хазайхгүй амьдрах нь чухал. Бид Бурханы үгийг судалж, Бурханы үгийг мэдсэн ч түүнийгээ хэрэгжүүлэхгүй, дуулгавартай дагахгүй бол энэ нь бидэнд ямар ч тусгүй юм.

Бурхан Өөрийн хүмүүсээ зовлон бэрхшээл дунд харж хандаж байдаг. Бидний эргэн тойронд ямар ч нөхцөл байдал байсан бид Бурханд итгэж Бурханы үгээс зуурч амьдрахыг Бурхан биднээс хүсдэг.

Бурхан биднийг амьдралынха аливаа асуудал дунд Бурханыг дуудаасай гэж хүсдэг. Бид эргэлзэж тээнэгэлзэх үедээ Бурханы өмнө зүрх сэтгэлээ нээн ярих үед Бурхан бидэнд олон гайхамшигтай зүйлсийг илчилж өгдөг. Бурхан биднийг Өөрт нь итгэж дуулгавартай дагаасай гэж хүсдэг.

Бурхан бидний амьдралд заримдаа зовлон бэрхшээлийг зөвшөөрөх үед бид цаад шалтгааныг нь ойлгодоггүй. Харин ойлгохгүй байгаа бүхнээ бид Бурханд чөлөөтэй илэрхийлэх нь зөв юм. Бурхан биднийг сонсож бидэнд Өөрийгөө илчлэн таниулахдаа дуртай байдаг.

Бурхан цөллөгт явсан Өөрийн ард түмэнд урам зоригийн үгийг өгсөн. Яагаад гэвэл тэднийг цөллөгт явуулсан нь эцэстээ тэдний сайны төлөө байсан. Цөллөгт явалгүй үлдэгсэд Бурханы үгэнд биш харин хуурамч эш үзүүлэгчидэд анхаарлаа хандуулсан учраас тэд дараа нь дахин цөллөгт явсан.

Бүх эрх мэдэл Бурханы мутарт байдаг. Улс үндэстнүүдийг хүчирхэгжүүлэх болон доройтуулах нь ч Бурханы мэдэлд байдаг. Бид Бурханы үгийг дуулгавартай дагах үед Бурхан биднийг ивээж ерөөдөг.

Бурхан бол сайн Бурхан учраас Өөрийн ард түмний дээр хатуу ширүүн шүүлтийг буулгасан нь ч энэ нь эцсийн дүндээ тэдний сайны төлөө байдаг. Бурханы биднийг Өөрийнхөө өмнө дуулгавартай байгаасай гэж хүсдэг.

Бурхан биднийг Өөрийнх нь үгэнд дуулгавартай хандаасай гэж хүсдэг. Бурханы өмнө бардам нэгнийг Бурхан цаг нь ирэхэд шүүдэг. Бид шударга бусаар эд баялаг хураах, хураасан эд баялагаа зөвхөн өөрийнхөө төлөө хар амиа хичээсэн зорилгоор ашиглахаас болгоомжлох ёстой.

Бурхан бол Ваарчин харин бид Түүний мутар дахь шавар юм. Хэнд ч хэрэггүй шавар Ваарчины гарт хамгийн үнэ цэнэтэй ваар сав болон өөрчлөгддөг. Бурхан биднийг тийнхүү өөрчлөхийг хүсдэг.